କେନ୍ଦ୍ରାପଡା: ଥାନାରୁ ନ୍ୟାୟ ମିଳିଲାନି ବୋଲି, ଜିଲ୍ଲାପାଳ ଙ୍କ ଦ୍ୱାରସ୍ଥ ଏକାଧିକ ମହିଳା । ଥାନା ଅଧିକାରିଣୀଙ୍କ ସହ ରାଜନଗର ବିଧାୟକଙ୍କ ବିରୋଧରେ ନାରାବାଜି କରିବା ସହ ଜଣେ ଅସହାୟ ମହିଳାଙ୍କୁ ନ୍ୟାୟ ପ୍ରଦାନ ଦାବି କରିଛନ୍ତି ମହିଳା ଗୋଷ୍ଠି । ଘଟଣାଟି ହେଉଛି କେନ୍ଦ୍ରାପଡା ଜିଲ୍ଲା ରାଜନଗର ସଂସାରଫଳ ଥାନା ଅନ୍ତର୍ଗତ ନୟାକୋଟ ଅଂଚଳର । ଉକ୍ତ ଗ୍ରାମର ସାରଥୀ ପଲାଇ ନାମକ ଜଣେ ଅସହାୟ ବିଧବା ମହିଳାଙ୍କୁ ପ୍ରଧାନମନ୍ତ୍ରୀ ଆବାସ ମିଳିଥିଲେ ବି, କିଛି ପଡୋଶୀଙ୍କ ଆକ୍ରୋଶ କାରଣରୁ, ସେ ଘର କରିପାରିନଥିଲେ ।

ଏହାପରେ ନିଜ ଗ୍ରାମର ସମସ୍ତ ମହିଳା ମଣ୍ଡଳଙ୍କ ସହାୟତା ନେଇ ମହିଳା ଜଣକ ଥାନାର ଦ୍ୱାରସ୍ଥ ହେବା ସହ ପରେ ପରେ ରାଜନଗର ବିଧାୟକ ଙ୍କ ଦୃଷ୍ଟିଗୋଚର କରିଥିଲେ। କିନ୍ତୁ ଦୁଇ ଦୁଇଟି ଜାଗାରୁ ନାୟ ମିଳିବା ତ ଦୂରର କଥା ଆହୁରି ସେ ନିର୍ଯ୍ୟାତନା ର ଶିକାର ହୋଇଥିଲେ । ଏପରିକି କେବଳ ଉକ୍ତ ମହିଳା ନୁହଁନ୍ତି, ତାଙ୍କ ସହ ଯାଇଥିବା ସମସ୍ତ ମହିଳା ଗୋଷ୍ଠିଙ୍କୁ ଥାନା ଅଧିକାରିଣୀଙ୍କ ସହ ଜଣେ ପୋଲିସ ବାବୁ ବାନ୍ଧି ହାଜତ ରେ ପୂରେଇଦେବେ ବୋଲି ଧମକ ବି ଦେଇଥିଲେ । ଶେଷରେ ସମସ୍ତ ମହିଳା ନ୍ୟାୟ ପାଇବାକୁ ପଟ୍ଟାମୁଣ୍ଡାଇ ଏସ. ଡି. ପି.ଓ ଏବଂ ତାପରେ ଆଜି ଜିଲ୍ଲାପାଳ ଙ୍କ ଦ୍ୱାରସ୍ଥ ହୋଇଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

Argus News | argus news | Odisha Latest News, Breaking News, Trending News, Live TV