Mahanadi Flood Alert / ମହାନଦୀରେ ଆସୁଛି ମଧ୍ୟମ ଧରଣର ବନ୍ୟା, ତଳିଆ ଅଞ୍ଚଳରେ ପଶିବ ପାଣି

ମହାନଦୀରେ ଆସୁଛି ମଧ୍ୟମ ଧରଣର ବନ୍ୟା । ଏହି ବଡ଼ ସୂଚନା ଦେଇଛନ୍ତି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ ରାଉତ । ଏବେ ହୀରାକୁଦରେ ଜଳସ୍ତର ୬୧୬ ଫୁଟ୍‌ ରହିଛି । ଏବେ ଦୁଇଟି ଗେଟ୍‌ ଦେଇ ପାଣି ଛଡ଼ା ଯାଉଥିଲେ ବି ତେଲ ନଦୀ ବେସିନ୍‌ ସହ ବଲାଙ୍ଗୀର, ଖଇରମାଳରେ ଅଧିକ ବର୍ଷା ଯୋଗୁଁ କାଲି ସନ୍ଧ୍ୟା ସୁଦ୍ଧା ମୁଣ୍ଡଳୀରେ ୮.୫ ରୁ ୯ ଲକ୍ଷ କ୍ୟୁସେକ ପାଣି ଆସିବ । ଫଳରେ ଦୟା ନଦୀ ଓ ମହାନଦୀର ତଳ ଅଂଚଳରେ ଛୋଟରୁ ମଧ୍ୟମ ଧରଣର ବନ୍ୟା ହେବ । ନିମାପଡ଼ା, କଣାସ, ଗୋପ, ଅସ୍ତରଙ୍ଗ ଅଂଚଳରେ ବନ୍ୟା ପାଣି ପଶିବ ।

ଅଧିକ ପଢ଼ନ୍ତୁ: ପ୍ରବଳ ବର୍ଷା ପାଇଁ ଆଜି ସ୍କୁଲ ଛୁଟି, ଏହି ସବୁ ଜିଲ୍ଲାରେ ବନ୍ଦ ରହିବ ପାଠପଢ଼ା

ସେପଟେ ବୈତରଣୀରେ ବନ୍ୟା ସ୍ଥିତି ରହିଛି । ଯାଜପୁର ଦଶରଥପୁର, ଧାମନଗର, ଚାନ୍ଦବାଲିରେ ବନ୍ୟା ପାଣି ପଶିଛି । ସାଳନ୍ଦୀରେ ଇନ ଫ୍ଲୋ କମିଛି । ଭଦ୍ରକରେ ସ୍ଥିତି ଆସନ୍ତାକାଲି ସୁଦ୍ଧା ସୁଧୁରିବ । ଆନନ୍ଦପୁରରେ ଏକ ଛୋଟ ଘାଇ ହୋଇଛି । ପାଣି କମିଲେ ମରାମତି ହେବ ବୋଲି ଜଳ ସଂପଦ ବିଭାଗ ସୂଚନା ଦେଇଛି । ଯାଜପୁରରେ ଏକ ଛୋଟ ଘାଇ ହୋଇଥିଲା । ପାଣି କମିଲେ ମରାମତି ହେବ ବୋଲି ଜଳ ସଂପଦ ବିଭାଗ ପକ୍ଷରୁ କୁହାଯାଉଛି ।