ମୁଖ୍ୟମନ୍ତ୍ରୀ ଅଫିସ୍‌ରୁ ତଦନ୍ତ ରିପୋର୍ଟ ଗାଏବ ଘଟଣା । ରାଜ୍ୟ ସରକାରଙ୍କ ଗୃହ ବିଭାଗରୁ ଗୁରୁତ୍ୱପୂର୍ଣ୍ଣ ଫାଇଲ୍ ଗାଏବ ହୋଇଥିବା ନେଇ ଥାନାରେ ଏତଲା ଦିଆଯାଇଛି । ଥାନାରେ ଏତଲା ଦେଲା ଗୃହ ବିଭାଗ ।

ଗୃହ ବିଭାଗର ଯୁଗ୍ମ ସଚିବ ଶରତ ଚନ୍ଦ୍ର ମାରାଣ୍ଡିଙ୍କ ଅଭିଯୋଗ ଆଧାରରେ ମାମଲା ରୁଜୁ ହୋଇଛି । ନାଇଡ଼ୁ କମିଶନ ରିପୋର୍ଟ ଏବଂ ସମ୍‌ ହସ୍ପିଟାଲ ଅଗ୍ନିକାଣ୍ଡ ତଦନ୍ତ ରିପୋର୍ଟ ଗାଏବ ହୋଇଥିବା ଅଭିଯୋଗ ହୋଇଛି । ଲକ୍ଷ୍ମଣା ନନ୍ଦ ସରସ୍ବତୀ ହତ୍ୟାକାଣ୍ଡ ଘଟଣାରେ ନାