ଅର୍ଗସ ବ୍ୟୁରୋ: ଯଦି ଆପଣଙ୍କୁ ଜ୍ୱର ହୋଇଛି ଆଉ ଆପଣ ପାରାସିଟାମଲ ମେଡିସିନ୍‌ ଖାଉଛନ୍ତି ତେବେ ହୋଇଯାଆନ୍ତୁ ସାବଧାନ । କାହିଁକି ନା ଦେଶର ଡ୍ରଗ୍‌ ରେଗୁଲେଟର ସେଣ୍ଟ୍ରାଲ୍ ସଂଗଠନ  ଦ୍ୱାରା ହୋଇଥିବା ଗୁଣାତ୍ମକ ପରୀକ୍ଷାରେ ବିଫଳ ହୋଇଛି ପାରାସିଟାମୋଲ୍‌ ।  

ଏବେ ୫୦ରୁ ଅଧିକ ଔଷଧ କ୍ୱାଲିଟି ଟେଷ୍ଟରେ ଫେଲ୍ ମାରିଛନ୍ତି। ଏହି ଔଷଧଗୁଡ଼ିକ ମଧ୍ୟରେ କ୍ୟାଲ୍‌ସିୟମ, ଭିଟାମିନ ଡି ସପ୍ଲିମେଣ୍ଟ, ଆଣ୍ଟି ଡାଇବେଟିସ ପିଲ୍ସ ଓ ହାଇ ବ୍ଲଡ ପ୍ରେସର ମେଡିସିନ ଭଳି ଔଷଧ ରହିଛି। ଭାରତୀୟ ଔଷଧ ନିୟନ୍ତ୍ରକ ବୋର୍ଡ ଏହିସବୁ ଔଷଧର ମାନ ପରୀକ୍ଷା କରିଥିଲା।

ପରୀକ୍ଷାରେ ୫୦ରୁ ଅଧିକ ଔଷଧ ଖରାପ କ୍ୱାଲିଟିର ବୋଲି ଜଣାପଡ଼ିଛି। ଭିଟାମିନ ସି ଏବଂ ଡି ୩ ଟାବ୍‌ଲେଟ ସେଲକାଲ, ଭିଟାମିନ ବି କମ୍ପ୍ଲେକ୍ସ ଏବଂ ଭିଟାମିନ ସି ସଫ୍ଟଜେଲ, ଆଣ୍ଟାସିଡ୍ ପାନ ଡି, ପାରାସିଟାମଲ ଟାବ୍ଲେଟ୍ ଆଇପି ଭଳି ୫୩ଟି ମୁଖ୍ୟ ଔଷଧ ଖରାପ ମାନର ବୋଲି ଭାରତୀୟ ଔଷଧ ନିୟନ୍ତ୍ରକ କହିଛନ୍ତି।

ଅଧିକ ପଢନ୍ତୁ ଓଡିଶା ଖବର...