ବିଶ୍ୱ ମାଲେରିଆ ଦିବସ ଅବସରରେ ଏପ୍ରିଲ ୨୯, ୨୦୨୬ ତାରିଖରେ ରାଷ୍ଚୀୟ କୀଟଜନିତ ସଂକ୍ରାମକ ରୋଗ ନିବାରଣ ଏକାଡେମୀ-National Academy of Vector Borne Diseases (NAVBD) ଓ ଆଞ୍ଚଳିକ ଭେଷଜ ଗବେଷଣା କେନ୍ଦ୍ର (Regional Medical Research Centre-RMRC), ଭୁବନେଶ୍ୱରଙ୍କ ମିଳିତ ଆୟୋଜନରେ ଏକ ଗୁରୁତ୍ୱପୂର୍ଣ୍ଣ ବୈଠକ ସଫଳତାର ସହିତ ଆୟୋଜିତ ହୋଇଥିଲା। ଏହି ବୈଠକରେ ପ୍ରମୁଖ ବିଶେଷଜ୍ଞ, ନୀତିନିର୍ଦ୍ଧାରକ, ଗବେଷକ ଓ ସାର୍ବଜନୀନ ସ୍ୱାସ୍ଥ୍ୟକ୍ଷେତ୍ରର ବୃତ୍ତିଜୀବୀମାନେ ମାଲେରିଆ ନିରାକରଣ ପାଇଁ ଯୋଜନା ଉପରେ ଚର୍ଚ୍ଚା କରିଥିଲେ ।

ଏହି କାର୍ଯ୍ୟକ୍ରମରେ ପଦ୍ମଶ୍ରୀ ପ୍ରଫେସର୍ ଏ. ପି. ଦାଶ, ପୂର୍ବତନ କୁଳପତି, କେନ୍ଦୀୟ ବିଶ୍ବବିଦ୍ଯାଳୟ, ତାମିଲନାଡୁ - Central University of Tamil Nadu (CUTN) ତଥା ବିଶ୍ୱ ସ୍ୱାସ୍ଥ୍ୟ ସଂଗଠନର ଦକ୍ଷିଣ-ପୂର୍ବ ଏସିଆ କ୍ଷେତ୍ର( WHO-SEARO)ର ଆଞ୍ଚଳିକ ପରାମର୍ଶଦାତା; ଭାରତୀୟ ଆୟୁର୍ବିଜ୍ଞାନ ଅନୁସନ୍ଧାନ ପରିଷଦ- Indian Council of Medical Research (ICMR) ର ଅତିରିକ୍ତ ମହାନିର୍ଦ୍ଦେଶକ ଡା. ସଙ୍ଘମିତ୍ରା ପତି; ସ୍ବାସ୍ଥ୍ଯ ଓ ପରିବାର କଲ୍ଯାଣ ଆଞ୍ଚଳିକ କାର୍ଯ୍ଯାଳୟ Regional Office for Health and Family Welfare (ROHFW)ର ବରିଷ୍ଠ ଆଞ୍ଚଳିକ ନିର୍ଦ୍ଦେଶକ ଡା. ସୁଚିତ୍ରା ସାସ୍ମଲ; ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ବିଭାଗର ଅତିରିକ୍ତ ନିର୍ଦ୍ଦେଶକ ଡା. ସୁଭାଶିଷ ମହାନ୍ତି ; ଜୀବ ବିଜ୍ଞାନ ସଂସ୍ଥାନ (Institute of Life Sciences), ଭୁବନେଶ୍ବରର ବରିଷ୍ଠ ବୈଜ୍ଞାନିକ ଡା. ଭି. ଅରୁଣ ନାଗରାଜ; ଏବଂ କାର୍ଯ୍ୟନିର୍ବାହୀ ଅଧ୍ୟକ୍ଷ ଓଡ଼ିଶା ପରିବେଶ ସମିତି (Odisha Environmental Society-OES)ପ୍ରଫେସର୍ ଜୟକୃଷ୍ଣ ପାଣିଗ୍ରାହୀ ପ୍ରମୁଖ ଯୋଗ ଦେଇଥିଲେ ।

ସଭାରେ ସ୍ୱାଗତ ଭାଷଣ ଦେଇ ରାଷ୍ଚୀୟ କୀଟଜନିତ ସଂକ୍ରାମକ ରୋଗ ନିବାରଣ ଏକାଡେମୀ (National Academy of Vector Borne Diseases-NAVBD)ର ସଚିବ ଡକ୍ଟର ଏମ୍. ଆର୍. ରଞ୍ଜିତ ବିଶ୍ୱ ମାଲେରିଆ ଦିବସ ପରି ସାର୍ବଜନୀନ ସ୍ୱାସ୍ଥ୍ୟ ଅଭିଯାନ ପାଳନର ଗୁରୁତ୍ୱ ଉପସ୍ଥାପନ କରିଥିଲେ, ଯାହା ମାଲେରିଆ ବିରୋଧରେ ସଚେତନତା ଓ ସମୂହୀକ ପ୍ରୟାସକୁ ସୁଦୃଢ କରେ ।

