ଭୁବନେଶ୍ଵର: ଅପରାଧ ଉପରେ ନଜର ରଖିବ CCTV । ରାଜ୍ୟରେ ଥିବା ସମସ୍ତ ସରକାରୀ କାର୍ଯ୍ୟାଳୟ ବାହାରେ ସିସିଟିଭି କ୍ୟାମେରା ଲାଗିବ । ରାଜ୍ୟ ସରକାରଙ୍କ କାର୍ଯ୍ୟାଳୟ ସହ ରାଜ୍ୟରେ ଥିବା କେନ୍ଦ୍ର ସରକାରଙ୍କ କାର୍ଯ୍ୟାଳୟ ବାହାରେ ମଧ୍ୟ ସିସିଟିଭି ଲଗାଯିବ । ଏନେଇ ପରିବହନ କମିଶନରଙ୍କୁ ଚିଠି ଲେଖି ଅବଗତ କରାଇଛନ୍ତି ବାଣିଜ୍ୟ ଓ ପରିବହନ ବିଭାଗର ଯୁଗ୍ମ ନିର୍ଦ୍ଦେଶକ ।

ଚିଠିରେ କୁହାଯାଉଛି, ରାଜ୍ୟରେ ଥିବା କେନ୍ଦ୍ରୀୟ ଓ ରାଜ୍ୟ ସରକାରଙ୍କ କାର୍ଯ୍ୟାଳୟ ଗୁଡ଼ିକ ବାହାରେ ସିସିଟିଭି ଲଗାଯିବ । ଏନେଇ ଆସନ୍ତା ୧୭ ତାରିଖରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବଡ଼ ବୈଠକ ବସିବ । ବୈଠକ ପୂର୍ବରୁ ସିସିଟିଭି ଲଗାଯିବା ନେଇ ବିସ୍ତୃତ ତଥ୍ୟ ଦେବାକୁ କୁହାଯାଇଛି ।

ଏଥିସହ ପଢ଼ନ୍ତୁ: ବାବୁଙ୍କ ଉପରେ ନଜର ରଖିବ AI କ୍ୟାମେରା, ରାଜ୍ୟରୁ ଜିଲ୍ଲା ସବୁ ସରକାରୀ କାର୍ଯ୍ୟାଳୟ ଜଗିବ

ଏନେଇ ପୂର୍ବରୁ ବୈଠକ ବସିଥିଲା । ଯେଉଁଥିରେ ପୋଲିସ ଡିଜିଙ୍କ ସହ ମୁଖ୍ୟ ସାସନ ସଚିବ ସାମିଲ ହୋଇଥିଲେ । ନିଷ୍ପତ୍ତି ଅନୁସାରେ, ସମସ୍ତ ସରକାରୀ କୋଠାର ବାହାରେ ସିସିଟିଭି ଲାଗିବ । ଉକ୍ତ ସିସିଟିଭି ଗୁଡ଼ିକ ସରକାରୀ କୋଠାରୁ ଅତି କମ୍‌ରେ ୫୦୦ ମିଟର ଦୂର ପର୍ଯ୍ୟନ୍ତ ଦୃଶ୍ୟ ଉତ୍ତୋଳନ କରିପାରିବ । ଏନେଇ ଗତବର୍ଷ ହୋଇଥିବା ଡିଜି ଓ ଆଇଜି ସମ୍ମିଳନୀରେ ପରାମର୍ଶ ମଧ୍ୟ ଦିଆ ଯାଇଥିଲା ।

ସରକାରୀ କୋଠା ବାହାରେ ସିସିଟିଭି ଲାଗିବା ସହ ୫୦୦ ମିଟର କଭରେଜ୍ ରହିବ । ସିସିଟିଭି ଲଗାଯିବା ପରେ ଏହାକୁ କମାଣ୍ଡ ଆଣ୍ଡ କଣ୍ଟ୍ରୋଲ୍ ରୁମ୍ ସହ ଯୋଡ଼ାଯିବ । ଆସନ୍ତା ୧୭ ତାରିଖରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏନେଇ ବୈଠକ ବସିବ । ଉକ୍ତ ବୈଠକରେ ସିସିଟିଭି ଲଗାଯିବା ନେଇ ଗାଇଡଲାଇନ୍ ଅଣାଯିବା ସହ ଅର୍ଥ କେଉଁଠୁ ଆସିବ ଆଲୋଚନା ହେବ ।

ଏଥିସହ ପଢ଼ନ୍ତୁ: Instaରେ ବିବାଦୀୟ ପୋଷ୍ଟ ପାଇଁ ଜଗତସିଂହପୁରର ଜଣଙ୍କୁ ବାନ୍ଧିଲା କମିଶନରେଟ ପୋଲିସ

ଏହା ପୂର୍ବରୁ ସବୁ ସରକାରୀ ଅଫିସରେ AI କ୍ୟାମେରା ଲଗାଯିବାକୁ ନିଷ୍ପତ୍ତି ନିଆଯାଇଥିଲା । ପ୍ରଥମେ ଖାରବେଳ ଭବନ ଓ ଲୋକସେବା ଭବନରେ AI କ୍ୟାମେରା ଲଗାଯିବ । ପରବର୍ତ୍ତୀ ପର୍ଯ୍ୟାୟରେ ଜିଲ୍ଲାସ୍ତରର ସବୁ ସରକାରୀ ଅଫିସରେ ମଧ୍ୟ AI କ୍ୟାମେରା ଲାଗିବ । ନିର୍ଦ୍ଧାରିତ ସମୟରେ ଅଧିକାରୀ ମାନେ ଯେପରି ଅଫିସ୍ ଆସିବେ ସେଥିପ୍ରତି ମୁଖ୍ୟ ଶାସନ ସଚିବ ଗୁରୁତ୍ୱ ଦେଇଥିଲେ । ଏଥିପାଇଁ ନୂଆ ମେକାନିଜମ୍ ବିକଶିତ କରାଯିବ ।

ସେହିଭଳି ଭଲ ପ୍ରଦର୍ଶନ କରୁନଥିବା ଅଧିକାରୀଙ୍କ ଉପରେ ନଜର ରଖାଯିବ । ନିୟମିତ ଭାବେ ସେମାନଙ୍କ କାର୍ଯ୍ୟର ସମୀକ୍ଷା କରାଯିବା ସହ ପ୍ରଦର୍ଶନରେ ସୁଧାର ଆଣିବାକୁ ସୁଯୋଗ ଦିଆଯିବ । ପ୍ରଦର୍ଶନରେ ସୁଧାର ନ ଆସିଲେ ଆଗୁଆ ଅବସର ଉପରେ ମୁଖ୍ୟ ଶାସନ ସଚିବଙ୍କ ଗୁରୁତ୍ଵାରୋପ କରିଛନ୍ତି । ମୁଖ୍ୟମନ୍ତ୍ରୀଙ୍କ ଅଫିସରୁ ଆସୁଥିବା UI ନୋଟ୍ ଉପରେ ତୁରନ୍ତ ଉତ୍ତର ଦେବା ସହ ପଦକ୍ଷେପ ନେବାକୁ ମଧ୍ୟ ନିର୍ଦ୍ଦେଶ ଦେଇଥିଲେ ମୁଖ୍ୟ ଶାସନ ସଚିବ ।

Argus News | argus news | Odisha Latest News, Breaking News, Trending News, Live TV