ନୂଆ ସଦସ୍ୟ ମାନଙ୍କ ସହ ନଡ୍ଡାଙ୍କ ଇଣ୍ଟଲେକଚୁଆଲ ମିଟ୍
ବିଜେପିରେ ନେତାର ପୁଅ ହୁଏନି ନେତା, ଗ୍ରାଉଣ୍ଡ ଜିରୋରୁ ଆସିଥିବା ଲୋକ ନିଏ ନେତୃତ୍ବ
- ବିଜେପି ଏକମାତ୍ର ଗଣତାନ୍ତ୍ରିକ ଦଳ, ଯେଉଁଠାରେ ମଣ୍ଡଳ, ଜିଲ୍ଲା, ରାଜ୍ୟରେ ନିର୍ବାଚନ ପରେ ରାଷ୍ଟ୍ରୀୟ ସ୍ତରରେ ଅଧ୍ୟକ୍ଷ ନିର୍ବାଚନ ହୁଏ
- ଓଡ଼ିଶା ଆସି ଦଳର ମେଗା ସଦସ୍ୟତା ଅଭିଯାନରେ ସାମିଲ ହୋଇ ବାର୍ତ୍ତା ଦେଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା
- ଶତାଧିକ ବୁଦ୍ଧିଜିବୀ ବର୍ଗଙ୍କୁ ଦଳରେ ସଦସ୍ୟତା କରାଇଲେ ନଡ୍ଡା
- ନୂଆ ସଦସ୍ୟ ମାନଙ୍କ ସହ ନଡ୍ଡାଙ୍କ ଇଣ୍ଟଲେକଚୁଆଲ ମିଟ୍
ଅର୍ଗସ ବ୍ୟୁରୋ : ଓଡ଼ିଶା ଗସ୍ତରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା । ରାଜ୍ୟରେ ସରକାର ଗଠନ ପରେ ନଡ୍ଡାଙ୍କ ପ୍ରଥମ ସାଂଗଠନିକ ଗସ୍ତକୁ ନେଇ ଦଳରେ ବଢିଲା ଉତ୍ସାହ । ଭୁବନେଶ୍ଵର ବିମାନ ବନ୍ଦରରେ ରାଷ୍ଟ୍ରୀୟ ଅଧ୍ୟକ୍ଷଙ୍କୁ ସ୍ବାଗତ କଲେ ମୁଖ୍ୟମନ୍ତ୍ରୀ, ରାଜ୍ୟ ସଭାପତି ଓ ଦଳର ଅନ୍ୟ ତୁଙ୍ଗ ନେତା । ପାରମ୍ପରିକ ଓଡ଼ିଆ ନୃତ୍ୟ, ସଙ୍ଗୀତ ପ୍ରଦର୍ଶନ କରି ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭବ୍ୟ ସ୍ଵାଗତ ସମ୍ବର୍ଦ୍ଧନା ଦେଲେ ଦଳର କର୍ମକର୍ତ୍ତା ।
ଏଜି ଛକ ଠାରେ ଥିବା ଡକ୍ଟର ଭୀମରାଓ ଆମ୍ବେଦକରଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳୀ ଦେଇଛନ୍ତି ନଡ୍ଡା । ଦଳର ସଦସ୍ୟତା ଅଭିଯାନ କାର୍ଯ୍ୟକ୍ରମରେ ଯୋଗ ଦେଲେ ରାଷ୍ଟ୍ରୀୟ ଅଧ୍ୟକ୍ଷ । ନ୍ୟୁ ମାରିୟନ ହୋଟେଲରେ 500ରୁ ଅଧିକ ଛାତ୍ରଛାତ୍ରୀ, ଡାକ୍ତର, ଅବସରପ୍ରାପ୍ତ ସେନା ଅଧିକାରୀ, ବୈଜ୍ଞାନିକ, ପଦ୍ମଶ୍ରୀ ପୁରସ୍କାର ପ୍ରାପ୍ତ ଶିଳ୍ପୀଙ୍କ ସମେତ ଅନେକ ବୁଦ୍ଧିଜୀବି ବର୍ଗଙ୍କୁ ଦଳରେ ସଦସ୍ୟତା ଗ୍ରହଣ କରାଇଲେ ନଡ୍ଡା ।
