ବ୍ରହ୍ମପୁର: ଗଞ୍ଜାମ ଜିଲ୍ଲାର ଲବ୍ଧ ପ୍ରତିଷ୍ଠିତ ଭେଷଜ ବିଶେଷଜ୍ଞ ତଥା ପରୋପକାରୀ ସମାଜସେବୀ ଡକ୍ଟର ମିହିର କାନ୍ତ ପାଣିଗ୍ରାହୀଙ୍କ ପରଲୋକ । ରାଜ୍ୟ ସରକାରଙ୍କ ଅବସରପ୍ରାପ୍ତ ବରିଷ୍ଠ ଭେଷଜ ବିଶେଷଜ୍ଞ ତଥା ମିଷ୍ଟଭାଷୀ, ପରୋପକାରୀ ତଥା ଛାତ୍ରାବସ୍ଥାରେ ଜଣେ ମେଧାବୀ ଛାତ୍ର ହିସାବରେ ପରିଗଣିତ ଡାକ୍ତର ମିହିର କାନ୍ତ ପାଣିଗ୍ରାହୀଙ୍କର 16 ତାରିଖ ରାତିରେ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ହୃଦଘାତରେ ପରଲୋକ ହୋଇଯାଇଛି ।

ମୃତ୍ୟୁ ବେଳକୁ ତାଙ୍କୁ ୭୪ ବୟସ ହୋଇଥିଲା । ଡାକ୍ତର ପାଣିଗ୍ରାହୀ ଆକାଶବାଣୀର କିମ୍ବଦନ୍ତୀ ବ୍ୟକ୍ତିତ୍ଵ ମଧୁସୂଦନ ପାଣିଗ୍ରାହୀଙ୍କ ଜ୍ୟେଷ୍ଠ ପୁତ୍ର ତଥା "କୁମାର ପୁନେଇଁ ଜହ୍ନ ଲୋ" କମିଟିର ବରିଷ୍ଠ ସଦସ୍ୟ ଓ ଉପଦେଷ୍ଟା ଥିଲେ ।

ମିଷ୍ଟଭାଷୀ ଓ ପରୋପକାରୀ ଡାକ୍ତର ପାଣିଗ୍ରାହୀ କୋଭିଡ ସମୟରେ ନିରବଚ୍ଛିନ୍ନ ଭାବେ ଶତାଧିକ ରୋଗୀଙ୍କୁ ମାଗଣାରେ ଚିକିତ୍ସା କରିଥିଲେ । ମୃତ୍ୟୁ ଶଯ୍ୟାରେ ତାଙ୍କର ତିନି ପୁତ୍ର କ୍ୟାପିଟାଲ ହସପିଟାଲର ଆସୋସିଏଟ ପ୍ରଫେସର ଡାକ୍ତର ବିଶ୍ୱକେଶ , ଆମେରିକାରେ ଥିବା ଶିବାନନ୍ଦ ଓ କାନାଡ଼ାରେ ଥିବା ମୁଞ୍ଜକେଶ ତଥା ତିନି ପୁତ୍ରବଧୁ ଓ ଭାଇ ପ୍ରିୟଦର୍ଶୀ ଓ ହୃଷିକେଶ ପାଣିଗ୍ରାହୀ ଉପସ୍ଥିତ ଥିଲେ।

ତାଙ୍କର ପରଲୋକରେ ସମାଜ ସେବା , ଚିକିତ୍ସା ସେବା ସହିତ ସଂସ୍କୃତି ଜଗତର ବିପୁଳ ଖ୍ୟାତି ଘଟିଲା ବୋଲି କନିଷ୍ଠ ଭ୍ରାତା ତଥା ଆକାଶବାଣୀର ପୂର୍ବତନ ନିର୍ଦ୍ଦେଶକ ହୃଷୀକେଶ ପାଣିଗ୍ରାହୀ ଜଣାଇଛନ୍ତି ।

ଆହୁରି ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV