Low Pressure / ଆସୁଛି ଆଉ ଏକ ଲଘୁଚାପ, ୨୨ରୁ ୨୭ ତାରିଖ ଭିତରେ ଏହା ସୃଷ୍ଟି ହୋଇପାରେ

ଆସୁଛି ଲଘୁଚାପ । ୨୨ରୁ ୨୭ ତାରିଖ ଭିତରେ ଏହା ସୃଷ୍ଟି ହୋଇପାରେ ଲଘୁଚାପ । ଏନେଇ ଭାରତୀୟ ପାଣିପାଗ ବିଭାଗର ଦୀର୍ଘମିଆଦୀ ବୁଲେଟିନରେ ସୂଚନା ଥିବା ବେଳେ ୨୨ ତାରିଖ ପରେ ହିଁ ସ୍ପଷ୍ଟ ଆକଳନ କରି ହେବ ବୋଲି ସୂଚନା ମିଳିଛି । ସେପଟେ ଟ୍ରପ ଲାଇନ୍ ସହ ଉପରି ବାୟୁ ଘୂର୍ଣ୍ଣିବଳୟ ପ୍ରଭାବରେ ରାଜ୍ୟରେ ଆସନ୍ତା ୩ ଦିନ ଯାଏଁ ବର୍ଷା ସମ୍ଭାବନା ରହିଛି ।

ଆସନ୍ତା ୨୪ ଘଣ୍ଟା ମଧ୍ୟରେ ମାଲକାନଗିରି, କୋରାପୁଟ, ରାୟଗଡା, ଗଞ୍ଜାମ, ଗଜପତି ସହ ୧୮ ତାରିଖରେ ରାୟଗଡା, କୋରାପୁଟ ଏବଂ ମାଲକାନଗିରି ଜିଲ୍ଲାରେ ବିଜୁଳି ଘଡ଼ଘଡ଼ି ସହ ବର୍ଷା ଓ ୩୦ରୁ ୪୦ କି.ମି ଝଟକା ପବନ ସମ୍ଭାବନାକୁ ନେଇ ୟେଲୋ ୱାର୍ଣ୍ଣିଂ ଜାରି କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର । ୧୯ ପରେ ବର୍ଷା କମିବ ବର୍ଷା।

ପଢନ୍ତୁ ଏହି ଖବର:  ପୁଣି ଆସୁଛି ଲଘୁଚାପ ! ଓଡ଼ିଶା ପାଣିପାଗରେ ହେବ ବଡ଼ ପରିବର୍ତ୍ତନ

ତେବେ ଆସନ୍ତା କାଲି ପରେ ରାଜ୍ୟର ଅଧିକାଂଶ ସ୍ଥାନରେ ପାଗ ଶୁଖିଲା ରହିବା ସମ୍ଭାବନା ରହିଛି । ବିଜୟାଦଶମୀ ଏବଂ କୁମାର ପୂର୍ଣ୍ଣିମାରେ ମଧ୍ୟ ପାଗ ସାଧାରଣତଃ ଅନୁକୂଳ ରହିପାରେ । ଅନ୍ୟପଟେ, ଅକ୍ଟୋବର ୨୨ରୁ ୨୪ ମଧ୍ୟରେ ଦକ୍ଷିଣ-ପୂର୍ବ ବଙ୍ଗୋପସାଗର ଓ ଆଣ୍ଡାମାନ ସାଗର ନିକଟରେ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି । ଏହା ପ୍ରଭାବରେ ୨୫ରୁ ୨୬ ତାରିଖ ପାଖାପାଖି ଲଘୁଚାପ ସୃଷ୍ଟି ହୋଇପାରେ ।

ତେବେ ଆସନ୍ତା କାଲି ପରେ ପାଗ ଶୁଖିଲା ରହିବା ସମ୍ଭାବନା ଥିବାବେଳେ, ୨୨ ତାରିଖ ପରେ ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ସମ୍ଭାବ୍ୟ ଲଘୁଚାପର ଗତିପଥ ଓ ପ୍ରଭାବ ଉପରେ ରହିବ ସମସ୍ତଙ୍କ ନଜର ।