ଏହି ଅବସରରେ ନଡ୍ଡା କହିଛନ୍ତି,
📱 Get Argus News App
✨- ବିଜେପିରେ ନେତାଙ୍କ ପୁଅ ନେତା ହୁଏନି
- ବିଜେପିର ବଚାରଧାରା ଲାଷ୍ଟ ମ୍ୟାନ ଆଟ ଲାଷ୍ଟ ଲାଇନ
- ଗ୍ରାଉଣ୍ଡ ଜିରୋର କର୍ମୀ ବି ନେତା ହୋଇପାରେ
- ବିଜେପି ଏକମାତ୍ର ବଡ ଗଣତାନ୍ତ୍ରିକ ଏବଂ ବିଚାରଧାରାର ଦଳ
କଂଗ୍ରେସକୁ ଟାର୍ଗେଟ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ । ଆଉ କହିଛନ୍ତି ସହରୀ ନକ୍ସଲିଙ୍କ ମୁଖପାତ୍ର ସାଜିଛି କଂଗ୍ରେସ । ଧାରା 370 ପୁଣି ଆଣିବାକୁ ପ୍ରୟାସ କରିଥିବା ଲୋକଙ୍କ ସହ ହାତ ମିଶାଉଛି କଂଗ୍ରେସ । ଏ କେମିତି ବିଚାରଧାରା । ତାଙ୍କ ଶାସନ ବେଳେ ମୁଦ୍ରାସ୍ଫିତି ଦୁଇ ଅଙ୍କ ତଳକୁ ଖସୁ ନଥିଲା । ଆଜି ସେମାନେ ଆମକୁ ମହଙ୍ଗା କଥା କହୁଛନ୍ତି । ଖୁବଶୀଘ୍ର ତୃତୀୟ ବୃହତ୍ତମ ଅର୍ଥନୀତି ହେବ ଭାରତ । କଂଗ୍ରେସର ଦୁଇ ଭାଇ ଭଉଣୀଙ୍କୁ ଅର୍ଥନୀତି ଜଣାନାହିଁ । କେବଳ ମହଙ୍ଗା ଏବଂ ବେରୋଜଗାରୀ କଥା କହି କହି ନିଜେ ବେରୋଜଗାର ହୋଇଗଲେଣି । Know bjp କ୍ୟାମ୍ପେନରେ ଯୋଡି ହେବାକୁ ଆହ୍ୱାନ ଦେଇଥିଲେ ନଡ୍ଡା ।
ସେପଟେ ବିଜେପି ସଦସ୍ୟତା ଗ୍ରହଣ କରି ବିକଶିତ ଓଡ଼ିଶା ଏବଂ ବିକଶିତ ଭାରତ ଗଠନ ଲାଗି ଦଳରେ କାମ କରିବେ ବୋଲି କହିଛନ୍ତି ବୁଦ୍ଧିଜିବୀ । ପ୍ରଥମ ପର୍ଯ୍ୟାୟ ସଦସ୍ୟତା ଅଭିଯାନରେ ସାରା ଦେଶରେ 6 କୋଟି ସଦସ୍ୟ ହୋଇଥିବା ବେଳେ ରାଜ୍ୟରେ 25 ଲକ୍ଷ ସଦସ୍ୟ ଯୋଡି ହୋଇଛନ୍ତି । ଆଉ 2 ଟି ପର୍ଯ୍ୟାୟରେ 1 କୋଟିରୁ ଅଧିକ ସଦସ୍ୟତା ଟାର୍ଗେଟ ହାସଲ ପାଇଁ କର୍ମୀ, ନେତାଙ୍କୁ ଟାର୍ଗେଟ ଦେଇଛନ୍ତି ନଡ୍ଡା ।