ବ୍ରହ୍ମପୁର: ମିଠା ପ୍ୟାକେଟ୍ ରେ ଗୋ ମାଂସ । ପ୍ୟାକିଂ ଆଉ ବ୍ରାଣ୍ଡିଂ ଏପରି ହୋଇଛି ଯେ ଯିଏ ଭାବିବ ଏହା ହେଉଛି ମିଠା ପ୍ୟାକେଟ୍ ।  କଟକରୁ ହାଇଦ୍ରାବାଦ  20 ଟନରୁ ଉର୍ଦ୍ଧ୍ୱ ଗୋ ମାଂସ  ଚାଲାଣ ହେଉଥିବାବେଳେ ଜବତ କରିଛି ପୋଲିସ । 

ଖବର ପାଇ ପ୍ରଥମେ ଗଞ୍ଜାମ ଛତ୍ରପୁର ନିକଟରେ କଣ୍ଟେନରକୁ ଅଟକ ରଖିଥିଲେ ବଜରଙ୍ଗ ଦଳ ଏବଂ ବିଜେପି କର୍ମୀ । ପରେ ଜବତ ହୋଇଥିଲା ଟନ ଟନ ଗୋ ମାଂସ । ପ୍ୟାକିଂ ଏବଂ ବ୍ରାଣ୍ଡିଂ ଷ୍ଟିକର ଲଗାଇ ଅଭିନବ ଉପାୟରେ ଗୋ ମାଂସ ଚାଲାଣ କରୁଥିଲେ ଗୋ ମାଫିଆମାନେ । ତେବେ ଏହି ମାମଲାରେ ଟ୍ରକ ଡ୍ରାଇଭର ସମତେ ହେଲପରକୁ ଛତ୍ରପୁର ପୋଲିସ ଅଟକ ରଖି ଅଧିକ ପଚରା ଉଚରା କରୁଛି । 

ଗଞ୍ଜାମ ଜିଲ୍ଲାର ଜାତୀୟ ରାଜପଥ ଦେଇ ପ୍ରତ୍ୟେକ ଦିନ ଗୋରୁ ଏବଂ ଗୋ ମାଂସ ବୋଝେଇ ଟ୍ରକ ଯାଉଥିବାବେଳେ ପୋଲିସ ପ୍ରଶାସନର ନିରବଦ୍ରଷ୍ଟାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଗୋ ସୁରକ୍ଷାକାରୀମାନେ ।

ଆହୁରି ପଢନ୍ତୁ ଓଡିଶା ଖବର...