ନିଟ୍‌ ୟୁଜି ପୁନଃପରୀକ୍ଷାକୁ ଶୃଙ୍ଖଳିତ କରିବା ପାଇଁ ଲୋକସେବା ଭବନରେ ବଡ଼ ବୈଠକ ହୋଇଛି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଛି । ଏହି ଗୁରୁତ୍ବପୂର୍ଣ୍ଣ ବୈଠକରେ ବିଭିନ୍ନ ବିଭାଗର ସଚିବ ଉପସ୍ଥିତ ରହିଥିଲେ । ସବୁ ଜିଲ୍ଲାର ଜିଲ୍ଲାପାଳଙ୍କ ସହ ଗୃହ ବିଭାଗ ଅତିରିକ୍ତ ମୁଖ୍ୟ ସଚିବଙ୍କୁ ନେଇ ଆଲୋଚନା ହୋଇଛି ।

ନିଟ୍‌ ୟୁଜି ପରୀକ୍ଷା ଦେଉଥିବା ଛାତ୍ରଛାତ୍ରୀଙ୍କ ଯିବା ଆସିବା ପାଇଁ ବସ୍ ବ୍ୟବସ୍ଥା କରିବା ପାଇଁ ବୈଠକରେ କୁହାଯାଇଛି । ଜିଲ୍ଲାପାଳମାନଙ୍କ ଠାରୁ ଆରମ୍ଭ କରି ସୁପର ଭାଇଜର, ପୋଲିସ, ମାଜିଷ୍ଟ୍ରେଟ ଠିକ୍‌ ସମୟରେ ପହଞ୍ଚିବେ । ଯାହାକୁ ଯାହା ଦାୟିତ୍ୱ ଦିଆଯାଇଛି ସଠିକ ଭାବେ ନିର୍ବାହ କରିବାକୁ ନିର୍ଦ୍ଦେଶ ଦିଆଯାଇଛି । କୌଣସି ତ୍ରୁଟିକୁ ବରଦାସ୍ତ କରାଯିବ ନାହିଁ । ସେଣ୍ଟର ସାନିଟାଇଜ କରାଯିବ । ଯୋଗ ଦିବସ କାର୍ଯ୍ୟକ୍ରମ ୮ଟା ସୁଦ୍ଧା ସାରିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି । ସେଣ୍ଟରରେ ମେଡିକାଲ ସୁବିଧା, ପାଣି ସୁବିଧା ନିଶ୍ଚିତ କରାଇବାକୁ ନିର୍ଦ୍ଦେଶ ରହିଛି ।

ସେପଟେ NEET-UG 2026 ପୁନଃପରୀକ୍ଷା ପୂର୍ବରୁ ସରକାର ଏକ ବଡ଼ ପଦକ୍ଷେପ ନେଇଛନ୍ତି । ଟେଲିଗ୍ରାମକୁ ଅସ୍ଥାୟୀ ଭାବରେ ବ୍ୟାନ୍ କରାଯାଇଛି । NEET-UG 2026 ପୁନଃପରୀକ୍ଷା ଜୁନ୍ ୨୧ ତାରିଖରେ ହେବ । ଟେଲିଗ୍ରାମ ଉପରେ ଅସ୍ଥାୟୀ ପ୍ରତିବନ୍ଧକ ଜୁନ୍ ୨୨ ପର୍ଯ୍ୟନ୍ତ ବଳବତ୍ତର ରହିବ । ମେସେଜ୍ ଏଡିଟିଂ ଫିଚର ଜୁନ୍ ୩୦ ପର୍ଯ୍ୟନ୍ତ ଅକ୍ଷମ ରହିବ । NTA କହିଛି ଯେ NEET-UG 2026 ପୁନଃପରୀକ୍ଷାର ନିରାପଦ ଏବଂ ନିରପେକ୍ଷ ପରିଚାଳନା ସୁନିଶ୍ଚିତ କରିବା ପାଇଁ କେନ୍ଦ୍ର ସରକାର ଏହି ନିଷ୍ପତ୍ତି ନେଇଛନ୍ତି ।

ଚିଟିଂ ର‍୍ୟାକେଟ୍' ଯୋଗୁଁ NEET ପୁନଃ-ପରୀକ୍ଷା ପର୍ଯ୍ୟନ୍ତ ଟେଲିଗ୍ରାମ ମେସେଜିଂ ଆପ୍ ବ୍ୟାନ୍ । 'ଚିଟିଂ ର‍୍ୟାକେଟ୍' ଦ୍ୱାରା ପ୍ଲାଟଫର୍ମର ଅପବ୍ୟବହାର ଯୋଗୁଁ Neet ପୁନଃ-ପରୀକ୍ଷା ଶେଷ ହେବା ପର୍ଯ୍ୟନ୍ତ ସରକାର ଟେଲିଗ୍ରାମ ମେସେଜିଂ ଆପ୍‌କୁ ବ୍ୟାନ୍ କରିଛନ୍ତି । ଆପ୍ ମାଧ୍ୟମରେ ପ୍ରଶ୍ନପତ୍ର ଲିକ୍ ହୋଇଥିବା ନେଇ ଭାଇରାଲ ହେଉଥିବା ଅଭିଯୋଗକୁ ଦୃଷ୍ଟିରେ ରଖି NEET UG 2026 ପୁନଃ-ପରୀକ୍ଷା ପୂର୍ବରୁ ଭାରତରେ ଟେଲିଗ୍ରାମ ଆପ୍‌କୁ ଅସ୍ଥାୟୀ ଭାବେ ପ୍ରତିବନ୍ଧିତ କରାଯାଇଛି । ଟେଲିଗ୍ରାମ ଚ୍ୟାନେଲଗୁଡ଼ିକରେ ଛାତ୍ରଛାତ୍ରୀମାନଙ୍କୁ ଲିକ୍ ହୋଇଥିବା ପ୍ରଶ୍ନପତ୍ର, ଏଡିଟ୍ କରାଯାଇଥିବା ସ୍କ୍ରିନଶଟ୍ ଏବଂ ପରୀକ୍ଷାରେ ନିଶ୍ଚିତ ସଫଳତା ଦେବାର ପ୍ରତିଶ୍ରୁତି ଭଳି ଦାବି ପରେ ନ୍ୟାସନାଲ ଟେଷ୍ଟିଂ ଏଜେନ୍ସି ଟେଲିଗ୍ରାମକୁ ଅସ୍ଥାୟୀ ଭାବେ ବ୍ୟାନ୍ କରିଛି ।