ପିଲାଙ୍କ ଭବିଷ୍ୟତକୁ ନଷ୍ଟ କରୁଛନ୍ତି ନବୀନ ସରକାର
ଅର୍ଗସ ବ୍ୟୁରୋ: ପିଲାଙ୍କୁ ପାଠ ପଢାଇବା ପରିବର୍ତ୍ତେ ମୁର୍ଖ କରିବାରେ ବ୍ୟସ୍ତ ଅଛନ୍ତି ରାଜ୍ୟ ସରକାର । ସ୍ଥିତି ଏମିତି ହେଲାଣି ଯେ ପରୀକ୍ଷା ଥିବା ପରେ ବି ନୂଆ ଓ କାର୍ଯ୍ୟକ୍ରମରେ ଯୋଗ ଦେବାକୁ ପିଲାଙ୍କୁ ବାଧ୍ୟ କରୁଛନ୍ତି ରାଜ୍ୟ ସରକାର । ଯେଉଁ ସମୟରେ ପିଲା ପାଠ ପଢିବା କଥା ସେ ସମୟରେ ପିଲାଙ୍କୁ ଦୀଳୟ କାର୍ଯ୍ୟକ୍ରମରେ ବ୍ୟବହାର କରାଯାଉଛି । ଆଉ ଉପସ୍ଥିତ ନ ରହିଲେ ମାର୍କ କାଟିଦେବେ ବୋଲି ଧମକ ଦିଆଯାଉଛି । କୁହାଯାଉଛି, ନୂଆ 'ଓ' କାର୍ଯ୍ୟକ୍ରମ ହେବ ... ପାଣ୍ଡିଆନ ଉପସ୍ଥିତ ରହିବେ । ସବୁ ଛାତ୍ରଛାତ୍ରୀ ଉପସ୍ଥିତ ରହିବାକୁ ବାଧ୍ୟ । ଖୋଦ ଅଧ୍ୟକ୍ଷ କହୁଛନ୍ତି, ଉପରୁ ଏନେଇ ପ୍ରେସନ ହେଉଛି ।
ନିର୍ବାଚନ ପୂର୍ବରୁ ନୂଆ-ଓ କାର୍ଯ୍ୟକ୍ରମ ଆରମ୍ଭ କଲେ ସରକାର । ନୂଆ- ଓ କାର୍ଯ୍ୟକ୍ରମକୁ ଯିବା ପାଇଁ ପିଲାମାନଙ୍କର ଇଚ୍ଛା ନାହିଁ ହେଲେ ଅପସନ ବି କିଛି ନାହିଁ । ଯେତେବେଳେ କଲେଜ କର୍ତ୍ତୃପକ୍ଷ ଫତୁଆ ଜାରି କରୁଛନ୍ତି ଆଉ କହୁଛନ୍ତି, ପୋଗ୍ରାମ ଆଟେଣ୍ଡ କରିବାକୁ ସେଇଠି କିଏ ବା କଣ କରିପାରିବ ? ଖାଲି ଏତିକି ନୁହେଁ ବରଂ ଅନୀଲ ଆହୁରି କହିଛନ୍ତି, ସରକାର ପ୍ରଥମେ କହିଲେ ରିଲ୍ କରି ସୋସିଆଲ ମିଡ଼ିଆ ବ୍ୟବହାର କର । ପୁଣି କହିଲେ ପାଠ ପଢ଼, ସୋସିଆଲ ମିଡ଼ିଆ ବ୍ୟବହାର କରନାହିଁ । ପ୍ରକୃତରେ ସରକାର କଣ କହିବା ପାଇଁ ଚାହୁଁଛନ୍ତି ? ବୋଲି ପ୍ରଶ୍ନ କରିଛନ୍ତି ବିଜେପି ମୁଖପାତ୍ର ଅନିଲ ବିଶ୍ୱାଳ।
ନୂଆ - ଓ କାହିଁକି ହୋଇଛି ? ପାଣ୍ଡିଆନଙ୍କ କାର୍ଯ୍ୟକ୍ରମରେ ପିଲା ଉପସ୍ଥିତ ନରହିଲେ ପରୀକ୍ଷାରେ ମାର୍କ କାଟି ଦେବେ ବୋଲି ଧମକ କାହିଁକି ? ଯଦି ମାର୍କ କଟା ଯିବ ତାହେଲେ କଣ ପରିସ୍ଥିତି ସୃଷ୍ଟି ହେବ ମୁଖ୍ୟମନ୍ତ୍ରୀ ଓ 5T ଅଧ୍ୟକ୍ଷ ଚିନ୍ତା କରିଛନ୍ତି କି ? କେବଳ ପିଲାଙ୍କ ଭୋଟ ପାଇଁ ନୂଆ - ଓ କାର୍ଯ୍ୟକ୍ରମ କରୁଛି ବିଜେଡ଼ି ସରକାର । ଯୁବକ ମାନଙ୍କୁ ଭୁଆଁ ବୁଲାଉଛନ୍ତି ରାଜ୍ୟ ସରକାର ବୋଲି ରାଜ୍ୟ ସରକାରଙ୍କ ଉପରେ ବର୍ଷିଛି ବିଜେପି ।
ଆହୁରି ପଢନ୍ତୁ ଓଡିଶା ଖବର...
