ଅର୍ଗସ ବ୍ୟୁରୋ : ଛାଡ଼ୁନି ନବୀନଙ୍କର ପାଣ୍ଡିଆନ ପ୍ରୀତି । ବିଜେଡିକୁ ୨୫ ବର୍ଷ ପରେ ପରାଜୟର ସ୍ବାଦ ଚଖାଇଥିବା ପାଣ୍ଡିଆନଙ୍କ ସପୋର୍ଟରେ ପୁଣି ବାହାରିଲେ ନବୀନ । ପୂର୍ବରୁ ପାଣ୍ଡିଆନଙ୍କୁ ଜଣେ ସଚ୍ଚୋଟ ଓ ଦକ୍ଷ ଅଫିସରର ମୁକୁଟ ପିନ୍ଧାଇଥିବା ନବୀନ ଏବେ ପୁଣି ପାଣ୍ଡିଆନ ସମର୍ପିତ ଭାବେ ଦଳ ଓ ଓଡ଼ିଶାର ସେବା କରିଥିବା କଥା ସୋସିଆଲ ମିଡିଆରେ ଲେଖିଛନ୍ତି । ପ୍ରକୃତରେ ଜାତୀୟ ଗଣମାଧ୍ୟମରେ ପ୍ରକାଶିତ ଏକ ଖବରର ପ୍ରତିକ୍ରିୟାରେ ନିଜର ଏକ୍ସ ଆକାଉଣ୍ଟରେ ଏଭଳି ଲେଖିଛନ୍ତି ବିଜେଡି ସୁପ୍ରିମୋ । ଖବରଟିରେ ନବୀନ ପାଣ୍ଡିଆନଙ୍କ ଠାରୁ ଦୂରେଇଥିବା ନେଇ ଖବର ପ୍ରକାଶ ପାଇଥିଲା । ନିର୍ବାଚନ ପୂର୍ବରୁ ଟି ଫର୍ ତାମିଲ୍, ଟି ଫର୍ ଟାଉଟର୍ ଏହା ନିର୍ବାଚନ ପୂର୍ବରୁ ଥିଲା ବିରୋଧୀଙ୍କ ସ୍ବର । ବିଜେଡିର ଅନେକ ପାଣ୍ଡିଆନଙ୍କୁ ଭିଲେନ ବୋଲି କହୁଛନ୍ତି ।

ଅଧିକ ପଢନ୍ତୁ : ୨୫ ବର୍ଷ ପରେ ବିରୋଧୀ ଦଳ ନେତା ଆସନରେ ବସିଲେ ନବୀନ ପଟ୍ଟନାୟକ

କିନ୍ତୁ ନବୀନଙ୍କ ପାଇଁ ଏବେ ବି ପାଣ୍ଡିଆନ ହିରୋ । ଓଡ଼ିଶାର ଖଣି, ପାଣିକୁ ଲୁଟ୍ ର ମହାନାୟକ 5 ତାମିଲ୍  । ତେଣୁ ପୁଣି ଥରେ ଓଡ଼ିଆଙ୍କ କଟା ଘା'ରେ ଚୂନ ମାରିଲେ କି ନବୀନ ? । ସାରା ଓଡ଼ିଶାରେ ଯିଏ ଏବେ ଏକ ନିନ୍ଦିତ ଚେହେରା । ଯାହା ପାଇଁ 2024ରେ ଶୋଚନୀୟ ପରାଜୟର ସ୍ବାଦ ଚାଖିଲା 25 ବର୍ଷର ବିଜେଡି ସରକାର । ଯିଏ ଓଡ଼ିଆ ଅସ୍ମିତା, ସ୍ବାଭିମାନ, ଭାଷା, ସଂସ୍କୃତିକୁ ତଳି ତଳାନ୍ତ ପାଇଁ କରିଥିଲା ଷଡ଼ଯନ୍ତ୍ର । ଯାହାଙ୍କ ନାଁରେ ଓଡ଼ିଶାର ପାଣି, ଖଣି ଟଙ୍କା ଲୁଟର ସାଘାଂତିକ ଅଭିଯୋଗ । ତାଙ୍କ ପ୍ରତି କାହିଁକି ଯେ ନବୀନଙ୍କ ଅହେତୁକ ଦୁର୍ବଳତା ତା ଅନେକଙ୍କୁ ଆଶ୍ଚର୍ଯ୍ୟ କରିଛି ।