ଅର୍ଗସ ବ୍ୟୁରୋ: ଆସନ୍ତାକାଲି ପଶ୍ଚିମ ଓଡ଼ିଶାକୁ ଆସୁଛନ୍ତି ପ୍ରଧାନମନ୍ତ୍ରୀ । ଚାଷୀ ଓ କୃଷି ମୋଦିଙ୍କ ପ୍ରାଥମିକତା । ମୋଦି ସରକାରରେ ଚାଷୀଙ୍କୁ ଋଣ ସହ ଫସଲ ବୀମା ଓ ଅନ୍ୟାନ୍ୟ ଆନୁସଙ୍ଗିକ ସୁବିଧା ଯୋଗାଇଦେବା ଉପରେ ଦିଆଯାଉଛି ଗୁରୁତ୍ବ । ହେଲେ ମୋଦି ପଶ୍ଚିମ ଓଡ଼ିଶାକୁ ଆସିବାର ଦିନ କେଇଟା ପୂର୍ବରୁ ଭେଡେନରେ ଚାଷୀଙ୍କୁ ବିଜେଡି ନେତା ବିଷ ପିଆଇ ହତ୍ୟା କରିଥିବାର ଆସିଛି ସାଘାଂତିକ ଅଭିଯୋଗ । ଏବେ ଏହି ମାମଲାରେ ଅର୍ଗସ ହାତରେ ଲାଗିଛି ବଡ଼ ଲିଙ୍କ୍ । ହତ୍ୟା ପରେ ଯେଉଁ ରୁଟ୍ ଦେଇ ଚାଷୀ ହତ୍ୟାକାରୀ ଫେରାର୍ ହୋଇଛି ବିଶେଷ ସୂତ୍ରରୁ ତାର ତଥ୍ୟ ହସ୍ତଗତ ହୋଇଛି । ସାଲେପାଲିରୁ ପ୍ରଥମେ ଭେଡେନ୍। ପରେ ଭେଡେନରୁ ରାମପୁର... ରାମପୁରରୁ ବିନିକା... ଏବଂ ବିନିକାରୁ ମହାଦେବପାଲି ଦେଇ ସୋନପୁର ଖସି ପଳାଇଛି ଚାଷୀ ହତ୍ୟାକାରୀ ।

ସେପଟେ ଆଉ ଗୋଟେ ବଡ଼ ତଥ୍ୟ ମଧ୍ୟ ଲାଗିଛି ଅର୍ଗସ୍ ହାତରେ । ଭେଡେନରେ ବିଜେଡିର ବ୍ଲକ ଉପାଧ୍ୟକ୍ଷ ଡୋଲାମଣୀ କ୍ଷେତିଙ୍କ ଘରେ ସୁନାଧର ଆଶ୍ରୟ ନେଇଥିବା ନେଇ ଅର୍ଗସରେ ଏକ୍ସକ୍ଲୁସିଭ୍ ପ୍ରତିକ୍ରିୟା ଦେଇଛନ୍ତି ପ୍ରତ୍ୟକ୍ଷଦର୍ଶୀ । ଋଣ ସୁଝି ନପାରିବାରୁ ଚାଷୀଙ୍କୁ ବିଷ ପିଆଇ ସାହୁକାର ସୁନାଧର ହତ୍ୟା କରିଥିବାର ପରିବାର ଲୋକେ ଅଭିଯୋଗ ଆଣିଥିବାବେଳେ ଫେରାର୍ ଅଛି ମୁଖ୍ୟ ଅଭିଯୁକ୍ତ । ଅଭିଯୋଗ ହେଉଛି, ସୁନାଧର ବିଧାୟିକା ସ୍ନେହାଙ୍ଗିନୀଙ୍କ ଖାସ୍ ହୋଇଥିବାରୁ ପୋଲିସ ମୁହଁରେ ତୁଣ୍ଡି । ଆଉ ପୋଲିସର ବଡ ନୀରବତାକୁ ନେଇ ଏବେ ଉଠିଛି ପ୍ରଶ୍ନ ।

ବଡ ପ୍ରଶ୍ନ, ବିଧାୟିକାଙ୍କ ଖାସ୍ ବୋଲି ସୁନାଧରଙ୍କ ପାଖ ମାଡୁନି କି ପୋଲିସ ? ନା ଅଭିଯୁକ୍ତକୁ ଗିରଫ ନ କରି ମାହାଜନୀ କାରବାରକୁ ପ୍ରୋତ୍ସାହିତ କରୁଛି ବିଜେଡି ସରକାର ? ।

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV