ପୋଲିସ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପରିବାର ଲୋକଙ୍କ ଦାବି 

କଟକ: ମାହାଙ୍ଗା ଥାନା ଆଗରେ ମହିଳାଙ୍କ ଆତ୍ମାହୁତି ଉଦ୍ୟମ ଘଟଣାରେ ପୋଲିସକୁ ଦାୟୀ କଲେ ଗୁରୁତର ମହିଳାଙ୍କ ପରିବାର । ମାହାଙ୍ଗା ଥାନା ଅଧିକାରୀ ଓ ଜଣେ ମହିଳା ସବଇନ୍ସପେକ୍ଟରଙ୍କ ଦୁର୍ବ୍ୟବହାର ଯୋଗୁ ତାଙ୍କ ଝିଅଙ୍କର ଏଭଳି ଅବସ୍ଥା ହୋଇଥିବା ସାଲେପୁର ଥାନାରେ ଏତଲା ଦେଇଛନ୍ତି ପରିବାର ଲୋକେ । 

ପୂର୍ବରୁ ତାଙ୍କ ଜ୍ବାଇଁକୁ ପୋଲିସ ଏକ ଚୋରି କେସ୍ ରେ ଉଠାଇ ଆଣିଥିଲା । ପରେ ଗତ 16 ତାରିଖ ଦିନ ତାଙ୍କ ଝିଅ ରଶ୍ମିତା ଦାସ ମାହାଙ୍ଗା ଥାନାକୁ ଆସି ତାଙ୍କ ସ୍ୱାମୀକୁ ଦେଖା କରିବା ପାଇଁ ଚାହିଁଥିଲେ । ହେଲେ ତାଙ୍କୁ ତାଙ୍କ ସ୍ୱାମୀଙ୍କ ସହ ଦେଖା ନକରାଇଦେଇ ପୋଲିସ ଓଲଟା ତାଙ୍କୁ ଗାଳିଗୁଳଜ କରିଥିବା ଅଭିଯୋଗ ହୋଇଛି । ରଶ୍ମିତାଙ୍କୁ କଟକ ବଡ ମେଡ଼ିକାଲର icuରେ ଭର୍ତ୍ତି କରାଯାଇଛି । 

ପୋଲିସ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପରିବାର ଲୋକେ ଦାବି କରିଛନ୍ତି । ଅନ୍ୟପଟେ ଏନେଇ ସାଲେପୁର  ଏସଡିପିଓ କ୍ୟାମେରା ସମ୍ମୁଖରେ ମୁହଁ ଖୋଲି ନାହାନ୍ତି । 

ଆହୁରି ପଢନ୍ତୁ ଓଡିଶା ଖବର...