Argus News - କ୍ରାଇମବ୍ରାଞ୍ଚ ତଦନ୍ତ ଉପରୁ ପୂର୍ବରୁ ଭରସା ହରାଇଛି ପରିବା, ଏବେ କଣ୍ଟାବାଞ୍ଜିରୁ କଳାହାଣ୍ଡି ସିବିଆଇ ତଦନ୍ତ ଦାବି ଯୋ

ଅର୍ଗସ ବ୍ୟୁରୋ:  ପୁଣି ମମିତା, ପୁଣି ଗୋବିନ୍ଦ, ପୁଣି ଦିବ୍ୟ ଶଙ୍କର। କଳାହାଣ୍ଡି ସନସାଇନ୍ ସ୍କୁଲର ପ୍ରିନ୍ସପାଲ ମମିତା ମେହେରଙ୍କ ହତ୍ୟାକାରୀ କିଏ ? କିଏ ରଚିଥିଲା ଷଡ଼ଯନ୍ତ୍ର ?କୁଆଡେ ଗଲା ମମିତାଙ୍କ ମୋବାଇଲରେ ଥିବା ଭିଡିଓ ? କେମିତି ଜେଲରେ କଡ଼ା ସୁରକ୍ଷା ଭିତରେ ହେଲା ଗୋବିନ୍ଦ ସାହୁର ମୃତ୍ୟୁ ? 2 ବର୍ଷ ପରେ ବି କ୍ରାଇମବ୍ରାଞ୍ଚ ତଦନ୍ତରୁ ଏସବୁ ପ୍ରଶ୍ନର ଉତ୍ତର ମିଳିପାରିଲା ନାହିଁ। ପୂର୍ବରୁ ମମିତାଙ୍କ ପରିବାର ଲୋକେ କ୍ରାଇମବ୍ରାଞ୍ଚ ତଦନ୍ତ ଉପରୁ ଭରସା ହରାଇ ସାରିଥିବା ବେଳେ ଏବେ ସାଧାରଣ ଲୋକେ ବି କରିଛନ୍ତି ସିବିଆଇ ତଦନ୍ତ ଦାବି। ମମିତା ମେହେର  ହତ୍ୟା ଓ ଗୋବିନ୍ଦ ସାହୁ ମୃତ୍ୟୁ ମାମଲାରେ ସିବିଆଇ ତଦନ୍ତ ଦାବିରେ କଣ୍ଟାବାଞ୍ଜିରେ ଆଦିବାସୀ ମହିଳାମାନେ କରିଛନ୍ତି ହଲ୍ଲାବୋଲ।

ଏହି ବହୁ ଚର୍ଚ୍ଚିତ ହତ୍ୟା ମାମଲାରେ ବିଜେଡି ବିଧାୟକ ତଥା ତତକାଳୀନ ଗୃହ ଓ ଶକ୍ତି ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଭୂମିକା ବିବାଦ ଘେରକୁ ଆସିଥିଲା। ଏପରିକି ଖୋଦ୍ ମମିତାଙ୍କ ବାପା ଦିବ୍ୟଶଙ୍କରଙ୍କ ବିରୋଧରେ ଆଣିଥିଲେ ସାଂଘାତିକ ଅଭିଯୋଗ। ତେବେ କ୍ରାଇମବ୍ରାଞ୍ଚ ଦିବ୍ୟଶଙ୍କରଙ୍କୁ ତଦନ୍ତ ପରିସରଭୂକ୍ତ କରିନଥିବା ବେଳେ ଏବେ ଖୋଦ୍ ବିଜେଡି ସମର୍ଥକ ଏହି ମାମଲାରେ ଦିବ୍ୟଶଙ୍କରଙ୍କ ଭୂମିକା ନେଇ ସିବିଆଇ ତଦନ୍ତ ଦାବି କରିଛନ୍ତି। ଦିବ୍ୟଶଙ୍କରଙ୍କୁ ବିଜେଡି ସରକାର ଘଣ୍ଟ ଘୋଡ଼ାଉଥିବା ଅଭିଯୋଗ ହୋଇଛି।

ପୂର୍ବରୁ ଏହି ମାମଲାରେ ସିବିଆଇ ତଦନ୍ତ ଦାବି କରିସାରିଛନ୍ତି ଖୋଦ୍ ମମିତାଙ୍କ ମା। ଏପରିକି ସିବିଆଇ ତଦନ୍ତ କଲେ  ବିଜେଡି ବିଧାୟକ ଦିବ୍ୟ ଶଙ୍କର ମିଶ୍ରଙ୍କ ସଂପୃକ୍ତି ନେଇ ସତ ସାମ୍ନାକୁ ଆସିବ ବୋଲି ସେ କହିଥିଲେ। 2021 ଅକଟୋବର 8ରେ ନିଖୋଜ ହୋଇଯାଇଥିଲେ ମମିତା । ତାପରେ ସାମ୍ନାକୁ ଆସିଥିଲା ଲୋମହର୍ଷଣକାରୀ ହତ୍ୟାର କରୁଣ କାହାଣୀ । 2 ବର୍ଷ ପରେ ଏବେ ବି ଅନେକ ଅସମାହିତ ପ୍ରଶ୍ନ।ମମିତା ମର୍ଡର ମିଷ୍ଟ୍ରିରୁ ପରଦା ହଟାଇ ପାରିନାହିଁ ଓଡ଼ିଶା ପୋଲିସ, କ୍ରାଇମବ୍ରାଞ୍ଚ ଉପରେ ନାହିଁ ଭରସା, ପରିବାର ଲୋକଙ୍କ ପରେ ସାଧାରଣରେ ଦାବି ହେବା ପରେ ସିବିଆଇ ତଦନ୍ତ ନେଇ ସୁପାରିସ କରିବେ କି ବିଜେଡି ସରକାର ?

ଅଧିକ ପଢ଼ନ୍ତୁ ଓଡିଶା ଖବର: