Videos
|
Odisha

Cyclone High Level Meeting / ଜଣାପଡ଼ିଗଲା ଏଇଠି ଲ୍ୟାଣ୍ଡଫଲ୍ କରିବ ବାତ୍ୟା; ଅପରାହ୍ନ ୪ଟାରେ SRC ଅଫିସରେ ବଡ଼ ବୈଠକ

Debashree Debasmita Sahoo
Browse all articles by Debashree Debasmita Sahoo
·41 mins ago·2 min read
ଜଣାପଡ଼ିଗଲା ଏଇଠି ଲ୍ୟାଣ୍ଡଫଲ୍ କରିବ ବାତ୍ୟା; ଅପରାହ୍ନ ୪ଟାରେ SRC ଅଫିସରେ ବଡ଼ ବୈଠକ
Cyclone Akvan High-Level Meeting

Key Points

ସମ୍ଭାବ୍ୟ ବାତ୍ୟା ପାଇଁ ଅପରାହ୍ଣରେ ବୈଠକ
ଅପରାହ୍ଣ ୪ଟାରେ ଏସଆରସି ଅଫିସରେ ବୈଠକ
ସମସ୍ତ ଅଧିକାରୀଙ୍କୁ ଉପସ୍ଥିତ ରହିବାକୁ ନିର୍ଦ୍ଦେଶ
ଭୁବନେଶ୍ଵର: ବଙ୍ଗୋପସାଗରରେ ସୃଷ୍ଟି ହୋଇଥିବା ସମ୍ଭାବ୍ୟ ବାତ୍ୟା ଉପକୂଳ ଆଡ଼କୁ ମାଡ଼ି ଆସୁଛି । ଆଜି ସନ୍ଧ୍ୟା ସୁଦ୍ଧା ବାତ୍ୟାର ରୂପ ନେଇପାରେ । ଲ୍ୟାଣ୍ଡଫଲ୍ ବେଳେ ଅତି ଭୀଷଣ ବାତ୍ୟାର ରୂପ ନେବ । ବାତ୍ୟାର ମୁକାବିଲା ନେଇ ଆଜି ଅପରାହ୍ନ ୪ଟାରେ ସ୍ଵତନ୍ତ୍ର ରିଲିଫ କମିଶନର (SRC)ଙ୍କ ଅଫିସରେ ବସିବ ଗୁରୁତ୍ୱପୂର୍ଣ୍ଣ ବୈଠକ । ସମସ୍ତ ଅଧିକାରୀଙ୍କୁ ଉପସ୍ଥିତ ରହିବାକୁ ରାଜସ୍ୱ ମନ୍ତ୍ରୀଙ୍କ କଡ଼ା ନିର୍ଦ୍ଦେଶ ରହିଛି । IMD ସହ ନିରନ୍ତର ଯୋଗାଯୋଗରେ ଅଛନ୍ତି ରାଜ୍ୟ ସରକାର । ବାତ୍ୟା ଆନ୍ଧ୍ର ଉପକୂଳ ଛୁଇଁବା ନେଇ ସୂଚନା ଥିବା ବେଳେ ମୁକାବିଲା ପାଇଁ ସରକାର ପ୍ରସ୍ତୁତ କହିଲେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ।

  • ଏଇଠି ଲ୍ୟାଣ୍ଡଫଲ୍ କରିବ ବାତ୍ୟା
ସ୍ପଷ୍ଟ ହେଲା ସମ୍ଭାବ୍ୟ ବାତ୍ୟାର ଗତିପଥ । ୨୦ ତାରିଖରେ ଆନ୍ଧ୍ର ଉପକୂଳ ଛୁଇଁବ । ନେଲୋର ଏବଂ ଟୁନି ମଧ୍ୟରେ ଲ୍ୟାଣ୍ଡଫଲ୍ କରିବ ବାତ୍ୟା । ୨୦ରେ ଆନ୍ଧ୍ରପ୍ରଦେଶ ଓ ୟାନାମ ଉପକୂଳ ଅତିକ୍ରମ କରିବ । 'ଅତି ଭୀଷଣ ବାତ୍ୟା' ଆକାରରେ ଛୁଇଁବ ଉପକୂଳ । ପବନର ବେଗ ଘଣ୍ଟା ପ୍ରତି ୧୪୫ କିମି ରହିବ । ଘଣ୍ଟାପ୍ରତି ୬କିମି ବେଗରେ ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରୁଛି । ଆଜି ସକାଳ ୮ଟା ୩୦ ସୁଦ୍ଧା ଦକ୍ଷିଣ-ପୂର୍ବ ଓ ସଂଲଗ୍ନ ଦକ୍ଷିଣ-ପଶ୍ଚିମ ବଙ୍ଗୋପସାଗରରେ କେନ୍ଦ୍ରୀଭୂତ ରହିଛି । ଏବେ ଗୋପାଳପୁରଠାରୁ ଦକ୍ଷିଣରେ ୯୧୦ କିଲୋମିଟର ଦୂର ଓ ଆନ୍ଧ୍ରପ୍ରଦେଶ ବିଶାଖାପାଟଣାଠାରୁ ୮୦୦ କିଲୋମିଟର ଦୂରରେ ରହିଛି ।

