ଜାନୁଆରୀ ୨୫ ତାରିଖରୁ ଆରମ୍ଭ ହେବାକୁ ଯାଉଛି ପ୍ରସିଦ୍ଧ ଖଣ୍ଡଗିରି ମେଳା । ଯାତ୍ରା ଡାଇଲଗରେ କମ୍ପିବ ଖଣ୍ଡଗିରି । ୭ଟି ମଞ୍ଚରେ ବିଭିନ୍ନ ପାର୍ଟି ଯାତ୍ରା ପରିବେଷଣ କରିବେ । ଖଣ୍ଡଗିରିରେ ଯାତ୍ରା ଦେଖିବାକୁ ଅନେକ ଯାତ୍ରାପ୍ରେମୀଙ୍କ ଆଗ୍ରହ ରହିଥାଏ । ଦମଦାର ଅଭିନୟ, ନୃତ୍ୟ ସଙ୍ଗୀତର ମଜା ନିଅନ୍ତି ଦର୍ଶକ । ହେଲେ ଏଥର ଯାତ୍ରା ମଞ୍ଚରେ ଅଶ୍ଳୀଳ ନୃତ୍ୟ ପ୍ରଦର୍ଶନ କରି ପାରିବେନି କୌଣସି ଯାତ୍ରା ପାର୍ଟି । ଖଣ୍ଡଗିରିରେ ଅଶ୍ଳୀଳ ନୃତ୍ୟକୁ ନା । ଯାତ୍ରାରେ ଅଶ୍ଳୀଳ ନୃତ୍ୟ ପରିବେଷଣ କରିପାରିବେ ନାହିଁ ବୋଲି କହିଛନ୍ତି ଭୁବନେଶ୍ବର ମହାନଗର ନିଗମ ମେୟର ସୁଲୋଚନା ଦାସ । ଖଣ୍ଡଗିରି ଯାତ୍ରାରେ ଅଶ୍ଳୀଳ ନୃତ୍ୟକୁ ନେଇ ସବୁବେଳେ ବିବାଦ ଲାଗି ରହିଥାଏ । ତେଣୁ ଏ ବର୍ଷ ଖଣ୍ଡଗିରି ଯାତ୍ରା ଆରମ୍ଭ ହେବା ପୂର୍ବରୁ ଅଶ୍ଳୀଳ ନୃତ୍ୟ ହେବ ନାହିଁ । ଯେପରି କୌଣସି ଅପେରା ପାର୍ଟି ଆଇଟମ୍ ନୃତ୍ୟ ନକରିବେ ତାଉପରେ ନଜର ରଖାଯିବ ବୋଲି ବିଏମସି ମେୟର ସୁଲୋଚନା ଦାସ କହିଛନ୍ତି ।

ଅଧିକ ପଢ଼ନ୍ତୁ: IPL ୨୦୨୬ରେ ଖେଳିବେନି ବାଂଲାଦେଶୀ ଖେଳାଳି ? ଏହି ବିବାଦକୁ ନେଇ ମୁହଁ ଖୋଲିଲା ବିସିସିଆଇ

ଖଣ୍ଡଗିରିରେ ୭ଟି ଯାତ୍ରା ପେଣ୍ଡାଲରେ ଯାତ୍ରା ପରିବେଷଣ ବେଳେ ଆଇଟମ୍ ଡ୍ୟାନ୍ସ ଉପରେ ରୋକ୍ ଲଗାଯାଇଛି । ଏ ନେଇ ପୋଲିସ ଓ ବିଏମସି ଟିମ୍ ଯାଞ୍ଚ କରିବା ସହ ସଜାଗ ରହିବେ । ଯେପରି କୌଣସି ଅପେରା ପାର୍ଟି ଆଇଟମ୍ ନୃତ୍ୟ ନକରିବେ ତାଉପରେ ନଜର ରଖାଯିବ ବୋଲି ବିଏମସି ମେୟର ସୁଲୋଚନା ଦାସ କହିଛନ୍ତି । ଶୁକ୍ରବାର ମାଘମେଳା ପ୍ରସ୍ତୁତି ବୈଠକରେ ଏଭଳି ନିଷ୍ପତ୍ତି ନିଆଯାଇଥିବା ମେୟର କହିଛନ୍ତି । ସେପଟେ ସରକାର ଯାହା ନିୟମ କରିବେ ଆମେ ସବୁ ମାନିବୁ ବୋଲି କହିଛନ୍ତି ଯାତ୍ରା କମିଟି ଓ କର୍ତ୍ତୃପକ୍ଷ । ବିଗତ ବର୍ଷ ଅଶ୍ଳୀଳ ନୃତ୍ୟକୁ ଜଗିବାକୁ ନେଇ ଚର୍ଚ୍ଚାରେ ରହିଥିଲେ ବିଧାୟକ ବାବୁ ସିଂଙ୍କ ଠେଙ୍ଗା ବାହିନୀ ।

ଅଧିକ ପଢ଼ନ୍ତୁ: ଜାନୁଆରୀ ୧୦ରୁ ମିଳିବ ଗ୍ରୀନ ଷ୍ଟିକର, ଗାଡ଼ି ନମ୍ବର ସହ PUCC ଅବଧି ସମ୍ପର୍କରେ ମିଳିବ ତଥ୍ୟ

କଠୋର ହେଲା ବିଏମସି । ଖଣ୍ଡଗିରି ମାଘ ମେଳାରେ ଯାତ୍ରା ପରିବେଷଣ ସମୟରେ କୌଣସି ଯାତ୍ରା ପାର୍ଟି ଅଶ୍ଳୀଳ ନୃତ୍ୟ ପରିବେଷଣ ଉପରେ ରୋକ୍ ଲଗାଇଛି ବିଏମସି । ଯାତ୍ରାରେ ଚଳିବନି ଅଶ୍ଳୀଳତା । କାହାକୁ ଆକ୍ଷେକ କି ପ୍ରତିଆକ୍ଷେପ କରିବା ମନା । ନାଟକ ମାଧ୍ୟମରେ କାହାକୁ ଅପମାନ କଲାଭଳି ଶବ୍ଧ ବ୍ୟବହାର କରିବେନି ।