ଅର୍ଗସ ବ୍ୟୁରୋ: ୧୮ ତମ ଲୋକସଭାର ପ୍ରଥମ ଅଧିବେଶନ ଜୁନ୍ ୨୪ ତାରିଖରୁ ଆରମ୍ଭ ହେବ । ଅଧିବେଶନ ଜୁଲାଇ ୩ ତାରିଖରେ ଶେଷ ହେବ ବୋଲି କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରନ ରିଜିଜୁ ବୁଧବାର କହିଛନ୍ତି । ଏହି  ୯ ଦିନିଆ ସ୍ୱତନ୍ତ୍ର ଅଧିବେଶନରେ ଲୋକସଭା ବାଚସ୍ପତି ନିର୍ବାଚନ ନୂତନ ସାଂସଦମାନଙ୍କ ଶପଥ ଗ୍ରହଣ ହେବ ।

ସେହିପରି  ରାଜ୍ୟସଭାର ୨୬୪ ତମ ଅଧିବେଶନ ଜୁନ ୨୭ ରୁ  ୩ ଜୁଲାଇ ୨୦୨୪ ପର୍ଯ୍ୟନ୍ତ ଅନୁଷ୍ଠିତ ହେବ । ୨୭ ତାରିଖରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଉଭୟ ଗୃହର ମିଳିତ ବୈଠକକୁ ସମ୍ବୋଧିତ କରିବେ । ସେ ଆସନ୍ତା ପାଞ୍ଚ ବର୍ଷ ପାଇଁ ନୂତନ ସରକାରଙ୍କ ରୋଡମ୍ୟାପକୁ ବର୍ଣ୍ଣନା କରିବେ ।

ଅଧିବେଶନର ପ୍ରଥମ ତିନି ଦିନ ମଧ୍ୟରେ ନବ ନିର୍ବାଚିତ ସାଂସଦମାନେ ଶପଥ ଗ୍ରହଣ କରିବେ ଏବଂ ଲୋକସଭାରେ ବାଚସ୍ପତି ଚୟନ ହେବ । ବାଚସ୍ପତି ପଦ ନେଇ ଅନେକ ସାଂସଦ ନା ଚର୍ଚ୍ଚାରେ ରହିଛି । ଟିଡିପି ଏବଂ ଜେଡିୟୁ ମଧ୍ୟ ବାଚସ୍ପତି ପଦ ମାଗିଥିବା ଚର୍ଚ୍ଚା ହେଉଛି ।

ଆହୁରି ପଢନ୍ତୁ ଓଡିଶା ଖବର...