  • ଓଡ଼ିଶାରେ ୪ଦିନ ପ୍ରବଳ ବର୍ଷା ଆଶଙ୍କା
୧୮ ଓ ୧୯ ତାରିଖରେ ଓଡ଼ିଶାର ଉପକୂଳ ଜିଲ୍ଲାରେ ଓ ଉତ୍ତର ଓଡ଼ିଶାରେ ବର୍ଷାର ସମ୍ଭାବନା ରହିଛି । ଦକ୍ଷିଣ ଓଡିଶାରେ ମଧ୍ୟ ବର୍ଷାର ପ୍ରଭାବ ଦେଖିବାକୁ ମିଳିବ । ୧୯ରୁ ୨୧ ତାରିଖରେ ଉପକୂଳ ଓ ଦକ୍ଷିଣ ଓଡ଼ିଶାରେ ବର୍ଷାର ବିଶେଷ ପ୍ରଭାବ ରହିବ, କିନ୍ତୁ ଆଭ୍ୟନ୍ତରୀଣ ଓଡ଼ିଶାରେ ବର୍ଷାର ବିଶେଷ ପ୍ରଭାବ ରହିବ ନାହିଁ । ଯଦି ସମ୍ଭାବ୍ୟ ବାତ୍ୟା ଉତ୍ତର ଓଡ଼ିଶାରେ ହିଟ୍ କରେ ତେବେ ଓଡ଼ିଶା ଉପକୂଳରେ ସେମିତି ବିଶେଷ ପ୍ରଭାବ ପରିଲକ୍ଷିତ ହେବ । ଦକ୍ଷିଣ ଆନ୍ଧ୍ର ପ୍ରଦେଶ ଉପକୂଳ ଅତିକ୍ରମ କଲେ ପ୍ରଭାବ ସେତେଟା ରହିବ ନାହିଁ ।

ପଢନ୍ତୁ ଏହି ଖବର: ପୁଣି ଆଉ ଏକ ବାତ୍ୟା ମାଡ଼ି ଆସୁଛି; ୩ଦିନରେ ଅତି ଭୀଷଣ ବାତ୍ୟାର ରୂପ ନେଇପାରେ

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ୧୮ରୁ ୨୧ ତାରିଖ ଯାଏଁ ସମୁଦ୍ର ମନା
ସମ୍ଭାବ୍ୟ ବାତ୍ୟାକୁ ନଜରରେ ରଖି ମତ୍ସ୍ୟଜୀବୀଙ୍କ ପାଇଁ ସତର୍କ ସୂଚନା ଜାରି ହୋଇଛି । ନଭେମ୍ବର ୧୮ରୁ ୨୧ ତାରିଖ ଯାଏଁ ଦକ୍ଷିଣ ଓଡ଼ିଶା ଉପକୂଳ ଏବଂ ସମୁଦ୍ର ମଧ୍ୟକୁ ନଯିବାକୁ ପରାମର୍ଶ ଦିଆଯାଇଛି । ସମୁଦ୍ରରେ ଥିବା ମତ୍ସ୍ୟଜୀବୀମାନେ ଯଥାଶୀଘ୍ର ଉପକୂଳକୁ ଫେରିଆସିବାକୁ ପରାମର୍ଶ ଦିଆଯାଇଛି । ଏହାପରେ ଗଞ୍ଜାମ ଆର୍ଯ୍ୟପଲ୍ଲୀ ଜେଟିର ଶହ ଶହ ମସ୍ୟଜୀବ ଫେରିଆସିଛନ୍ତି । କୂଳରେ ନିଜ ଡଙ୍ଗା ସହ ଜାଲକୁ ସାଇତି ରଖିଛନ୍ତି।