ଅର୍ଗସ ବ୍ୟୁରୋ: ଉତ୍ତର ବଙ୍ଗୋପସାଗରରେ ସୃଷ୍ଟି ହେଲା ଘୁର୍ଣ୍ଣିବଳୟ । ଏହି ଘୁର୍ଣ୍ଣିବଳୟଟି ଅଧିକ ଘନୀଭୂତ ହୋଇ ଆସନ୍ତା ୪୮ ଘଣ୍ଟାରେ ନେଇପାରେ ଲଘୁଚାପର ରୂପ । ଏହାସସହ ମୌସୁମୀ ସହ ଆଉ ଏକ ଲଘୁଚାପ ଝାଡଖଣ୍ଡ ଓ ତାର ପାଖରେ ସକ୍ରିୟ ରହିଛି ।  ପ୍ରଭାବରେ ଆଗାମୀ ୩ ଦିନ ଯାଏଁ ରାଜ୍ୟରେ ପ୍ରବଳ ବର୍ଷା ସମ୍ଭାବନା ରହିଛି । 

ଆସନ୍ତା ୨୪ ରେ ଅନେକ ସ୍ଥାନରେ ବିଜୁଳି ଘଡଘଡି ସହ ହାଲୁକରୁ ମଧ୍ୟମ ବର୍ଷା ହେବାକୁ  ଥିବା ବେଳେ  ଅତି ପ୍ରବଳ ବର୍ଷା ପାଇଁ ୮ ଜିଲ୍ଲା ଯେପରିକି ମୟୂରଭଞ୍ଜ, କେନ୍ଦୁଝର, ଅନୁଗୁଳ, ଢେଙ୍କାନାଳ,କଟକ , ଜଗତସିଂହପୁର, ଯାଜପୁର ଓ କେନ୍ଦ୍ରାପଡାକୁ ଅରେଞ୍ଜ ୱାର୍ଣ୍ଣିଙ୍ଗ ଜାରି କରିଛି ପାଣିପାଗ ବିଭାଗ । 

ସେହିପରି ପ୍ରବଳ  ବର୍ଷା  ପାଇଁ ୧୮ ଜିଲ୍ଲା ବାଲେଶ୍ୱର, ଭଦ୍ରକ,ପୁରୀ, ଖୋର୍ଦ୍ଧା,  ନୟାଗଡ , କନ୍ଧମାଳ,  ବଲାଙ୍ଗୀର, ନୂଆପଡା , କୋରାପୁଟ ମାଲକାନଗିରି  ,ନବରଙ୍ଗପୁର,  ବୌଦ୍ଧ, ଦଦେଓଗଡ଼, ବରଗଡ଼, ସୋନପୁର , ସୁନ୍ଦରଗଡ, ଝାରସୁଗୁଡା  ଓ ସମ୍ବଲପୁର ରେ ୟେଲୋ ବର୍ଣ୍ଣିଙ୍ଗ  ଜାରିକରଯାଇଛି । 

ସେହିପରି ଆସନ୍ତାକଲି ମୟୂରଭଞ୍ଜ  ଓ କେନ୍ଦୁଝରରେ ଅତିପ୍ରବଳ ବର୍ଷା  ପାଇଁ  ଅରେଞ୍ଜ  ବର୍ଣ୍ଣିଙ୍ଗ  ସହ  ପ୍ରବଳ  ବର୍ଷା  ପାଇଁ ବାଲେଶ୍ୱର ,ଭଦ୍ରକ ,କେନ୍ଦ୍ରାପଡା,ଜଗତସିଂହପୁର , କଟକ ,ଯାଜପୁର ,ଢେଙ୍କାନାଳ ,ଅନୁଗୁଳ ମାଲକାନଗିରି, କୋରାପୁଟ  ସୁନ୍ଦରଗଡ  ଓ  ଝାରସୁଗୁଡା ରେ ୟେଲୋ ବର୍ଣ୍ଣିଙ୍ଗ ଜାରି କରଛି ପାଣିପାଗ ବିଭାଗ । 

୨୬ ରୁ କମିବ ବର୍ଷାର ପରିମାଣ। ଏହାସହ ଆସନ୍ତା ୩ ଦିନଯାଏ ସମୁଦ୍ରକୁ ନଯିବା  ପାଇଁ ପାଣିପାଗ ବିଭାଗ ବାରଣ କରାଯାଇଛି । ପୁଣି ୨୮ ରୁ ବଢିବ ବର୍ଷାର ପରିମାଣ।

ଅନ୍ୟପଟେ ଚଳିତ ମୌସୁମୀ ସିଜିନରେ ରାଜ୍ୟରେ ଜୁନ ୧ରୁ ଏଯାବତ ୭୪୯ .୪ ମିମି ବର୍ଷା ରେକର୍ଡ ହୋଇଛି । ଏବେବି ୧୧ ପ୍ରତିଶତ ନିଅଁଟିଆ ବର୍ଷା ରହିଛି । ୮୩୮ . ୮ ମିମି ବର୍ଷା ସ୍ୱାଭାବିକ ରହିବା କଥା । ବର୍ତ୍ତମାନ ସୁଦ୍ଧା ୧ ଜିଲ୍ଲାରେ ସ୍ୱାଭାବିକ ଠାରୁ  ଅଧିକ ବର୍ଷା ହୋଇଥିବାବେଳେ ୧୯  ଜିଲ୍ଲାରେ ସ୍ୱାଭାବିକ ବର୍ଷା ରେକର୍ଡ ହୋଇଥିବା ଓ ୧୦  ଜିଲ୍ଲାରେ ନିଅଣ୍ଟିଆ ବର୍ଷା ରେକର୍କ କରାଯାଇଥିବା ବେଳେ ବାଲେଶ୍ୱର ଓ ଭଦ୍ରକରେ ସବୁଠୁ କମ ବର୍ଷା ରେକର୍ଡ ହୋଇଛି । 

ଆହୁରି ପଢନ୍ତୁ ପାଣିପାଗ ଖବର...