ବାଲେଶ୍ୱର: ରାଗ, ହିଂସା, ଅହଂକାର ମଣିଷକୁ ଭୂଲ୍ ରାସ୍ତାକୁ ନେଇଯାଏ । ସେହି ସମୟରେ ମଣିଷ ଏମିତି କିଛି କରି ବସେ ଯାହାର ପରିଣାମ ଖୁବ୍ ଭୟଙ୍କର ହୋଇଥାଏ । ଠିକ୍ ସେମିତି ଏକ ଘଟଣା ଦେଖିବାକୁ ମିଳିଛି ବାଲେଶ୍ୱରରେ । ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ପଡୋଶୀ ତା ପଡୋଶୀର ଘର ଜାଣିଦେଇଛି ।  

ବାଲେଶ୍ବର ବସ୍ତା ଥାନା ଶ୍ରୀରାମପୁର ପଞ୍ଚାୟତ ବଳବୁଦ୍ଧି ଗ୍ରାମରେ ଘଟିଛି ଅଭାବନୀୟ ଘଟଣା । ପୁର୍ବ ଶତ୍ରୁତାକୁ କେନ୍ଦ୍ର କରି ପେଟ୍ରୋଲ ଢାଳି ଘର ଜାଳିଦେଲା ପଡୋଶୀ । ଫଳରେ ଏହି ଅଗ୍ନିକାଣ୍ଡରେ ୩୦ ଛେଳି , ୪ ଗୋରୁ ସମେତ ଲକ୍ଷାଧିକ ଟଙ୍କାର ଆସବାବ ପତ୍ର ପୋଢି ପାଉଁଶ ହୋଇଯାଇଛି । କୈଳାସ ମଲ୍ଲିକଙ୍କ ପରିବାର ଲୋକେ ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତିଯାଇଛନ୍ତି । 

ଶ୍ରୀରାମପୁର ପଞ୍ଚାୟତ ବଳବୁଦ୍ଧି ଗ୍ରାମର କୈଳାସ ମଲ୍ଲିକଙ୍କ ସହିତ ଗ୍ରାମର ପଡୋଶୀଙ୍କ ଜମି ବାଡି ବିବାଦ ଦୀର୍ଘ ଦିନରୁ ଚାଲି ଆସିଥିଲା । ଯାହାକୁ କେନ୍ଦ୍ରକରି ଗତକାଲି ବିଳମ୍ଵିତ ରାତିରେ କୈଳାସଙ୍କ ଘର ଉପରେ ପେଟ୍ରୋଲ ଡାଳି ନିଆଁ ଲଗାଦେଇଥିବା କୈଳାସ ମଲିକଙ୍କ ପରିବାର ଲୋକେ ଅଭିଯୋଗ ଆଣିଛନ୍ତି । ଏହାସହ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ପାଇଁ ଦାବି କରିଛନ୍ତି ।

ଆହୁରି ପଢନ୍ତୁ ଓଡିଶା ଖବର...