ଓଡ଼ିଶାର ପ୍ରଥମ ବୋଇଂ ଷ୍ଟେମ୍‌ ଲ୍ୟାବ ସମ୍ବଲପୁରରେ ଆରମ୍ଭ ହୋଇଛି । ସମ୍ବଲପୁର, କୁଚିଣ୍ଡା, ରେଢ଼ାଖୋଲରେ ପ୍ରତିଷ୍ଠା ହେଲା ଷ୍ଟେମ୍‌ ଲ୍ୟାବ । ଆଗାମୀ ଦିନରେ ଜିଲ୍ଲାରେ ହେବ ଆହୁରି ୨ଟି ଲ୍ୟାବ୍‌ । ସମ୍ବଲପୁରରେ ଚନ୍ଦ୍ରଶେଖର ବେହେରା ଜିଲ୍ଲା ସ୍କୁଲରେ ଉଦଘାଟନ କଲେ କେନ୍ଦ୍ର ଶିକ୍ଷାମନ୍ତ୍ରୀ । କହିଛନ୍ତି, ଦେଶରେ ଝିଅ ପାଇଲଟଙ୍କ ସଂଖ୍ୟା ବୃଦ୍ଧି ପାଇଁ ବୋଇଂ କମ୍ପାନୀକୁ ଦାୟିତ୍ବ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ସମ୍ବଲପୁରରେ ଚନ୍ଦ୍ରଶେଖର ବେହେରା ଜିଲ୍ଲା ସ୍କୁଲର ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସ୍କୁଲରେ ନୂତନ ଭାବେ ପ୍ରତିଷ୍ଠା ହୋଇଥିବା ବୋଇଂ ସୁକନ୍ୟା ପ୍ରୋଗ୍ରାମ ଷ୍ଟେମ୍ ଲାବ୍ରୋଟୋରୀର ଉଦଘାଟନ କରିଛନ୍ତି କେନ୍ଦ୍ରମନ୍ତ୍ରୀ । ଧର୍ମେନ୍ଦ୍ର କହିଛନ୍ତି- ଓଡ଼ିଶାର ଆଜିର ଆକାର ପାଇଁ ସ୍ବୀର୍ଗୀୟ ଚନ୍ଦ୍ରଶେଖର ବେହେରାଙ୍କ ଅତୁଳନୀୟ ଅବଦାନ ଥିଲା । ସ୍କୁଲରେ ଦଶମ ଶ୍ରେଣୀ ଯାଏ ଥିବା ବେଳେ, ଆଗକୁ ଦ୍ବାଦଶ ଶ୍ରେଣୀ କରାଯିବ । ସ୍କୁଲରେ ପିଲାମାନଙ୍କୁ ମୌଳିକ ସ୍ପଷ୍ଟତା ଦେବାର ଆବଶ୍ୟକତା ଅଛି । କ୍ରିଟିକାଲ ଥିଙ୍କିଂ ବୁଝିବା ପାଇଁ ଓ ବୁଝାଇବା ପାଇଁ ମାତୃଭାଷାରେ ପାଠ ପଢ଼ାଇବା ପାଇଁ ପଡ଼ିବ । ବିଜ୍ଞାନକୁ ମଧ୍ୟ ସ୍କୁଲରେ ମାତୃଭାଷାରେ ପଢ଼ାଯିବା ଦରକାର ବୋଲି କହିଛନ୍ତି ଧର୍ମେନ୍ଦ୍ର ।

ସମ୍ବଲପୁର ସି.ଏସ.ବି ଜିଲ୍ଲା ସ୍କୁଲର ବାର୍ଷିକୋତ୍ସବ ‘ଜ୍ୟୋତିର୍ଗମୟ’ ଏବଂ ‘ବୋଇଂ ସୁକନ୍ୟା ପ୍ରୋଗ୍ରାମ ଷ୍ଟେମ ଲ୍ୟାବ’ର ଉଦଘାଟନ କାର୍ଯ୍ୟକ୍ରମରେ ଯୋଗଦେଲି । ଆଜିର ଶୁଭ ଅବସରରେ ମୁଁ ପଶ୍ଚିମ ଓଡ଼ିଶାର ପ୍ରଥମ ଆଇନଜୀବୀ ଚନ୍ଦ୍ରଶେଖର ବେହେରାଙ୍କୁ ଶ୍ରଦ୍ଧାଞ୍ଜଳି ଜଣାଉଛି । ଓଡ଼ିଆ ଭାଷାର ପୁନଃପ୍ରତିଷ୍ଠା ଏବଂ ସ୍ୱତନ୍ତ୍ର ଓଡ଼ିଶା ପ୍ରଦେଶ… pic.twitter.com/zBqBkOnRq8

— Dharmendra Pradhan (@dpradhanbjp) January 24, 2026

ସେପଟେ ଶିକ୍ଷାର ବିକାଶ ପାଇଁ ଡବଲ ଇଂଜିନ୍ ସରକାରଙ୍କ ପକ୍ଷରୁ ନିଆଯାଇଥିବା ପଦକ୍ଷେପ ଉପରେ ସୂଚନା ଦେଇଥିଲେ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ ।

ଏହା ପୂର୍ବରୁ କୁଲୁଣ୍ଡିରେ ସରକାରୀ ଶାରୀରିକ ଶିକ୍ଷା ମହାବିଦ୍ୟାଳୟରେ ନବ ନିର୍ମିତ ଇଣ୍ଡୋର ଷ୍ଟାଡିୟମ ଏବଂ କର୍ମଚାରୀ ଆବାସର ଶୁଭ ଉଦଘାଟନ କରିଥିଲେ କେନ୍ଦ୍ର ଶିକ୍ଷାମନ୍ତ୍ରୀ । ଏହି ପ୍ରକଳ୍ପ ଗୁଡ଼ିକ ପ୍ରାୟ ୧୦ କୋଟି ୪୬ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଛି ।

ବାଜି ରାଉତ କପ ଫୁଟବଲ୍ ଟୁର୍ଣ୍ଣାମେଣ୍ଟର ଉଦଯାପନୀ ସମାରୋହରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେଇଥିଲେ । ଏହାସହ ବାଲ୍ୟ ବିବାହ ସଚେତନତା ରଥକୁ ପତାକା ଦେଖାଇ ଶୁଭାରମ୍ଭ କରିଥିଲେ କେନ୍ଦ୍ରମନ୍ତ୍ରୀ ।