Daily Wage Increase / ଶ୍ରମିକଙ୍କ ପାଇଁ ବଡ଼ ଖୁସି ଖବର, ୬ ଟଙ୍କା ବଢ଼ିଲା ଦୈନିକ ମଜୁରୀ

ଶ୍ରମିକମାନଙ୍କ ପାଇଁ ଆସିଛି ବଡ଼ ଖୁସି ଖବର । ଓଡ଼ିଶା ସରକାରଙ୍କ ଶ୍ରମ ଓ କର୍ମଚାରୀ ରାଜ୍ୟ ବୀମା ବିଭାଗ ପକ୍ଷରୁ ଶ୍ରମିକଙ୍କ ସର୍ବନିମ୍ନ ମଜୁରୀ ବୃଦ୍ଧି ନେଇ ନିର୍ଦ୍ଦେଶନାମା ଜାରି ହୋଇଛି ।

ନୂଆ ନିର୍ଦ୍ଦେଶ ଅନୁଯାୟୀ, ୧ ଅକ୍ଟୋବର ୨୦୨୫ରୁ ଅଣକୁଶଳୀ, ଅର୍ଦ୍ଧକୁଶଳୀ, କୁଶଳୀ ଏବଂ ଉଚ୍ଚକୁଶଳୀ ଶ୍ରମିକଙ୍କ ଦୈନିକ ମଜୁରୀରେ ୬ ଟଙ୍କା ଲେଖାଏଁ ବୃଦ୍ଧି କରାଯାଇଛି ।

ଏହା ଅନୁଯାୟୀ, ଅଣକୁଶଳୀ ଶ୍ରମିକଙ୍କ ଦୈନିକ ମଜୁରୀ ୪୭୨ ଟଙ୍କାରୁ ବଢ଼ି ୪୭୮ ଟଙ୍କା ହୋଇଛି । ସେହିପରି ଅର୍ଦ୍ଧକୁଶଳୀ ଶ୍ରମିକଙ୍କ ମଜୁରୀ ୫୨୨ରୁ ୫୨୮ ଟଙ୍କା, କୁଶଳୀ ଶ୍ରମିକଙ୍କ ମଜୁରୀ ୫୭୨ରୁ ୫୭୮ ଟଙ୍କା ଏବଂ ଉଚ୍ଚକୁଶଳୀ ଶ୍ରମିକଙ୍କ ଦୈନିକ ମଜୁରୀ ୬୨୨ରୁ ୬୨୮ ଟଙ୍କାକୁ ବୃଦ୍ଧି ପାଇଛି ।

ସରକାରଙ୍କ ନିର୍ଦ୍ଦେଶ ଅନୁସାରେ, ଶ୍ରମିକଙ୍କ ମଜୁରୀ ସହିତ ସଂଶୋଧିତ VDA କୁ ମିଶାଇ ନୂଆ ହାରରେ ଦେୟ ପ୍ରଦାନ କରିବାକୁ ନିଯୋଜକମାନଙ୍କୁ କୁହାଯାଇଛି ।
ସରକାରଙ୍କ ଏହି ପଦକ୍ଷେପ ଫଳରେ ରାଜ୍ୟର ବିଭିନ୍ନ କ୍ଷେତ୍ରରେ କାମ କରୁଥିବା ଶ୍ରମିକମାନେ ଉପକୃତ ହେବେ । ଦୈନିକ ମଜୁରୀରେ ବୃଦ୍ଧି ହୋଇଥିବାରୁ ଶ୍ରମିକମାନଙ୍କ ଆୟରେ ମଧ୍ୟ କିଛିଟା ବୃଦ୍ଧି ହେବ ।