ଅର୍ଗସ ବ୍ୟୁରୋ: ଘୋଷଣା ହେବାକୁ ବାକିଥିବା ଆସନରେ ବିଜେଡି ପାଇଁ ବଢୁଛି ଅଡୁଆ । ଜୟପୁର ଆସନ ପାଇଁ ବରିଷ୍ଠ ନେତା ରବି ନନ୍ଦ ଏବଂ ଈଶ୍ବର ପାଣିଗ୍ରାହୀଙ୍କ ମଧ୍ୟରେ ଚାଲିଛି ଛକପଞ୍ଝା । ଉଭୟ ନିର୍ବାଚନ ମଣ୍ଡଳୀ ଛାଡି ରାଜଧାନୀରେ ଡେରା ପକାଇଛନ୍ତି । ସେହିପରି କୁଚିଣ୍ଡାରେ କିଶୋର ନାୟକଙ୍କ ଚିନ୍ତା ବଢାଇଛନ୍ତି ଆମଦାନୀ ନେତା ବୃନ୍ଦାବନ ମାଝୀ, ରାଜେନ୍ଦ୍ର ଛତ୍ରିଆ । ଉଭୟଙ୍କୁ ଦଳ ଆମଦାନୀ କରିବା ପରେ କୁଚିଣ୍ଡା ବିଜେଡିରେ ଚାଲିଛି ଗୃହ ଯୁଦ୍ଧ । ନୀଳଗିରିରେ ବି ସୁକାନ୍ତ ନାୟକ ବିଜେଡିରେ ମିଶିବା ପରେ ସନ୍ତୋଷ ଖଟୁଆ କରୁଛନ୍ତି ଜୋରଦାର ବିରୋଧ ।

ସେହିପରି କେନ୍ଦ୍ରାପଡା-କାକଟପୁର-କୋରେଇକୁ ନେଇ ଚିନ୍ତାରେ ବିଜେଡି । କେନ୍ଦ୍ରାପଡାରେ ଆମଦାନୀ ନେତାଙ୍କୁ ଦଳକୁ ଆଣିବା ପରେ ବିଦ୍ରୋହ ବଢିବା କାରଣରୁ ପ୍ରାର୍ଥୀଙ୍କ ନାଁ ଘୋଷଣା କରିବାକୁ ଭୟ କରୁଛନ୍ତି ବିଜେଡି ସୁପ୍ରିମୋ । କାକଟପୁରରେ ବି ସମାନ ସ୍ଥିତି ବର୍ତ୍ତମାନର ବିଧାୟକ ତଥା ଗୃହ ରାଷ୍ଟ୍ର ମନ୍ତ୍ରୀଙ୍କୁ ପ୍ରବଳ ବିରୋଧ ଏବଂ ସୁରେନ୍ଦ୍ର ସେଠୀଙ୍କ ଟିକେଟ ଲବି ଦଳ ପାଇଁ ଅଡୁଆ ବଢାଇଛି । କୋରେଇରେ କାହାକୁ କ୍ୟାଣ୍ଡେଟ କରିବ ଦଳ ସେ ଅଙ୍କ ବର୍ତ୍ତମାନ ସୁଦ୍ଧା ଛିଣ୍ଡୁନି । ବାଲିକୁଦା, ବେଗୁନିଆ, ବରି, ବଡ଼ଚଣାରେ ବିଗିଡିଲାଣି ବିଜେଡି ଗଣିତ । ଟିକେଟ ଅପେକ୍ଷାରେ ଅନେଇ ରହିଛନ୍ତି ବିଜେଡିର ଅନେକ ହେଭିୱେଟ । ହାର୍ଟବିଟ ବଢିବାରେ ଲାଗିଛି । ସେପଟେ କଂଗ୍ରେସର ୨୩ ଆସନରେ ପ୍ରାଥିଙ୍କ ନାଁ ଘୋଷଣା କରିବାକୁ ବାକି ଥିବା ବେଳେ, ବିଜେପି ଆଉ ୩୫ ଆସନରେ ଘୋଷଣା ବାକି ରହିଛି । ବିଜେପି ଦିନେ ଦୁଇ ଦିନ ମଧ୍ୟରେ ସମସ୍ତ ପ୍ରାର୍ଥୀଙ୍କ ନାଁ ଘୋଷଣା କରିବ ବୋଲି କହିଛନ୍ତି ଶୀର୍ଷ ନେତୃତ୍ୱ ।

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV