ଡିଜେ ପାଇଁ ନୂଆ ନିୟମ । ନୂଆ ସର୍କୁଲାର ଆଣିଲା ରାଜ୍ୟ ପରିବହନ ବିଭାଗ । ନୂଆ ନିୟମ ଅନୁଯାୟୀ ଡିଜେ ଗାଡ଼ି ମୋଡିଫିକେଶନ କରିପାରିବେ ନାହିଁ ମାଲିକ । ସେହିପରି ଡିଜେରେ ୬୦ ଡେଶିବିଲରୁ ଅଧିକ ଶବ୍ଦ ବାଜିବ ନାହିଁ । ଏକଷ୍ଟ୍ରା ଲାଇଟ୍ କି ରଙ୍ଗୀନ୍ ଝଲମଲ ଲାଇଟ୍ ମଧ୍ୟ ଡିଜେ ଗାଡ଼ିରେ ଲାଗିବ ନାହିଁ । ଏହି ନିୟମ ରାଜ୍ୟ ସାରା ଲାଗୁ ହେବ ।

ଅଧିକ ପଢ଼ନ୍ତୁ: ଆଜିଠୁ ଭୁବନେଶ୍ବରରେ ବୁଲାକୁକୁର ଗଣତି, ୨ଟି ପର୍ଯ୍ୟାୟରେ ଗଣିବେ ୪୧୦ ଟିମ୍

ଯଦି କେହି ନିୟମ ଉଲଂଘନ କରନ୍ତି ତେବେ ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । MVA ନିୟମ ୧୨୮/୨୪ ଅନୁସାରେ ୧ ବର୍ଷ ଜେଲ ସହ ୧ ଲକ୍ଷ ଟଙ୍କା ଜରିମାନା ଦେବାକୁ ପଡ଼ିବ । ସେହିପରି ବାରମ୍ବାର ନିୟମ ଉଲଂଘନ କଲେ ଫିଟନେସ କ୍ୟାନ୍ସଲ କରିବ ପରିବହନ ବିଭାଗ । ନୂଆ ସର୍କୁଲାର୍ ଦ୍ଵାରା ଡିଜେ ଭିତରେ କମ୍ପିଟିସନ୍ ବି ବନ୍ଦ ହେବ । କେବଳ ଦୁର୍ଗା ପୂଜା ପାଇଁ ନୁହେଁ ସବୁ ଦିନ ପାଇଁ ଏହି ନିୟମ ଲାଗୁ ହେବ ବୋଲି କହିଛନ୍ତି ପରିବହନ ମନ୍ତ୍ରୀ ।