ଅର୍ଗସ ବ୍ୟୁରୋ: ପିପିଲି ଦାଣ୍ଡମୁକୁନ୍ଦପୁର IDBI ବ୍ୟାଙ୍କରେ ୩ କୋଟି ୭୦ଲକ୍ଷ ଠକେଇ । ଛତିଶଗଡ଼ର ରାଇପୁରରୁ ଆସିଷ୍ଟାଣ୍ଟ ମ୍ୟାନେଜର ତନ୍ମୟ ମହାରଣାଙ୍କୁ ବାନ୍ଧିଲା ଇଓଡବ୍ଲୁ । ଇଓଡବ୍ଲ୍ୟୁର ଏକ ଟିମ୍ ଛତିଶଗଡ଼ର ରାୟପୁରରୁ ତାଙ୍କୁ ଗିରଫ କରି ଭୁବନେଶ୍ଵର ଆଣିଛି । ପିପିଲି ବ୍ଲକ କାର୍ଯ୍ୟାଳୟର ୨ଟି ଆକାଉଣ୍ଟ ଉକ୍ତ ବ୍ରାଞ୍ଚରେ ଥିଲା । ୨୦୧୮ ମସିହାରେ ବିଡିଓ ଅଫିସ୍ ପକ୍ଷରୁ ୭ଟି ଚେକରେ ୩ କୋଟି ୭୦ ଲକ୍ଷ ଟଙ୍କା ବ୍ୟାକ୍‌କୁ ଦିଆଯାଇଥିଲା । ୨୦୨୨ ମସିହାରେ ଟଙ୍କା ଉଠାଇବା ସମୟରେ ଏଫ୍ଏଫ୍‌ଡି ନଥିବା କଥା ନଜରକୁ ଆସିଥିଲା ।

ଏନେଇ ଆଇଡିବିଆଇ ବ୍ୟାଙ୍କ୍ ଜିଏମଙ୍କୁ ଭେଟି ଘଟଣା ବିଷୟରେ ଜଣାଇଥିଲେ । ବ୍ୟାଙ୍କ ପକ୍ଷରୁ ତଦନ୍ତବେଳେ ତନ୍ମୟ ଓ ତାର ସହଯୋଗୀଙ୍କ ମହାଘୋଟାଲା ପଦାକୁ ଆସିଥିଲା । ଏନେଇ ଜିଏମ୍ ଗତ ଫେବୃଆରୀ ୨୯ ତାରିଖରେ ଇଓଡବ୍ଲ୍ୟୁରେ ଅଭିଯୋଗ କରିଥିଲେ । ଇଓଡବ୍ଲ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିବା ସହ ତନ୍ମୟଙ୍କୁ ଗିରଫ କରିଛି । ବ୍ୟାଙ୍କର ଅନ୍ୟ କିଛି କର୍ମଚାରୀଙ୍କ ସମ୍ପୃକ୍ତି ରହିଛି ତାର ଖୋଳତାଡ଼ କରୁଛି କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା ।

ଅଧିକ ପଢ଼ନ୍ତୁ ଓଡିଶା ଖବର: