Nuakhai 2026 / ନୂଆଁଖାଇ ପାଇଁ ଶୁଭ ଲଗ୍ନ ଧାର୍ଯ୍ୟ; ମା' ସମଲେଶ୍ବରୀଙ୍କ ଠାରେ ଲାଗି ହେବ ନବାନ୍ନ

ସମ୍ବଲପୁର: ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ନିର୍ଦ୍ଧାରିତ ହେଲା ଲଗ୍ନ । ଆସନ୍ତା ସେପ୍ଟେମ୍ବର ୧୫ ତାରିଖ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥି ମଙ୍ଗଳବାର ସକାଳ ୯ଟା ୪୦ରୁ ୯ଟା ୫୪ ମଧ୍ୟରେ ଶୁଭ ଲଗ୍ନ ନିର୍ଦ୍ଧାରଣ କରାଯାଇଛି ।

ଏହି ସମୟ ଭିତରେ ପଶ୍ଚିମ ଓଡ଼ିଶାର ଇଷ୍ଟଦେବୀ ମା' ସମଲେଶ୍ବରୀଙ୍କ ଠାରେ ନବାନ୍ନ ଲାଗି ହେବ । ପରେ ପରେ ପଶ୍ଚିମ ଓଡ଼ିଶାବାସୀ ନବାନ୍ନ ଭକ୍ଷଣ କରିବେ । ସମ୍ବଲପୁର ବ୍ରହ୍ମପୁରା ମନ୍ଦିର ପରିସରରେ ବିଦ୍ଵାନ ପଣ୍ଡିତ ମଣ୍ଡଳୀ ବସି ଲଗ୍ନ ନିର୍ଦ୍ଧାରଣ କରିଛନ୍ତି ।

ଏଥିସହ ପଢ଼ନ୍ତୁ: ଫ୍ଲାଏଓଭର୍‌ ଉପରେ ଅଘଟଣ; ୱାଲ୍‌ରେ ପିଟି ହୋଇ ତଳକୁ ଖସିବାରୁ ବାଇକ୍ ଆରୋହୀଙ୍କ ମୃତ୍ୟୁ 

ନୂଆଁଖାଇ ହେଉଛି ପଶ୍ଚିମ ଓଡ଼ିଶାର ଏକ ପ୍ରଧାନ ଏବଂ ଗଣପର୍ବ । ଏହା ବିଶେଷ ଭାବରେ ନୂତନ ଶସ୍ୟ ବା ଅନ୍ନକୁ ସ୍ୱାଗତ କରିବା ପାଇଁ ପାଳନ କରାଯାଇଥାଏ । ଭାଦ୍ରବ ମାସ ଶୁକ୍ଳପକ୍ଷ ପଞ୍ଚମୀ ତିଥିରେ (ଗଣେଶ ଚତୁର୍ଥୀର ପରଦିନ) ଏହି ପର୍ବ ଅନୁଷ୍ଠିତ ହୋଇଥାଏ ।

#ସେପ୍ଟେମ୍ବର_୧୫_ନୂଆଁଖାଇ_ଲଗ୍ନ
ସମ୍ବଲପୁର: ନିର୍ଦ୍ଧାରିତ ହେଲା ନୂଆଁଖାଇ ଲଗ୍ନ
ସେପ୍ଟେମ୍ବର ୧୫ ମଙ୍ଗଳବାର ଶୁଭ ଲଗ୍ନ ନିର୍ଦ୍ଧାରଣ
ସକାଳ ୯ଟା ୪୦ରୁ ୯ଟା ୫୪ ମଧ୍ୟରେ ଶୁଭ ଲଗ୍ନ
ମା' ସମଲେଶ୍ବରୀଙ୍କ ଠାରେ ନବାନ୍ନ ଲାଗି ହେବ
ମା'ଙ୍କୁ ନବାନ୍ନ ଲାଗି ପରେ ପଶ୍ଚିମ ଓଡ଼ିଶାବାସୀ ନବାନ୍ନ ଭକ୍ଷଣ କରିବେ
ସମ୍ବଲପୁର ବ୍ରହ୍ମପୁରା ମନ୍ଦିରରେ… pic.twitter.com/VaFSk2r4RQ

— Argus News (@ArgusNews_in) September 5, 2026

ନବାନ୍ନ ଲାଗି

ଜମିରୁ ଅମଳ ହୋଇଥିବା ପ୍ରଥମ ଧାନରୁ ପ୍ରସ୍ତୁତ 'ନବାନ୍ନ' (ଖିରି ବା ଭୋଗ) ପ୍ରଥମେ ନିଜ ନିଜ ଅଞ୍ଚଳର ଇଷ୍ଟଦେବୀ (ଯେପରିକି ସମ୍ବଲପୁରରେ ମା' ସମଲେଶ୍ୱରୀ, ବଲାଙ୍ଗିରରେ ମା' ପାଟଣେଶ୍ୱରୀ)ଙ୍କୁ ଅର୍ପଣ କରାଯାଏ । ମା'ଙ୍କ ପାଖରେ ଭୋଗ ଲାଗି ହେବା ପରେ, ପରିବାରର ସମସ୍ତ ସଦସ୍ୟ ଏକାଠି ବସି ପ୍ରସାଦ ସେବନ କରନ୍ତି ।

ନୂଆଁଖାଇ ଜୁହାର

ପ୍ରସାଦ ସେବନ ପରେ ସାନମାନେ ବଡ଼ମାନଙ୍କୁ ମୁଣ୍ଡିଆ ମାରି ଆଶୀର୍ବାଦ ନିଅନ୍ତି ଏବଂ ସମସ୍ତେ ପରସ୍ପରକୁ ଆଲିଙ୍ଗନ କରି ଶୁଭେଚ୍ଛା ଜଣାନ୍ତି । ଏହା ପୁରୁଣା ମନୋମାଳିନ୍ୟକୁ ଭୁଲି ସମ୍ପର୍କକୁ ମଧୁର କରିଥାଏ । ଏହି ଦିନ ପଶ୍ଚିମ ଓଡ଼ିଶାର ପାରମ୍ପରିକ ନୃତ୍ୟ ଯେପରିକି ଡାଲଖାଇ, ରସରକେଲି ଏବଂ ସଜନୀ ଆଦିର ଆୟୋଜନ କରାଯାଏ ।

ଏଥିସହ ପଢ଼ନ୍ତୁ: ଆଗାମୀ ୩ ବର୍ଷରେ ପୂରଣ ହେବ ୪୫ ହଜାର ଶିକ୍ଷକ ପଦବୀ, ପ୍ରତିଶୃତି ଦେଲେ ମୁଖ୍ୟମନ୍ତ୍ରୀ 

ନୂଆଁଖାଇ ପର୍ବର ଇତିହାସ ବହୁ ପୁରୁଣା ଏବଂ ଏହା ବୈଦିକ କାଳରୁ ଆରମ୍ଭ କରି ଚୌହାନ ବଂଶର ଶାସନ କାଳ ପର୍ଯ୍ୟନ୍ତ ଲମ୍ବିଛି । ଏହି ପର୍ବ ମୁଖ୍ୟତଃ ପ୍ରକୃତି, ମାଟି ଏବଂ କୃଷି ସହିତ ମଣିଷର ନିବିଡ଼ ସମ୍ପର୍କକୁ ଦର୍ଶାଇଥାଏ ।