ଓଡ଼ିଶାରେ ହେବ ହୀରା କରଖାନା । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ଉଚ୍ଚସ୍ତରୀୟ କ୍ଲିୟରାନ୍ସ କମିଟି ବୈଠକରେ ୯ଟି ଜିଲ୍ଲାର ୨୦ଟି ମେଗା ପ୍ରକଳ୍ପକୁ ମଞ୍ଜୁରି ମିଳିଛି । ମୋଟ ୭୬ ହଜାର ୬୧୨ କୋଟି ଟଙ୍କାର ନିବେଶ ସହ ୫୦ ହଜାର ୫୦୦ରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ ।

କିରା ଡାମ୍ ଏଲଏଲପି, ଅଞ୍ଜଳି ଲାବଟେକ୍ ଲିମିଟେଡ୍ ଏବଂ ଗ୍ରୋ ମ୍ୟାଗ୍ନିଫିସେଣ୍ଟ ପ୍ରାଇଭେଟ୍ ଲିମିଟେଡ୍ ମିଳିତ ଭାବେ ଖୋର୍ଦ୍ଧାରେ ୯ ହଜାର ୮୧୭ କୋଟି ଟଙ୍କା ନିବେଶ କରି ହୀରା କାରଖାନା ସ୍ଥାପନ କରିବେ । ଏଥିରୁ ୮ ହଜାର ୧୦୦ ନିଯୁକ୍ତି ସୁଯୋଗ ସୃଷ୍ଟି ହେବ । ଟାଟା ପାୱାର ରିନ୍ୟୁଏବଲ୍ ଏନର୍ଜି ଗଞ୍ଜାମରେ ୧୦ ହଜାର କୋଟି ଟଙ୍କା ନିବେଶ କରି ସୋଲାର ପିଭି ସେଲ୍, ଇନଗଟ୍ ଓ ୱେଫର ଉତ୍ପାଦନ ୟୁନିଟ୍ ସ୍ଥାପନ କରିବ । ଏଥିରେ ୫ ହଜାର ଚାକିରି ସୃଷ୍ଟି ହେବ ।

ସେହିପରି ସାତ୍ୱିକ ସୋଲାର ଇଣ୍ଡଷ୍ଟ୍ରିଜ୍ ୧ ହଜାର ୭୧୦ କୋଟି ଟଙ୍କା ନିବେଶ କରି ଆଉ ଏକ ସୋଲାର ପିଭି ସେଲ୍ ୟୁନିଟ୍ ସ୍ଥାପନ କରିବ, ଯାହା ଦ୍ୱାରା ୫୧୯ ଜଣଙ୍କୁ ନିଯୁକ୍ତି ମିଳିବ ।