ଡକ୍ଟର ସଂଘମିତ୍ରା ପତି ସରକାରୀ ସମ୍ବଳର ସଂଗ୍ରହର ଜରୁରୀ ଆବଶ୍ୟକତା ଉପରେ ଆଲୋକପାତ କରିଥିଲେ ଏବଂ ୨୦୩୦ ସୁଦ୍ଧା ମ୍ୟାଲେରିଆ ନିରାକରଣ ହାସଲ କରିବା ପାଇଁ ଭାରତର ପ୍ରତିବଦ୍ଧତାକୁ ଦୃଢ଼ କରିଥିଲେ । ଡକ୍ଟର ସୁଚିତ୍ରା ସାସ୍ମଲ ବିଶ୍ୱସ୍ତରୀୟ ମ୍ୟାଲେରିଆ ପରିସ୍ଥିତିର ଏକ ସମୀକ୍ଷା ପ୍ରଦାନ କରିଥିଲେ, ଯାହାଦ୍ଵାରା ହୋଇଥିବା ଅଗ୍ରଗତି ଏବଂ ସ୍ଥାୟୀ ଚ୍ୟାଲେଞ୍ଜ ଉଭୟକୁ ରେଖାଙ୍କିତ କରିଥିଲା ।

ଡକ୍ଟର ସୁଭାଶିଷ ମହାନ୍ତି ମ୍ୟାଲେରିଆ ନିୟନ୍ତ୍ରଣରେ ଓଡ଼ିଶାର ସଫଳତା କାହାଣୀ ଉପସ୍ଥାପନ କରିଥିଲେ ଏବଂ ୨୦୩୦ ସୁଦ୍ଧା ନିରାକରଣ ଲକ୍ଷ୍ୟ ହାସଲ କରିବା ପାଇଁ ରାଜ୍ୟ ସରକାରଙ୍କ ଦୃଢ଼ ପ୍ରତିବଦ୍ଧତାକୁ ପୁନର୍ବାର ଦୋହରାଇଥିଲେ । ଡକ୍ଟର ଭି. ଅରୁଣ ନାଗରାଜ ପ୍ରତିଶ୍ରୁତିପୂର୍ଣ୍ଣ ଗବେଷଣା ବିକାଶ, ବିଶେଷକରି ଅତ୍ୟନ୍ତ ପ୍ରଭାବଶାଳୀ ନୂତନ ମ୍ୟାଲେରିଆ ପ୍ରତିରୋଧୀ ଔଷଧ ଆବିଷ୍କାର କରିବାର ସମ୍ଭାବନା ବିଷୟରେ ଆଲୋଚନା କରିଥିଲେ ।

ପ୍ରଫେସର ଏ. ପି. ଦାଶ ତାଙ୍କର ଉଦବୋଧନରେ ମାଲେରିଆ ନିରାକରଣ ପାଇଁ ସରକାରୀ-ବେସରକାରୀ ସହଭାଗୀତାର ଗୁରୁତ୍ବପୂର୍ଣ୍ଣ ଭୂମିକା ଉପରେ ଗୁରୁତ୍ବାରୋପ କରିଥିଲେ ।

ପ୍ରାୟ ୧୫୦ ଜଣ ପ୍ରତିନିଧି ଏହି ବୈଠକରେ ଯୋଗଦେଇଥିଲେ, ଯେଉଁମାନେ ସରକାରୀ ସଂସ୍ଥା, ଶିକ୍ଷାନୁଷ୍ଠାନ, ଗବେଷଣା ସଂଗଠନ ଓ ସାଧାରଣ ଲୋକଙ୍କୁ ପ୍ରତିନିଧିତ୍ୱ କରୁଥିଲେ, ଯାହା ମାଲେରିଆ ବିରୋଧରେ ବହୁମୁଖୀ ସମନ୍ୱୟର ଦୃଢ ପ୍ରତିବଦ୍ଧତାକୁ ପ୍ରକାଶ କରିଥିଲା ।

କାର୍ଯ୍ୟକ୍ରମର ଶେଷରେ ସମସ୍ତେ ଏକ ସାଧାରଣ ସଙ୍କଳ୍ପ ନେଇଥିଲେ—ସହଯୋଗ, ନବସୃଜନ ଓ ସମ୍ପଦ ସଂଗ୍ରହକୁ ସୁଦୃଢ କରି ମାଲେରିଆ ମୁକ୍ତ ଭବିଷ୍ୟତ ଦିଗରେ ଦ୍ରୁତ ଅଗ୍ରସର ହେବା ।