ଭୁବନେଶ୍ୱର:  ନିଃସନ୍ତାନ ଥିଲେ ସନ୍ତାନ ପ୍ରାପ୍ତି ହେବ । ଗରିବ ଥିଲେ ଧନ ସମ୍ପତ୍ତି ପ୍ରାପ୍ତ ହେବ । ସବୁ ଦୁଃଖ ଦୁର୍ଦ୍ଦଶା ବି ଦୂର ହୋଇଯିବ । ଏଭଳି କଥା କହି ନିଜକୁ ଜ୍ୟୋତିଷ ବୋଲାଉଥିବା ଠକ ନିଳାମ୍ବର ପାଣିକୁ ଭଦ୍ରକରୁ ଉଠାଇ ଆଣିଛି କମିଶନରେଟ ପୋଲିସ। 

ଏହି ଠକ ବିରୋଧରେ ଦୁଷ୍କର୍ମ ଭଳି ସାଙ୍ଘାତିକ ଅଭିଯୋଗ ଥିବା ଜଣାପଡିଛି । ଜଣେ ମହିଳାଙ୍କୁ ସନ୍ତାନ ପ୍ରାପ୍ତିର ଲୋଭ ଦେଖାଇ ବନ୍ଦ ଘରକୁ ଡାକି ପାଟିରେ ଲବଙ୍ଗ ଜାକିବାକୁ କହି ଦୁଷ୍କର୍ମ କରିଥିଲା ଏହି ବ୍ୟକ୍ତି । ସମ୍ଭ୍ରାନ୍ତ ଶ୍ରେଣୀର ମହିଳା ଜଣଙ୍କ ଏ ନେଇ ଥାନାରେ ଅଭିଯୋଗ କରିବା ପରେ ଠକକୁ ଉଠାଇ ଆଣିଛି କମିଶନରେଟ ପୋଲିସ । ସୋସିଆଲ ମିଡିଆରେ ଏହିସବୁ ଭିଡିଓ ଛାଡି ନିଜକୁ ଜ୍ୟୋତିଷ ବୋଲି କହି ଶତାଧିକ ମହିଳାଙ୍କୁ ଚୁନା ଲଗାଇଥିବା ଜାଣିବାକୁ ପାଇଛି ପୋଲିସ ।

ତେବେ ସୋସିଆଲ ମିଡିଆରେ ଏହି ବ୍ୟକ୍ତିଙ୍କର ଅନେକ ଫଲୋଅର ଅଛନ୍ତି । ସୋସିଆଲ ମିଡିଆରେ ସେ ଦୈନନ୍ଦିନ ଲୋକଙ୍କୁ ଟିପ୍ସ୍ ଦିଅନ୍ତି । ମାନସିକ ଶାନ୍କି କେମିତି ପାଇବେ, ସମସ୍ତ କାର୍ଯ୍ୟରେ ସଫଳ କେମିତି ହେବେ , ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଭଲ ସମ୍ପର୍କ ରହିବାର ଉପାୟ କଣ ଏହି ସବୁ ବିଷୟରେ ସାଧାରଣ ଲୋକଙ୍କୁ ଟିପ୍ସ ଦିଅନ୍ତି ନୀଳମ୍ବାର । 

ଆହୁରି ପଢନ୍ତୁ ଓଡିଶା ଖବର...