ଭୁବନେଶ୍ୱର: ବିଜୁ ଜୟନ୍ତୀରେ ବିଜେଡି ପାଇଁ ବଢ଼ିଲା ଟିକେଟ୍ ଅଡୁଆ । ଭୁବନେଶ୍ବର ସଂସଦୀୟ କ୍ଷେତ୍ର ଏବଂ ମଧ୍ୟ ଓ ଏକାମ୍ର ନିର୍ବାଚନ ମଣ୍ଡଳୀର ଟିକେଟ ଆଶାୟୀ ଶକ୍ତି ପ୍ରଦର୍ଶନ କରି ଆସିଲେ ନବୀନ ନିବାସ । ନିଜର ଶତାଧିକ କର୍ମୀଙ୍କୁ ସାଙ୍ଗରେ ଧରି ନବୀନ ନିବାସ ସାମ୍ନାରେ କଲେ ଶକ୍ତି ପ୍ରଦର୍ଶନ । ନବୀନଙ୍କୁ ବାୟୋଡାଟା ଦେଇ ନିର୍ବାଚନରେ ପ୍ରାର୍ଥୀ ହେବା ଲାଗି ଜଣାଇଲେ ଦାବି ।  ଭୁବନେଶ୍ବର ମଧ୍ୟ ନିର୍ବାଚନ ମଣ୍ଡଳୀର ବିଧାୟକ ଥିବା ଅନନ୍ତ ନାରାୟଣ ଜେନାଙ୍କ ବଦଳରେ ତାଙ୍କୁ ଟିକେଟ ମିଳୁ ବୋଲି ନବୀନଙ୍କୁ ଭେଟି ଦାବି ରଖିଛନ୍ତି ଦଳର ଚାରି ଚାରି ଥରର କର୍ପୋରେଟର ଅମରେଶ ଜେନା ।

ସେହିପରି ଏକାମ୍ର ନିର୍ବାଚନ ମଣ୍ଡଳୀର ବିଧାୟକ ତଥା ନବୀନଙ୍କ କ୍ୟାବିନେଟର ମନ୍ତ୍ରୀ ଥିବା ଅଶୋକ ପଣ୍ଡାଙ୍କ ବଦଳରେ ଯୁବ ଚେହେରା ଭାବେ ଟିକେଟ ପାଇବା ପାଇଁ ହକଦାର ବୋଲି କହିଛନ୍ତି ଦଳର ଚାରି ଚାରି ଥର କର୍ପୋରେଟର ବିରଞ୍ଚି ନାରାୟଣ ମହାସୁପକାର । ସେପଟେ ଭୁବନେଶ୍ବର ସାଂସଦ ପ୍ରାର୍ଥୀ ପାଇଁ ଦଳରେ କଳି ବଢିଛି । ପ୍ରାର୍ଥୀ ଦୌଡ଼ରେ ଏଣ୍ଟ୍ରି ମାରିଛନ୍ତି ବିଜେଡି ନେତା ତଥା ଭୁବନେଶ୍ବରର ପ୍ରଥମ ମେୟର ମିହିର ମହାନ୍ତି ।

ଅଧିକ ପଢନ୍ତୁ ଓଡ଼ିଶା ଖବର