Skyroot Aerospace / ରକେଟ 'ବିକ୍ରମ' ନିର୍ମାଣରେ ଓଡ଼ିଆ ଯୁବ ବୈଜ୍ଞାନିକଙ୍କ ବଡ଼ ଅବଦାନ

ଭୁବନେଶ୍ଵର: ଦେଶର ପ୍ରଥମ ଘରୋଇ ଉଦ୍ୟମରେ ନିର୍ମିତ ସ୍କାଏରୁଟ୍ ଏରୋସ୍ପେସ୍‌ର 'ବିକ୍ରମ' ରକେଟ୍‌ର ସଫଳ ଉତକ୍ଷେପଣ ହୋଇଥିବା ବେଳେ, ଏହି ଐତିହାସିକ ସଫଳତା ପଛରେ ରହିଛି ଜଣେ ଓଡ଼ିଆ ପୁଅଙ୍କ ବଡ଼ ଅବଦାନ ।

ସେ ହେଉଛନ୍ତି ବରଗଡ଼ର ଯୁବ ଇଞ୍ଜିନିୟର ଶିଭମ ଆର୍ଯ୍ୟନ ବାଗ । ବିକ୍ରମ ରକେଟ୍‌ ନିର୍ମାଣ ଟିମ୍‌ରେ ଜଣେ ପ୍ରମୁଖ କ୍ରିଉ ମେମ୍ବର ଭାବେ ଶିଭମ ନିଜର ଆକାଶଛୁଆଁ ପ୍ରତିଭା ଦେଖାଇ ଓଡ଼ିଶା ପାଇଁ ଆଣି ଦେଇଛନ୍ତି ବିରାଟ ଗୌରବ । ବରଗଡ଼ ସହର ଓ ଶିଭମଙ୍କ ପରିବାର ମଧ୍ୟରେ ଖୁସିର ଲହରୀ ଖେଳିଯାଇଛି ।

ଏଥିସହ ପଢ଼ନ୍ତୁ: ରୋଷେଇ ଘରେ ଏଣ୍ଟ୍ରି କରିବ ଇଥାନଲ ! LPG ସିଲିଣ୍ଡରର ବିକଳ୍ପ ଆଣୁଛନ୍ତି ସରକାର ? 

ମହାକାଶରେ 'ବନ୍ଦେ ମାତରମ' । ସ୍କାଏରୁଟ୍ ଏରୋସ୍ପେସ୍‌ର 'ବିକ୍ରମ-୧' ରକେଟ୍‌ର ହୋଇଥିଲା ସଫଳ ଉତକ୍ଷେପଣ । ଆଉ ଏହି ରକେଟ ବିକ୍ରମ ନିର୍ମାଣରେ କମାଲ ଦେଖାଇଛନ୍ତି ଓଡ଼ିଆ ପୁଅ ଯୁବ ବୈଜ୍ଞାନିକ ଇଞ୍ଜିନିୟର ଶିଭମ ଆର୍ଯ୍ୟନ ବାଗ । ଗତ ଜୁଲାଇ ୧୮ ତାରିଖରେ ଭାରତୀୟ ମହାକାଶ ଗବେଷଣା କେନ୍ଦ୍ର ପକ୍ଷରୁ ଉତକ୍ଷେପଣ କରାଯାଇଥିଲା ଦେଶର ପ୍ରଥମ ଘରୋଇ ଉଦ୍ୟମରେ ନିର୍ମିତ ରକେଟ ବିକ୍ରମ ।

ଯାହାକି ମହାକାଶ ବିଜ୍ଞାନ କ୍ଷେତ୍ରରେ ରଚିଛି ନୂଆ ଇତିହାସ । ଏହି ସଫଳତା ପଛରେ ବହୁ ବୈଜ୍ଞାନିକଙ୍କ ହାତ ରହିଥିବା ବେଳେ ଏଥିରେ ସାମିଲ ଅଛନ୍ତି ବରଗଡ଼ ମାଟିର ପୁଅ ଶିଭମ ଆର୍ଯ୍ୟନ ବାଗ । ତାଙ୍କ ସଫଳତାକୁ ନେଇ ସମଗ୍ର ବରଗଡ଼ ସହରବାସୀ ଓ ପରିବାର ଲୋକେ ଖୁସି ଅନୁଭବ କରିଛନ୍ତି ।

ବରଗଡ଼ ପୌରାଞ୍ଚଳ ୱାର୍ଡ ନମ୍ବର ୧୨ର ବାସିନ୍ଦା ସ୍ୱର୍ଗତ ସୁରେନ୍ଦ୍ର କୁମାର ବାଗଙ୍କ ନାତି ତଥା ଡାକ୍ତର ସୁନୀଲ କୁମାର ବାଗଙ୍କ ପୁଅ ହେଉଛନ୍ତି ଶିଭମ । ରାଉରକେଲା ଏନଆଇଟିରୁ ପାସ କରିବା ପରେ ହାଇଦ୍ରାବାଦର ସ୍କାଏରୁଟି ଏରୋସ୍ପେସରେ ଯନ୍ତ୍ରୀ ଭାବେ ଯୋଗ ଦେଇଥିଲେ । ପ୍ରଥମ ସୁଯୋଗରେ ବିକ୍ରମ ଟିମରେ ଜଣେ କ୍ରିଉ ମେମ୍ବର ଭାବେ ସ୍ଥାନୀତ ହୋଇପାରିଥିଲେ ।

ଏଥିସହ ପଢ଼ନ୍ତୁ: ୧୬ ବର୍ଷ ପରେ ଭାରତ ଫେରିବେ ଲଳିତ ମୋଦି….! 

ମହାକାଶରେ ଦେଶର ପ୍ରଥମ ଘରୋଇ ରକେଟ୍ । ସ୍କାଏରୁଟ୍ ଏରୋସ୍ପେସର ଏହି ଅଦ୍ଭୁତପୂର୍ବ ସଫଳତା ପାଇଁ ପ୍ରଧାନମନ୍ତ୍ରୀ ମୋଦି ସମ୍ପୂର୍ଣ୍ଣ ଟିମ୍‌କୁ ଶୁଭେଚ୍ଛା ଜଣାଇଛନ୍ତି । ଏହି ସଫଳତା ଦେଶର କୋଟି କୋଟି ଯୁବପିଢ଼ିଙ୍କୁ ବଡ଼ ସ୍ୱପ୍ନ ଦେଖିବାକୁ ଓ ନିର୍ଭୀକ ଭାବେ କାମ କରିବାକୁ ପ୍ରେରଣା ଦେବ ବୋଲି କହିଥିଲେ ପ୍ରଧାନମନ୍ତ୍ରୀ ମୋଦି । ସେହିପରି ଏକ୍ସ ପୋଷ୍ଟରେ ଧର୍ମେନ୍ଦ୍ର ପ୍ରଧାନ ଲେଖିଛନ୍ତି, "ଘରୋଇ କ୍ଷେତ୍ରର ବଢୁଥିବା ଭାଗିଦାରୀ ସହିତ ଭାରତର ମହାକାଶ ଯାତ୍ରା ଏକ ନୂତନ ଯୁଗରେ ପ୍ରବେଶ କରୁଛି ।"