ନୂଆଦିଲ୍ଲୀ: ଓଡ଼ିଶାର ୭୧ ନମ୍ବର ବିଧାନସଭା ଆସନ ନୂଆପଡ଼ା ଉପନିର୍ବାଚନକୁ ଆସିଛି ବଡ଼ ଅପଡେଟ୍ । ଭାରତୀୟ ନିର୍ବାଚନ କମିଶନ ବଡ଼ ସୂଚନା ଜାରି କରିଛନ୍ତି । ବିହାର ବିଧାନସଭା ନିର୍ବାଚନ ସହ ଦେଶର ବିଭିନ୍ନ ରାଜ୍ୟର ୯ ବିଧାନସଭା ଆସନରେ ଉପନିର୍ବାଚନ ହେବ । ଆଉ ଏଥିରେ ରହିଛି ଓଡ଼ିଶାର ନୂଆପଡ଼ା ବିଧାନସଭା ଆସନ ନାଁ ।

ECI to deploy 470 Officers (320 IAS, 60
from IPS and 90 from IRS/IRAS/ICAS etc.) serving in various States as Central
Observers (General, Police and Expenditure) in Bihar and bye-
elections in certain states

Read more : https://t.co/EqhvezUXIq pic.twitter.com/ucCfjNi0T7
— Election Commission of India (@ECISVEEP) September 28, 2025

ବିହାର ବିଧାନସଭା ନିର୍ବାଚନ ସହ ଉପନିର୍ବାଚନ ହେବାକୁ ଥିବା ଆସନରେ ଭାରତୀୟ ନିର୍ବାଚନ କମିଶନ କେନ୍ଦ୍ରୀୟ ପର୍ଯ୍ୟବେକ୍ଷକ ନିଯୁକ୍ତ କରିବେ । ନିଯୁକ୍ତ ହେବାକୁ ଥିବା କେନ୍ଦ୍ରୀୟ ପର୍ଯ୍ୟବେକ୍ଷକ, ନିର୍ବାଚନ କମିଶନଙ୍କ ଅଧିନରେ ଭୋଟିଂ ପ୍ରକ୍ରିୟା ସରିବା ପର୍ଯ୍ୟନ୍ତ କାମ କରିବେ । କେନ୍ଦ୍ରୀୟ ପର୍ଯ୍ୟବେକ୍ଷକ ମୁକ୍ତ, ଅବାଧ ନିର୍ବାଚନ ପାଇଁ ପୋଲିସ, ପ୍ରଶାସନକୁ ସହଯୋଗ କରିବେ ।

ଏଥିସହ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚ ଉପରେ ନଜରେ ରଖିବେ । ବିହାର ବିଧାନସଭା ସହ ବିଭିନ୍ନ ୯ ରାଜ୍ୟର ୯ ବିଧାନସଭା ଉପନିର୍ବାଚନ ପାଇଁ ନିର୍ବାଚନ କମିଶନ ୩୭୦ ଜଣ ଅଧିକାରୀଙ୍କୁ ପର୍ଯ୍ୟବେକ୍ଷକ ଭାବେ ମୁତୟନ କରିବେ । ଏଥିରେ ୩୨୦ ଜଣ IAS ଅଧିକାରୀ, ୬୦ ଜଣ IPS ଅଧିକାରୀଙ୍କ ସହ ୯୦ ଜଣ ଅନ୍ୟ ଅଧିକାରୀ ରହିଛନ୍ତି ।

ଏଥିସହ ପଢ଼ନ୍ତୁ: Nuapada Bypoll: ଅକ୍ଟୋବର ୯ରେ ଆସିବ ଚୂଡ଼ାନ୍ତ ଭୋଟର ତାଲିକା

ସେପ୍ଟେମ୍ବର ୮ରେ ନୂଆପଡ଼ା ବିଧାୟକ ରାଜେନ୍ଦ୍ର ଢୋଲକିଆଙ୍କ ଦେହାନ୍ତ ହୋଇଥିଲା । ୪ ଥରର ବିଧାୟକ ରାଜେନ୍ଦ୍ର ଢୋଲକିଆ ଚିକିତ୍ସାଧିନ ଅବସ୍ଥାରେ ଚେନ୍ନାଇର ଏକ ହସ୍ପିଟାଲ୍‌ରେ ଆଖି ବୁଜିଥିଲେ । ହାର୍ଟ ଟ୍ରାନ୍ସପ୍ଲାଣ୍ଟ ପାଇଁ ଢୋଲକିଆଙ୍କୁ ଚେନ୍ନାଇ ନିଆ ଯାଇଥିଲା । ଚେନ୍ନାଇ ସ୍ଥିତ MGM ହସ୍ପିଟାଲରେ ଚିକିତ୍ସାଧୀନ ଥିବାବେଳେ ହାର୍ଟ ଟ୍ରାନ୍ସପ୍ଲାଣ୍ଟ ପୂର୍ବରୁ ତାଙ୍କର ମୃତ୍ୟୁ ହୋଇଥିଲା ।

ଖରିଆର୍ ରୋଡ୍ ଏନଏସି ଅଧ୍ୟକ୍ଷରୁ ନୂଆପଡ଼ା ବିଧାୟକ ହୋଇଥିଲେ ରାଜେନ୍ଦ୍ର ଢୋଲକିଆ । ସେ ୪ ଥର ବିଧାୟକ ଭାବେ ନିର୍ବାଚିତ ହୋଇ ବିଧାନସଭା ଯାଇଥିଲେ । ଥରେ ସ୍ଵାଧୀନ ଓ ୩ ଥର ବିଜେଡି ଟିକେଟରେ ବିଧାନସଭାକୁ ନିର୍ବାଚିତ ହୋଇଥିଲେ ଢୋଲକିଆ । ପୂର୍ବ ବିଜେଡି ସରକାରରେ ରାଜେନ୍ଦ୍ର ଢୋଲକିଆ ଯୋଜନା ଓ ସମନ୍ଵୟ ବିଭାଗର ମନ୍ତ୍ରୀ ଥିଲେ । ରାଜେନ୍ଦ୍ର ଢୋଲକିଆଙ୍କ ଦେହାନ୍ତ ପରେ ନୂଆପଡ଼଼ା ଆସନରେ ଉପନିର୍ବାଚନ ହେବାକୁ ଯାଉଛି ।

ଏଥିସହ ପଢ଼ନ୍ତୁ: Rajendra Dholakia: ହାର୍ଟ ଟ୍ରାନ୍ସପ୍ଲାଣ୍ଟ ପୂର୍ବରୁ ଚାଲିଗଲେ ନୂଆପଡ଼ା MLA, ୪ ଥର ହୋଇଥିଲେ ବିଧାୟକ

Argus News | argus news | Odisha Latest News, Breaking News, Trending News, Live TV