ଧୀରେଧୀରେ ବଢୁଛି ଖାଦ୍ୟ ସଚେତନତା । ଲୋକଙ୍କ ମଧ୍ୟରେ ବଢୁଛି ମାଣ୍ଡିଆର ଆଦର । କିଛି ବର୍ଷ ମଧ୍ୟରେ ମାଣ୍ଡିଆ ପାଲଟିଛି ଲୋକଙ୍କ ପ୍ରମୁଖ ଖାଦ୍ୟ । ଶକ୍ତି ଯୋଗାଉଛି ଶ୍ରୀଅନ୍ନ । ମାଣ୍ଡିଆରୁ ପ୍ରସ୍ତୁତ ଖାଦ୍ୟ ସାମଗ୍ରୀର ବଢୁଛି ଚାହିଦା । ମାଣ୍ଡିଆ ଚାଷକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ଆଜି ରାଜ୍ୟରେ ପାଳିତ ହେଉଛି ମାଣ୍ଡିଆ ଦିବସ ।

ରାଜ୍ୟ, ଦେଶ ତଥା ବିଦେଶରେ ମାଣ୍ଡିଆର ବହୁଳ ପ୍ରଚାର ପ୍ରସାର ଫଳରେ ଖାଜ୍ୟକୁ ମିଳିଛି ସ୍ୱତନ୍ତ୍ର ପରିଚୟ । ପୋଷକ ତତ୍ତ୍ୱରେ ଭରପୁର ମାଣ୍ଡିଆକୁ ପରବର୍ତ୍ତୀ ପର୍ଯ୍ୟାୟରେ ପହଞ୍ଚାଇବା ସହ ପୂରା ବିଶ୍ୱରେ ଏହାର ଚାହିଦା ବୃଦ୍ଧି ପାଇଁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର । ରାଜ୍ୟ ସରକାରଙ୍କ ପ୍ରୋତ୍ସାହନ ଫଳରେ କୋରାପୁଟ, ରାୟଗଡା ଓ କନ୍ଧମାଳ ଭଳି ଜିଲ୍ଲାରେ ଗୋଷ୍ଠୀ ଆଧାରିତ ମିଲେଟ ଚାଷ କ୍ରମଶଃ ବୃଦ୍ଧି ପାଇବାରେ ଲାଗିଛି। ଆଜି ଭୁବନେଶ୍ୱର ଲୋକସେବା ଭବନରେ ଆୟୋଜିତ ହେଉଛି ରାଜ୍ୟସ୍ତରୀୟ ମାଣ୍ଡିଆ ଦିବସ । ଉଦଘାଟନୀ ଅଧିବେଶନରେ ଯୋଗଦେବେ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂ ଚୌହ୍ୱାନ। 

ଏହାସହ ପଢ଼ନ୍ତୁ: ରାଜ୍ୟରେ ଆହୁରି ବଢିବ ଶୀତ, ୩ରୁ ୪ ଡିଗ୍ରୀ ଖସିବ ପାରଦ

କେନ୍ଦ୍ରମନ୍ତ୍ରୀ ଓଡ଼ିଶା ଓ ଦେଶର ଅନ୍ୟାନ୍ୟ ସ୍ଥାନରେ ଶ୍ରୀଅନ୍ନ ଉତ୍ପାଦନ, ପ୍ରକ୍ରିୟାକରଣ ଓ ଉପଯୋଗକୁ ଉତ୍ସାହିତ କରିବା ପାଇଁ କେନ୍ଦ୍ର ସରକାରଙ୍କ ପଦକ୍ଷେପ ସମ୍ପର୍କରେ ବକ୍ତବ୍ୟ ରଖିବେ । ଏହା ସହିତ କୃଷକଙ୍କ ଆୟ ବୃଦ୍ଧି ଓ ଗ୍ରାମୀଣ ଅର୍ଥନୀତିକୁ ମାଣ୍ଡିଆ ଚାଷ ଦ୍ୱାରା କିଭଳି ସୁଦୃଢ଼ କରାଯିବ ସେନେଇ ମଧ୍ୟ ଭିଜନ ରଖିବେ।

