Investment Promotion / ଆବୁଧାବିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, UAEରେ ଓଡ଼ିଶାର ନିବେଶ ପ୍ରଚାର ଆରମ୍ଭ

ଆବୁଧାବିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । UAEରେ ଓଡ଼ିଶାର ନିବେଶ ପ୍ରଚାର ଆରମ୍ଭ। ନିବେଶକଙ୍କ ସହ ଆଲୋଚନା ପୂର୍ବରୁ ପ୍ରସ୍ତୁତି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । UAEରେ ଓଡ଼ିଶାର ନିବେଶ ସମ୍ଭାବନାକୁ ନେଇ ହାଇଲେଭଲ୍ ଆଉଟ୍‌ରିଚ୍ କାର୍ଯ୍ୟକ୍ରମ ଆରମ୍ଭ ହୋଇଛି। ଆଜିଠାରୁ ୧୧ ତାରିଖ ପର୍ଯ୍ୟନ୍ତ UAEରେ ବିଭିନ୍ନ ନିବେଶକ, ବ୍ୟବସାୟୀ ଓ ଶିଳ୍ପ ପ୍ରତିଷ୍ଠାନ ସହ ଆଲୋଚନା କରିବେ ମୁଖ୍ୟମନ୍ତ୍ରୀ। ସେପ୍ଟେମ୍ବର ୧୨ରେ ଭାରତ ଫେରିବେ। ମୁଖ୍ୟମନ୍ତ୍ରୀଙ୍କ ସହ ଶିଳ୍ପମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ, ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ସମେତ ଶିଳ୍ପ ବିଭାଗ ଓ IPICOLର ବରିଷ୍ଠ ଅଧିକାରୀମାନେ ରହିଛନ୍ତି।''

ଏଥିସହ ପଢ଼ନ୍ତୁ: ଡ୍ରାଇଭର-ରଙ୍ଗମିସ୍ତ୍ରୀ ସାଜିଲେ ଡାଇରେକ୍ଟର; କୋଟି କୋଟି ଟଙ୍କାର ସାଇବର ମ୍ୟୁଲ୍ ଆକାଉଣ୍ଟ ରାକେଟ୍‌କ ପର୍ଦ୍ଦାଫାସ୍

ଆଜିଠାରୁ ଆରମ୍ଭ ହେବାକୁ ଥିବା ହାଇଲେଭଲ୍ ବିଜନେସ୍ ଓ ଇନଭେଷ୍ଟର୍ ମିଟିଂର ପ୍ରସ୍ତୁତି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ। UAEର ନିବେଶକ, ବିଭିନ୍ନ ପ୍ରତିଷ୍ଠାନ ଓ ବ୍ୟବସାୟିକ ନେତୃତ୍ୱଙ୍କ ସହ ହେବାକୁ ଥିବା ଆଲୋଚନାକୁ ଫଳପ୍ରଦ ଓ ନିର୍ଦ୍ଦିଷ୍ଟ ଫଳାଫଳ ଭିତ୍ତିକ କରିବା ଉପରେ ସେ ଗୁରୁତ୍ୱ ଦେଇଛନ୍ତି। ଏହାସହ UAEରେ ଭାରତୀୟ ରାଷ୍ଟ୍ରଦୂତଙ୍କୁ ମଧ୍ୟ ଭେଟିଛନ୍ତି ମୁଖ୍ୟମନ୍ତ୍ରୀ। ଭାରତ-ୟୁଏଇ ସମ୍ପର୍କକୁ ଆହୁରି ମଜବୁତ କରିବା ସହ ଦୁଇ ଦେଶ ମଧ୍ୟରେ ଅର୍ଥନୈତିକ ଓ ଜନସମ୍ପର୍କ ବୃଦ୍ଧିର ସୁଯୋଗ ନେଇ ଆଲୋଚନା ହୋଇଛି। UAEରେ ରହୁଥିବା ଓଡ଼ିଆମାନଙ୍କ ପାଇଁ ନିରନ୍ତର ସହଯୋଗ, ସୁବିଧା ଓ ସହଜ ଜୀବନଯାପନ ସୁନିଶ୍ଚିତ କରିବା ଉପରେ ମଧ୍ୟ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। UAE ଓ ଓଡ଼ିଶା ମଧ୍ୟରେ ସମ୍ପର୍କର ସେତୁ ଭାବେ ପ୍ରବାସୀ ଓଡ଼ିଆମାନଙ୍କ ଅବଦାନକୁ ସେ ସ୍ୱୀକାର କରିଛନ୍ତି।''

ଅଧିକ ପଢ଼ନ୍ତୁ ଓଡ଼ିଶା ଖବର: