ଅର୍ଗସ ବ୍ୟୁରୋ: ଜଗନ୍ନାଥଙ୍କୁ ଭେଟି ହେଉଛି ପଛେ ନବୀନଙ୍କ ଦେଖା ମିଳୁନି ।  ଟିକେଟ ଲବିରେ ଆସୁଥିବା ନେତାଙ୍କ ପାଇଁ ନବୀନ ନିବାସ ଖୋଲା । କିନ୍ତୁ ଦୁଃଖୀ ରଙ୍କିଙ୍କ ପାଇଁ ଦୁଆର ବନ୍ଦ । ଗ୍ରୀଭାନ୍ସ ପାଇଁ କୋଟି କୋଟି ଖର୍ଚ୍ଚ କରି ଜିଲ୍ଲା ବୁଲୁଛନ୍ତି ବିଜେଡିର ବଡ଼ ନେତା । କିନ୍ତୁ ନିଜ ଟଙ୍କା ଖର୍ଚ୍ଚ କରି ବହୁ ଦୂରରୁ ଧାଇଁ ଆସୁଥିବା ଅସହାୟ ଓ ସରକାରୀ ସୁବିଧାରୁ ବଞ୍ଚିତ ଲୋକଙ୍କ ଦୁଃଖ ଶୁଣିବା ପାଇଁ କାହା ପାଖରେ ସମୟ ନାହିଁ । ଭିନ୍ନ ଭିନ୍ନ ସମସ୍ୟା ନେଇ ଆସିଥିବା କିଛି ଅସହାୟ ଦିବ୍ୟାଙ୍ଗ ଓ ବୃଦ୍ଧ ବୃଦ୍ଧା ନବୀନ ନିବାସ ରେ ଦୀର୍ଘ ସମୟ  ବସିବା ପରେ ତାଙ୍କ କଥା କହି ଶୁଣିଲେ ନାହିଁ ।

ଏପରିକି ବାହାନଗାରୁ ଆସିଥିବା ଜଣେ ଦିବ୍ୟାଙ୍ଗ କାନ୍ଦି କାନ୍ଦି ନିଜ ଅସହାୟ ପ୍ରକାଶ କରିଥିଲେ। ବାରମ୍ବାର ଆସିବା ପରେ ବି କେହି ଦୁଃଖ ଶୁଣୁ ନଥିବାରୁ ହାତରେ ବିଷ ଧରି ଆସିଛନ୍ତି । ଏ ନେଇ ଆଲୋଚନା କରିଛନ୍ତି ଆମ ପ୍ରତିନିଧି ଦିବ୍ୟଜ୍ୟୋତି ମହାନ୍ତି ।

ଅଧିକ ପଢ଼ନ୍ତୁ ଓଡିଶା ଖବର: