କଟକ: କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ କେନ୍ଦୁପଟଣା ପଂଚାୟତର ଖଣ୍ଡଗାଁ । ଏଠାର ଇଷ୍ଟ ଦେବତା ହେଉଛନ୍ତି ଭଗବାନ ଗିରିଗୋବର୍ଦ୍ଧନ । ଯେଉଁଠି ପ୍ରାୟ 300 ବର୍ଷ ଗିରି ଗୋବର୍ଦ୍ଧନଙ୍କ ପୂଜା ହୋଇଆସୁଛି । ଯେଉଁଥିରେ ସାମିଲ ହୁଅନ୍ତି ଗାଁର ଛୁଆଠୁ ବୁଢା । ଆଖ ପାଖ ମୌଜାରୁ ସବୁ ଲୋକମାନେ ଏକଜୁଟ୍ ହୋଇ ଗିରିଗୋବର୍ଦ୍ଧନ ମୂର୍ତ୍ତିକୁ ପ୍ରାୟ 7ଦିନ ଧରି ପୂଜା କରିଥାନ୍ତି । 
ଚାଲିଛି ପୂଜାର୍ଚ୍ଚନା ସନ୍ଧ୍ୟା ଆଳତୀ ସହ ପାରମ୍ପରିକ ବାଜାରେ ପ୍ରକମ୍ପିତ ହେଉଛି ଚତୁର୍ଦ୍ଦିଗ । ପ୍ରଭୁ ଗିରିଗୋବର୍ଦ୍ଧନଙ୍କ ଏହି ପ୍ରତିଷ୍ଠା ଉତ୍ସବ ବେଶ୍ ଧୁମ ଧାମରେ ପାଳନ ହେଉଛି ।

ମାସ ସାରା ଏହି ଗାଁକୁ ଆମିଷ ପଶେନି । ଗ୍ରାମରେ ସମସ୍ତେ ମାନିଥାନ୍ତି ଯେ ଗିରିଗର୍ଦ୍ଧନ ଠାକୁର ହେଉଛନ୍ତି ଇଷ୍ଟ ଦେବତା । ଠାକୁରଙ୍କ ପାଖରେ ଯିଏ ଯାହା ମାନସିକ କରିଥାଏ ତାହା ସିଏ ପାଇଥାଏ ବୋଲି କୁହନ୍ତି ଗ୍ରାମବାସୀମାନେ । ଏହି ଗ୍ରାମରେ କେବଳ ଗିରିଗୋବର୍ଦ୍ଧନ ହିଁ ପୂଜା ପାଇଥାନ୍ତି । ସେଥିପାଇଁ ବର୍ଷକୁ ଥରେ ପୂଜା ସମୟରେ ଯିଏ ଯେଉଁଠି ଥାଏ ଆସି ପହଞ୍ଚେ । 7 ଦିନ ପର୍ଯ୍ୟନ୍ତ ଗ୍ରାମରେ ପ୍ରସାଦ ସେବନ କରାଯିବା ସହ ପୁରା ଗ୍ରାମ ଆଧ୍ୟାତ୍ମିକ ପରିବେଶରେ ରହିଥାଏ ।

ଆହୁରି ପଢନ୍ତୁ ଓଡିଶା ଖବର...