Argus News - ରାଜଧାନୀ ବୋମା ବିସ୍ଫୋରଣ ଘଟଣା,ସାହନୱାଜର ଗାର୍ଲଫ୍ରେଣ୍ଡକୁ ଜେରା କରିବ NIA

ଭୁବନେଶ୍ବର,୦୯/୦୪: ରାଜଧାନୀ ବୋମା ବିସ୍ଫୋରଣରେ ତଦନ୍ତକୁ ଜୋରଦାର କଲା ଏନଆଇଏ।  ମୁଖ୍ୟ ଅଭିଯୁକ୍ତ ସହନୱାଜ ମଲ୍ଲିକ ଓରଫ ମଫିର ଗାର୍ଲଫ୍ରେଣ୍ଡକୁ ଖୁବଶୀଘ୍ର ହେବ ଜେରା । କମିଶନରେଟ ପୋଲିସ ଠାରୁ ସମସ୍ତ ତଥ୍ୟ ନେଲା ଏନଆଇଏ।  ଆନ୍ତଃରାଜ୍ୟ ଲିଙ୍କ ଓ ଜବତ RDX କୁ ନେଇ ଚାଲିଛି ଖୋଳତାଡ଼ । ପ୍ରଚ୍ଛଦପଟରେ ରହି ମଫିକୁ ସାହାଯୋଗ କରିଥିଲେ କିଛି ଯୁବନେତା ।

ଗତ ଜାନୁଆରୀ ୨୭ ତାରିଖରେ ଏୟାରଫିଲଡ଼ ଥାନା ସୁନ୍ଦରପଦାସ୍ଥିତ ଆଜାଦ ନଗରରେ ହୋଇଥିଲା ଭୟଙ୍କର ବିସ୍ଫୋରଣ। ଆଉ ଏବେ ପାଖାପାଖି ଅଢେ଼ଇ ମାସ ପରେ ବିସ୍ଫୋରଣର ପୋଷ୍ଟମର୍ଟମ୍ । ଏୟାରଫିଲଡ଼ ଥାନାରେ ପହଁଚି ସମସ୍ତ ଡକ୍ୟୁମେଣ୍ଟ ନେଇଛି ଏନଆଇଏ। ଥାନା ଅଧିକାରୀଙ୍କ ସହ ଦୀର୍ଘ ସମୟ ଧରି ଆଲୋଚନା ପରେ ମୁଖ୍ୟ ଅଭିଯୁକ୍ତ ସେହେନୱାଜ ମଲ୍ଲିକ ଓରଫ ମଫି ଲିଙ୍କ ନେଇ ସର୍ଜମିନ ଯାଞ୍ଚ କରିଛି ଏନଆଇଏ। ପୂର୍ବରୁ ମଫି ଓ ତା' ମା'ଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ଏନଆଇଏ ଏ ନେଇ କେସ ନମ୍ବର ୧ / ୨୦୨୬ ରେ ଏକ ମାମଲା ରୁଜୁ କରିବା ସହ ତଦନ୍ତ ର ପୂର୍ଣ୍ଣ ଭାର କମିଶନରେଟ ପୋଲିସ ଠାରୁ ହାତକୁ ନେଇଛି । ଏହି ତଦନ୍ତ ପ୍ରକ୍ରିୟା ବେଳେ ଜବତ ହୋଇଥିବା ବିସ୍ଫୋରକ RDX ର ବ୍ୟବହାର, ମଫିର ଆନ୍ତରାଜ୍ୟ ଲିଙ୍କ, ପୂର୍ବର ଅପରାଧିକ ମାମଲା ସମ୍ପର୍କରେ ହୋଇପାରେ ଅଧିକ ଖୋଳତାଡ଼। ଠିକ ସେହିପରି ଏତେ ପରିମାଣର RDX ର ବ୍ୟବହାର ଜଟଣୀ ଅଞ୍ଚଳରେ ହୋଇଥାନ୍ତା ବୋଲି ଖବର ପାଇଛି ଏନଆଇଏ ବୋଲି ଜଣେ ଏନଆଇଏ ଅଧିକାରୀ କହିଛନ୍ତି।

ପଢନ୍ତୁ ଏହି ଖବର: ଗୋ ମାଫିଆଙ୍କ ଘରୁ ଖଣ୍ଡା, ବନ୍ଧୁକ, ୫ ଲକ୍ଷ ଟଙ୍କା ଓ ସୁନା ଗହଣା ଜବତ

ବିସ୍ଫୋରକ ବା ବୋମାରୁ ହେକ୍ସାହାଇଡ୍ରୋ ଟ୍ରାଇନାଇଟ୍ରୋ ଭଳି ରାସାୟନିକ ବ୍ୟବହାର ହୋଇଥିଲା । ପ୍ରାଥମିକ ତଦନ୍ତରୁ ଏହା ଜାଣିବାକୁ ପାଇଥିଲା ଏନଆଇଏ। ସାମ୍ପୁଲକୁ ରାଜ୍ୟ ଫରେନସିକ ଲ୍ୟାବ କୁ ପଠାଯାଇଥିଲା । ଫରେନସିକ ରିପୋର୍ଟ ଆସିବା ପରେ ବୋମା ବିସ୍ପୋରଣର ଗୁମର ଖୋଲିବା ବୋଲି ଏନଆଇଏ ଆଶା ରଖିଛି । ସେପଟେ ସହଯୋଗୀଙ୍କ ବୟାନ ରେକର୍ଡ ସହ ଜବତ ସିଡ଼ିଆର ରିପୋର୍ଟ ମଧ୍ୟ ଆତଙ୍କିଙ୍କ ମୁଖା ଖୋଲି ଦେଇପାରେ । ଏଭଳି କ୍ଷେତ୍ରରେ ରାଜ୍ୟ ବାହାର ଅପରାଧୀଙ୍କ ସହ ମଫି ଲିଙ୍କ ଓ ଫଣ୍ଡିଂ ନେଇ ହୋଇପାରେ ବ୍ୟାପକ ଖୋଳତାଡ଼ ବୋଲି ବରିଷ୍ଠ ଆଇନଜୀବୀ : ଦିବ୍ୟାନନ୍ଦ ମିଶ୍ର କହିଛନ୍ତି।

ମଫିର ଗଡ଼ ଫାଦର ପାଲଟିଥିବା କିଛି ଯୁବନେତାଙ୍କୁ ସ୍କାନରକୁ ନେଇଛି ଏନଆଇଏ। ଖୁବଶୀଘ୍ର ସେମାନଙ୍କର ବଢ଼ିପାରେ ଅଡ଼ୁଆ।