ଭୁବନେଶ୍ଵର: ରାସନ କାର୍ଡ ଇ-କେୱାଇସି ଅପଡେଟ୍ ତାରିଖକୁ ବଢ଼ାଇଛନ୍ତି ରାଜ୍ୟ ସରକାର । ରାଜ୍ୟରେ ଜାରି ରହିଥିବା ରାସନ କାର୍ଡ ଇ-କେୱାଇସି ଅପଡେଟ୍‌ର ଶେଷ ତାରିଖ ଥିଲା ଜାନୁଆରୀ ୩୧ । ଏହାକୁ ଏବେ ରାଜ୍ୟ ସରକାର ବୃଦ୍ଧି କରିଛନ୍ତି । ଏନେଇ ସୂଚନା ଦେଇଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।

ମନ୍ତ୍ରୀଙ୍କ ସୂଚନା ଅନୁସାରେ, ଇ-କେୱାଇସି ଅପଡେଟ୍‌ର ଶେଷ ତାରିଖ ଥିଲା ୩୧ ଜାନୁଆରୀ । କିନ୍ତୁ କିଛି ଲାଭାର୍ଥୀ ଇ-କେୱାଇସ କରି ନଥିବାରୁ ତାରିଖ ବୃଦ୍ଧି ପାଇ ଦାବି କରିଥିଲେ । ଲୋକଙ୍କ ଦାବିକୁ ବିଚାରକୁ ନେଇ ରାଜ୍ୟ ସରକାର ରାସନ କାର୍ଡ ଇ-କେୱାଇସି ଅପଡେଟ୍ ଅବଧି ଫେବ୍ରୁଆରୀ ୧୫ ତାରିଖ ପର୍ଯ୍ୟନ୍ତ ବଢ଼ାଇଛନ୍ତି ।

ଜାନୁଆରୀ ୨୭ରେ ମନ୍ତ୍ରୀ କହିଥିଲେ, ରାଜ୍ୟରେ ଆହୁରି ୪୦ ଲକ୍ଷ ୪୦ ହଜାର ୮୬୪ ଜଣ ଇ-କେୱାଇସି କରି ନାହାନ୍ତି । ଅଯୋଗ୍ୟ ଓ ମୃତ ବ୍ୟକ୍ତି ଥିବାରୁ ଇକେୱାଇସି କରିବାକୁ ଆସୁନଥିବା ଆଶଙ୍କା କରିଥିଲେ ମନ୍ତ୍ରୀ । ରାଜ୍ୟ ବାହାରେ ୧ ଲକ୍ଷ ୩୦ ହଜାର ୨୬ ଜଣ ଇ-କେୱାଇସି କରିଥିବା କହିଥିଲେ ଯୋଗାଣ ମନ୍ତ୍ରୀ ।