ରାସ୍ତା ନାହିଁ ତ ବିକାଶ ନାହିଁ
ଅର୍ଗସ ବ୍ୟୁରୋ: କଥାରେ ଅଛି ରାସ୍ତା ନାହିଁତ ବିକାଶ ନାହିଁ । ଗୋଟେ ପଟେ ସରକାର କହୁଛନ୍ତି ଗ୍ରାମର ବିକାଶ ହେଇଚି । ଗ୍ରାମକୁ ଗ୍ରାମ ସଂଯୋଗ କରୁଛି ପକ୍କା ରାସ୍ତା । ଏଠାରେ ପକ୍କା ରାସ୍ତାତ ଦୁର କଥା ଗ୍ରାମରେ ପକ୍କା ଘରେ ଟେ ମଧ୍ୟ ମିଳି ପାରୁନି ଗ୍ରାମ ବାସୀଙ୍କୁ । ଗୋଟିଏ ରାସ୍ତା ଉପରେ ନିର୍ଭର କରନ୍ତି ଖଜୁରିପଲ୍ଲୀ, ବାହାଡ଼ା ପଦର,ବିରୁପଡ଼ା, ବରାପଦା, ରୋଳା, ଗୋଛାଗୁଡା, ଭାଲିଆପଦା, କରଡ଼ା ପଙ୍କାଲ ଭଳି 8 ଗୋଟି ଗ୍ରାମର ଲୋକେ । ଏହିଁ ରାସ୍ତା ଖରା ଦିନେ ଯିବା ଆସିବା କରିବାକୁ ଅସୁବିଧା ହୁଏ ଆଉ ବର୍ଷା ଦିନ କଥା କହିଲେ ନସରେ ।
ଏ ତ ଥିଲା ରାସ୍ତା କଥା । ଯଦି ଘର କଥା କହିବା ଗ୍ରାମର କୌଣସି ଲୋକଙ୍କୁ ମିଳିନି ଇନ୍ଦ୍ରାବାସ। ଗ୍ରାମର ଯୁଆଡେ ଦେଖିବ ଖାଲି ଚାଳ ଘର । ବାରମ୍ବାର ରାଜନେତା ଠୁ ଆରମ୍ଭ କରି ପ୍ରଶାସନ କୁ ଜଣେଇବା ପରେ ମଧ୍ୟ ସୁଫଳ ମିଳୁନଥିବା କହିଛନ୍ତି । ଚଳିତ ବର୍ଷ ନିର୍ବାଚନ ରେ ଯଦି କୌଣସି ରାଜନେତା ଭୋଟ ମାଗିବାକୁ ଆସନ୍ତି ସିଧା ଭୋଟ ଦେବୁନାହିଁ କହୁଛନ୍ତି ଗ୍ରାମବାସୀ । ଭୋଟ ସମୟେ ନେତା ଆସନ୍ତି ପୁଳା ପୂଳା ପ୍ରତିଶ୍ରୁତି ଦିଅନ୍ତି କିନ୍ତୁ ଜିତିବା ପରେ କୌଣସି କାର୍ଯ୍ୟକାରୀ ହେଉନଥିବା ଅଭିଯୋଗ କରୁଛନ୍ତି ଲୋକେ ।
ଅଧିକ ପଢ଼ନ୍ତୁ ଓଡ଼ିଶା ଖବର:
