କାମ କମ କରୁଛନ୍ତି ପକେଟ ଗରମ ବେଶୀ କରୁଛନ୍ତି ବିଜେଡି ନେତା
ଅର୍ଗସ ବ୍ୟୁରୋ : ଏଠି ଚାଲିଛି କାମ ବାହାରୁଛି ବାହାରୁଛି ଦୁର୍ନୀତିର ଗନ୍ଧ । ଆଉ ଏ ଦୁର୍ନୀତିର ଗନ୍ଧ ପଛରେ ରହିଛି ବିଜେଡ଼ି ନେତାଙ୍କ ହାତ । କାମ ଆସୁଛି କିନ୍ତୁ ହୋଇଛି ଅତି ନିମ୍ନ ମାନର । ଯାହାକୁ ନେଇ ଲୋକେ ହେଲେଣି ଏକାଠି । ଏଠି ଆମ ଓଡ଼ିଶା ନବୀନ ଓଡିଶା ନାଁରେ ହେଉଛୁ କାମ । କାମ ତ ନୁହେଁ ବିଛା ଚାଲିଛି ମରଣ ଯନ୍ତା । ଆଉ କାମ ନାଁରେ ନିମ୍ନ ମାନର କାମ କରି ମାଲେମାଲ ହେଉଛନ୍ତି ଶାସକ ଦଳର କର୍ମୀ । ଯୋଜନାରେ ହେଉଥିବା କାର୍ଯ୍ୟ ଗୁଡିକର କାର୍ଯ୍ୟାଦେଶ ବିଭାଗୀୟଙ୍କ ନାମରେ ଥିବାବେଳେ କାମ କରୁଛନ୍ତି ଶାସକ ଦଳର କର୍ମୀ । ଯାହାକୁ ନେଇ ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ନା କାମକୁ ତଦାରଖ କରୁଛନ୍ତି ନା ଲୋକଙ୍କ ଅଭିଯୋଗ ଶୁଣୁଛନ୍ତି । ମନଇଚ୍ଛା କାମ କରୁଛନ୍ତି ଶାସକ ଦଳର କର୍ମୀ ମାନେ ।
୨୦୨୪ ସାଧାରଣ ନିର୍ବାଚନ ପୂର୍ବରୁ ନବୀନ ସରକାରଙ୍କ ଆଉ ଏକ ନାଟକ ବୋଲି ଲୋକେ ଅଭିଯୋଗ କରୁଛନ୍ତି । କାହିଁକିନା ଲୋକେ ଏ ଯୋଜନାରୁ ଉପକୃତ ହୁଅନ୍ତୁ କି ନ ହୁଅନ୍ତୁ ଶାସକ ଦଳର କର୍ମୀଙ୍କ ପକେଟକୁ ଗରମ କରୁଛି 'ଆମ ଓଡ଼ିଶା ନବୀନ ଓଡିଶା' । କେଉଁଠି ପାଉଁଶ ଗଦା ଉପରେ ବୋରିଂ କରାଯାଉଛି ତ କେଉଁଠି ୧୨ ଫୁଟ ବଦଳରେ ୫ ରୁ ୬ ଫୁଟ ବୋରିଂ କରି ଟଙ୍କାକୁ ବାଟମାରଣା କରୁଛନ୍ତି ବିଜେଡ଼ି କର୍ମୀ । ହେଲେ ସବୁ ଦେଖିବି ପ୍ରଶାସନ ଚୁପ ବସିଛି ।
📱 Get Argus News App
✨'ଆମ ଓଡ଼ିଶା ନବୀନ ଓଡିଶା' ଯୋଜନାର ବାସୁଦେବପୁର ବ୍ଲକରେ ମୋଟାମୋଟି ୪୯୫ ଟି ପ୍ରକଳ୍ପ ରହିଛି । ବ୍ଲକର ମୋଟ ୩୬ଟି ପଞ୍ଚାୟତକୁ ପ୍ରତେକ ପଞ୍ଚାୟତକୁ ୫୦ଲଷ ଟଙ୍କା କରି ୧୮କୋଟି ଟଙ୍କା ଦିଆଯାଇଛି । ହେଲେ ସବୁ ପଞ୍ଚାୟତରୁ ଆସୁଛି ଦୁର୍ନୀତିର ଅଭିଯୋଗ ।
ହେଲେ ଘଟଣା ସ୍ଥଳକୁ କେହି ଅଧିକାରୀ ଯାଉ ନାହାଁନ୍ତି । କେବଳ ଏହି ଗୋଟିଏ ପଠଞ୍ଚାୟତ ନୁହେଁ ଏ ହେଉଛି ବ୍ରାହ୍ମଣଗାଁ ପଞ୍ଚାୟତର ବିଦ୍ୟାଳୟରେ ବୈକୁଣ୍ଠପୁର ବିଦ୍ୟାଳୟରେ ନୂତନ ଶ୍ରେଣୀ ଗୃହ ନିର୍ମାଣ କରାଯାଉଛି । ହେଲେ ଏଠି ମଧ୍ୟ ସମାନ ଅବସ୍ଥା । ୧୨ଫୁଟ ବଦଳରେ କମ ଖୋଳି କାମ ହୋଉଥିବାରି କାମ ବନ୍ଦକଲେ ଲୋକେ । କେବଳ ଏହି ଦୁଇଟି ପଞ୍ଚାୟତ ନୁହେଁ ବିଦେଇପୁର, ବ୍ରାହ୍ମଣଗାଁ ଭଳି ସାନକୃଷ୍ଣପୁର ସହ ବ୍ଲକର ସମସ୍ତ ପଞ୍ଚାୟତରୁ ଦୁର୍ନୀତି ହେଉଥିବା ନେଇ ଅଭିଯୋଗ ହେଉଛି । ହେଲେ ଅଭିଯୋଗ ପରେ ବି ବିଭାଗୀୟ ଅଧିକାରୀ ଚୁପ ବସିଛନ୍ତି ।