ଅର୍ଗସ ବ୍ୟୁରୋ: କଳାହାଣ୍ଡି ଜିଲ୍ଲା ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକ ମହକୁମାରୁ ମାତ୍ର ୬କିଲୋମିଟର ଦୂରରେ ରହିଛି ମୋତାଚୁଆଁ ଗାଁ । କାହିଁ କେଉଁ ଆଦିମ କାଳରୁ ଏହି ଗାଁରେ ୪୬ ଟି ପରିବାର ବସବାସ କରନ୍ତି । ମାତ୍ର ଗାଁକୁ ଯିବାକୁ ନାହିଁ ସବୁ ଦିନିଆ ରାସ୍ତା। ଜଙ୍ଗଲ ମଧ୍ୟରେ ଥିବା ମାଟି ରାସ୍ତାରେ ଯିବାଆସିବା କରନ୍ତି ଗ୍ରାମବାସୀ। ଗାଁରେ ଆଜିପର୍ଯ୍ୟନ୍ତ ମୋବାଇଲ ନେଟୱାର୍କ ନାହିଁ। ନେଟୱର୍କ ନଥିବାରୁ ଜରୁରୀକାଳୀନ ସେବାରୁ ବଞ୍ଚିତ ମୋତାଚୁଆଁବାସୀ ।

ଗାଁରେ ଫେଲ ମାରିଛି ମନରେଗା ଯୋଜନା। ଗାଁରେ ରହୁଥିବା ୪୮ ପରିବାର ମଧ୍ୟରୁ ୨୬ ପରିବାର ପ୍ରତିପୋଷଣ ପାଇଁ ଅନ୍ୟ ରାଜ୍ୟକୁ ଦାଦନ ଖଟିବାକୁ ଯାଇଛନ୍ତି । ସରକାର କାମ ଯୋଗାଇ ଦେଉଥିବା ବେଳେ ନିର୍ବାଚିତ ପ୍ରତିନିଧି,ଅଧିକାରୀ ଓ କୁଜି ନେତା ମାନେ ଏହି ଯୋଜନାର ଫାଇଦା ନେଉଛନ୍ତି । ଫଳରେ ଗ୍ରାମବାସୀ ଯୋଜନାରୁ ବଞ୍ଚିତ ହେଉଥିବା ଅଭିଯୋଗ କରିଛନ୍ତି ।

ନିର୍ବାଚନ ସମୟରେ ରାଜନେତା ଠାରୁ ଆରମ୍ଭ କରି ନିର୍ବାଚିତ ପ୍ରତିନିଧି ମାନେ ଭୋଟ ଭିକ୍ଷା କରି ପ୍ରତିଶ୍ରୁତି ଦିଅନ୍ତି ହେଲେ ଭୋଟ ହାତେଇବା ପରେ ଆଉ ଗାଁରେ ତାଙ୍କ ପାଦ ପଡେ ନାହିଁ । ଫଳରେ ଆଜିପର୍ଯ୍ୟନ୍ତ ଗାଁର ବିକାଶ ହୋଇ ପାରିନି। ତେବେ ସରକାର ବଦଳିଛି ନୂଆ ସରକାର ଗାଁର ବିକାଶ କରିବେ ବୋଲି ସ୍ଥାନୀୟ ଲୋକେ ଆଶାବାଦୀ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more