କେନ୍ଦ୍ର ସରକାର 2023 ବର୍ଷକୁ ଅନ୍ତର୍ଜାତୀୟ ମିଲେଟ ବର୍ଷ ଭାବେ ଘୋଷଣା କରିଥିଲେ । ମିଲେଟ ଆଧାରିତ କୃଷି ପ୍ରଣାଳୀକୁ ବୃଦ୍ଧି କରିବାରେ ଓଡ଼ିଶା ହୋଇପାରିଛି ଏକ ପ୍ରମୁଖ ରାଜ୍ୟ । ରାଜ୍ୟ ସରକାର ମାଣ୍ଡିଆ ଚାଷ ନିମନ୍ତେ ୩ ବର୍ଷ ପାଇଁ ହେକ୍ଟର ପିଛା ୧୦ ହଜାର ଟଙ୍କା ଆର୍ଥିକ ପ୍ରୋତ୍ସାହନ ରାଶିକୁ ବୃଦ୍ଧି କରି ୫ ବର୍ଷ ପାଇଁ ହେକ୍ଟର ପିଛା ୨୬ ହଜାର ୫୦୦ ଟଙ୍କା ପ୍ରଦାନ କରୁଛନ୍ତି। ଏବେ ରାଜ୍ୟର ୩୦ଟି ଜିଲ୍ଲାର ୧୭୭ଟି ବ୍ଲକରେ କାର୍ଯ୍ୟ କରୁଛି ଓଡ଼ିଶା ମିଲେଟ ମିଶନ।

ଏହାସହ ପଢ଼ନ୍ତୁ: ଐତିହାସିକ ବାଲିଯାତ୍ରା କଟକ-୨୦୨୫: ଷଷ୍ଠ ଦିନରେ କ'ଣ ରହିଛି କାର୍ଯ୍ୟକ୍ରମ ଜାଣନ୍ତୁ...

ଐତିହାସିକ ବାଲିଯାତ୍ରା କଟକର ଆଜି ହେଉଛି ଷଷ୍ଠ ଦିନ । ଆଜି ସୋମବାର ବାଲିଯାତ୍ରା ପଡ଼ିଆର ଦୁଇ ମଞ୍ଚ ଗଣକବି ବୈଷ୍ଣବ ପାଣି ମଞ୍ଚ ଓ ଅକ୍ଷୟ ମହାନ୍ତି ମଞ୍ଚରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ।

ଗଣକବି ବୈଷ୍ଣବ ପାଣି ମଞ୍ଚ: ଷଷ୍ଠ ଦିନର କାର୍ଯ୍ୟକ୍ରମ

ଉପସ୍ଥାପକ- ଲିଜା ଦାସ

4 PM-4.10 PM - IRCC, ସହାୟ, କଟକ - ଶାନ୍ତି ମଞ୍ଜରୀ ସାହୁ - ପୌରାଣିକ ନୃତ୍ୟ
4.15 PM-4.45 PM - ସୁଧାକର ମିଶ୍ର ଭଜନ ସନ୍ଧ୍ୟା, କଟକ - ସୁଧାକର ମିଶ୍ର - ମ୍ୟୁଜିକାଲ୍ ନାଇଟ୍
4.50 PM-5.00 PM - ଜାଗୃତି ନୃତ୍ୟ କଳାମନ୍ଦିର, କଟକ - ଯାଜ୍ଞସେନୀ ରାୟ - ମାହାରୀ ନୃତ୍ୟ
5.05 PM-5.15 PM - ରୂପାୟନ ସୋସାଇଟ୍, କଟକ - ସ୍ମିତା ମୂଲିଆ - ଓଲ୍ଡ ସିନେମା ସଙ୍ଗ୍ ରିମିକ୍ସ ଭିଲେଜ୍ ସଙ୍ଗ୍ ଡ୍ୟାନ୍ସ
5.20 PM-5.35 PM - ଅଙ୍ଗିକା, କଟକ - ଶ୍ରାବଣୀ ମିତ୍ର - ମଧୁରାଷ୍ଟକମ୍ ଓଡ଼ିଶୀ