ଅର୍ଗସ ବ୍ୟୁରୋ: କାହା ନା ରେ ସାଇବର ଠକେଇ ଅଭିଯୋଗ ତ କାହା ଏକାଉଣ୍ଟ୍ ରୁ ହେଇଛି ଟଙ୍କା ହେରଫେର୍ । ବାଲେଶ୍ଵର ଜିଲ୍ଲା ଭୋଗରାଇ ବ୍ଳକ୍ କମର୍ଦା ଥାନା ନହରା ପଞ୍ଚାୟତର ୪୦ ରୁ ଅଧିକ ଚାଷୀଙ୍କ ସହିତ ଏଭଳି ସ୍କାମ ହୋଇଥିବା ଅଭିଯୋଗ। ରାଉତ ମନ୍ଦାରୁଣୀ ଗ୍ରାମର ବିଜୟ କୁମାର ଶୂର ନିଜ ଗ୍ରାମରେ ଦୀର୍ଘ ୭ ବର୍ଷ ହେଲା ସାର ଓ କୀଟନାଶକ ଦୋକାନ କରିଥିଲେ । ସାର ରହାତିରେ ମିଳିବ ବୋଲି କହି ସାର ଦୋକାନୀ ବିଜୟ , ଚାଷୀଙ୍କ ଠାରୁ ଆଧାରକାର୍ଡ , ଫଟୋ ନେଇ ବିଭିନ୍ନ ବ୍ୟାଙ୍କରେ ପାସବୁକ ଖୋଲିଥିଲେ । ବ୍ୟାଙ୍କରେ ଖାତା ଖୋଲିବା ସମୟରେ ଚାଷୀଙ୍କ ମୋବାଇଲ୍ ନମ୍ବର ବଦଳରେ ନିଜର ଏବଂ ନିଜ ସମ୍ପର୍କୀୟଙ୍କ ମୋବଇଲ୍ ନମ୍ବର ଦେଇଥିଲେ । ଗରିବ ଚାଷୀଙ୍କ ସରଳତାର ସୁଯୋଗ ନେଇ ଚାଷୀଙ୍କ ଜମା ଖାତାରେ ଲକ୍ଷାଧିକ ଟଙ୍କା କାରବାର କରିଛନ୍ତି ।

ଝାଟୁ ମାରାଣ୍ଡିଙ୍କ ଜମା ଖାତାରେ ୧୦ଲକ୍ଷ ୩୨ ହଜାର ୮୩୫ଟଙ୍କା , କାର୍ତ୍ତିକ ବାରିକଙ୍କ ଜମା ଖାତାରେ ୨୦ ଲକ୍ଷ ୪୦ହଜାର ୧୪୦ ଟଙ୍କା ଋଣ ହୋଇଥିବା ବେଳେ ଋଣ ପରିଷୋଧ ହୋଇନଥିବାରୁ ନଭେମ୍ବର ୧୫ ତାରିଖରେ ୟୁକୋ ବ୍ୟାଙ୍କ ପକ୍ଷରୁ ନୋଟିସ୍ ହୋଇଥିଲା । ନୋଟିସ ଆସିବା ପରେ ଚାଷୀଙ୍କ ପାଦତଳୁ ମାଟି ଖସି ପଡ଼ିଥିଲା । ସେ କୌଣସି ବ୍ୟାଙ୍କକୁ ଯାଇନଥିବା ବେଳେ ତାଙ୍କ ନାଁରେ ଏତେ ଟଙ୍କା କେମିତି ରଣ ହେଲା ବୋଲି ସେମାନେ ଚକିତ ହୋଇଯାଇଥିଲେ । ସେମାନେ ଏହାର ସତ୍ୟାସତ୍ୟ ଜାଣିବା ପାଇଁ ବ୍ୟାଙ୍କକୁ ଯାଇଥିଲେ । ସେଠାରୁ ଯାହା ଜଣିଲେ ସେମାନେ ଠକେଇର ଶିକାର ହୋଇଛନ୍ତି । ଏଭଳି ଘଟଣା ଜଣାପଡ଼ିବା ପରେ ଚାଷୀମାନେ କମର୍ଦା ଥାନାରେ ଅଭିଯୋଗ କରିଛନ୍ତି । ପୁଲିସ ଅଭିଯୋଗକୁ ଭିଭିକରି ତଦନ୍ତ ଆରମ୍ଭ କରିଛି । ତେବେ ସାର ଦେକାନି ଏବେ ଫେରାର୍ ହୋଇଯାଇଛି ।

ତେବେ ଏଠି ପ୍ରଶ୍ନ ଉଠୁଛି ଏତେ ଟଙ୍କା ହେରଫେରରେ କାହାର ରହିଛି ସଂପର୍କ ? ଏତେ ଟଙ୍କା ଟ୍ରାନଜେକସନ ଲୁଟ୍ ଠକେଇ ବ୍ୟାଙ୍କ କତୃପକ୍ଷ ଜାଣିପାରିଲେନି କେମିତି । ନା ବ୍ୟାଙ୍କ କତୃପକ୍ଷ ର ରହିଛି କି ଠକେଇ ପଛରେ ହାତ ? ତେବେ ଏହା ଉପରେ ଉଚ୍ଚ ସ୍ତରୀୟ ତଦନ୍ତ କରି ଘୋଟଣାର ସତ୍ୟା ସତ୍ୟ ଆଣିବାକୁ ଦାବି ହୋଇଛି ।

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV