Nuapada Bypoll / ଜୟ ଢୋଲକିଆ ବିଜେପିରେ ମିଶିବା ପରେ କନଫ୍ୟୁଜନ୍‌ରେ ବିଜେଡି

ଭୁବନେଶ୍ଵର/ନୂଆପଡ଼ା: ଜୟ ଢୋଲକିଆ ବିଜେପିରେ ମିଶିବା ପରେ ନୂଆପଡ଼ା ଉପନିର୍ବାଚନ ପୂର୍ବରୁ ବିଜୁ ଜନତା ଦଳକୁ ଲାଗିଛି ଶକ୍ତ ଝଟକା । ପୂର୍ବରୁ ଯେଉଁ ଗେମ୍ କରୁଥିଲା ବିଜେଡି ଏବେ ସେହି ଭଳି ଗେମରେ ଫସିଯାଇଛି ଦଳ । ୨୪ ବର୍ଷର ଶାସନରେ ଥିବା ଦଳ ଆଗରେ ଏବେ ପ୍ରାର୍ଥୀ ସଂକଟ । ନୂଆପଡ଼ା ଯାଇ ରିପୋର୍ଟ ଦେବାକୁ ଦଳର ନେତାଙ୍କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମୋ ନବୀନ ପଟ୍ଟନାୟକ ।

କିଏ ହେବ ନୂଆପଡ଼ାରେ ବିଜେଡି ଚେହେରା ? କାହାକୁ ନୂଆପଡା ଉପନିର୍ବାଚନ ପାଇଁ ପ୍ରାର୍ଥୀ କରିବ ଦଳ ? ଦିବଙ୍ଗତ ବିଜେଡି ବିଧାୟକ ରାଜେନ୍ଦ୍ର ଢୋଲକିଆଙ୍କ ପୁଅ ଜୟ ଢ଼ୋଲକିଆ ବିଜେଡିରେ ମିଶିବା ପରେ ଯେପରି ବିଗିଡ଼ି ଯାଇଛି ବିଜେଡିର ସବୁ ଗଣିତ ।

ଏଥିସହ ପଢ଼ନ୍ତୁ: ନୂଆପଡ଼ା ଉପନିର୍ବାଚନ ପୂର୍ବରୁ BJDକୁ ଶକ୍ତ ଝଟ୍‌କା, ପଦ୍ମ ଧରିଲେ ଜୟ ଢୋଲକିଆ

ଚର୍ଚ୍ଚା ହେଉଛି ନୂଆପଡ଼ାର ବିଜେଡି ନେତା ଭାନୁ ପ୍ରତାପ ସିଂ ମାଝୀ, ନୂଆପଡ଼ା ଜିଲ୍ଲା ବିଜେଡି ସଭାପତି ଅବନୀ ଯୋଶୀ ଓ ପୂର୍ବତନ ମନ୍ତ୍ରୀ ଘାସୀରାମ ମାଝୀଙ୍କ ଝିଅ ସରୋଜିନୀ ମାଝୀଙ୍କ ଭିତରୁ ପ୍ରାର୍ଥୀ କରିପାରେ ଦଳ । ସେପଟେ ବରିଷ୍ଠ ନେତାଙ୍କୁ ନେଇ ଏକ ଟିମ୍ ଗଠନ କରିବା ସହ ନୂଆପଡ଼ା ଗସ୍ତକରି ୧୪ ତାରିଖ ସୁଦ୍ଧା ରିପେୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ନବୀନ ।

ଜୟ ଢ଼ୋଲକିଆ ବିଜେପିରୁ ପ୍ରାର୍ଥୀ ହେବା ଏକ ପ୍ରକାଶ ସୁନିଶ୍ଚିତ ହୋଇଥିବା ବେଳେ କେବଳ ଔପଚାରିକ ଘୋଷଣା ବାକି ରହିଛି । ନିର୍ବାଚନରେ ବିଜେପି କିପରି ଲଢ଼ିବ ସେଥିପାଇଁ ରାଜ୍ୟ କାର୍ଯ୍ୟାଳୟରେ ଆଜି ବସିଥିଲା ବିଜେପି କୋର୍ କମିଟି ବୈଠକ ।

ଯେଉଁଥିରେ ମୁଖ୍ୟମନ୍ତ୍ରୀ ମୋହନ ମାଝୀ ଓ ରାଜ୍ୟ ସଭାପତି ମନମୋହନ ସାମଲଙ୍କ ଉପସ୍ଥିତିରେ ରଣନୀତି ପ୍ରସ୍ତୁତ ହୋଇଛି । ତେବେ ପ୍ରାର୍ଥୀ ଘୋଷଣା ସହ କଂଗ୍ରେସ ପ୍ରଚାରରେ ଆଗୁଆ ରହିଥିବା ବେଳେ ୧୯ରେ ପ୍ରାର୍ଥିପତ୍ର ଦାଖଲ କରିବେ ଘାସୀରାମ ।

ନିର୍ବାଚନ ପୂର୍ବରୁ ଦଳ ବଦଳ

ନିର୍ବାଚନ ପୂର୍ବରୁ ଦଳ ଅଦଳବଦଳ କରି ଟିକେଟ ନେବା କିଛି ନୂଆ କଥା ନୁହେଁ । ୨୦୧୮ ବିଜେପୁର ଉପ ନିର୍ବାଚନ ବେଳେ ଦିବଙ୍ଗତ କଂଗ୍ରେସ ବିଧାୟକ ସୁବଳ ସାହୁଙ୍କ ପତ୍ନୀଙ୍କୁ ବିଜେଡିରେ ମିଶାଇ ପ୍ରାର୍ଥୀ କରିଥିଲେ ନବୀନ ।

୨୦୧୯ ସାଧାରଣ ନିର୍ବାଚନ ବେଳେ ମଧ୍ୟ ଆନନ୍ଦପୁର ଓ କାକଟପୁର ଆସନରୁ ବିଜେପି ଟିକେଟ ପାଇ ସାରିଥିବା ଭାଗିରଥୀ ସେଠୀ ଓ ତୁଷାରକାନ୍ତି ବେହେରାଙ୍କୁ ଟିକେଟ ଦେଇ ପ୍ରାର୍ଥୀ କରିଥିଲା ବିଜେଡି ।

ଏଥିସହ ପଢ଼ନ୍ତୁ: ବିହାରରେ NDA ଆସନ ବୁଝାମଣା; ୧୦୧ ଲେଖାଏଁ ଆସନରେ ଲଢ଼ିବେ BJP, JDU

ଏବେ ଜୟ, ରାଜେନ୍ଦ୍ରଙ୍କ ରକ୍ତ ନୁହେଁ ବେୋଲି ବିଜେଡି ଦେଇଥିବା ପ୍ରତିକ୍ରିୟାକୁ ଭଣ୍ଡ ସନ୍ୟାସୀଙ୍କ ଦେହରେ କାହା ରକ୍ତ ବେୋହୁଛି ବୋଲି ପ୍ରଶ୍ନ କରିଛନ୍ତି ପୂର୍ବତନ ବିଜେଡି ନେତ୍ରୀ ଶ୍ରୀମୟୀ ମିଶ୍ର । ଏବେ ବିଜେଡି ନୂଆପଡ଼ା ଡଙ୍ଗାରେ କାହାକୁ ବସାଇ ନିର୍ବାଚନ ବୈତରଣୀ ପାର୍ ହେଉଛି ତାହା ଦେଖିବାକୁ ଅପେକ୍ଷା ।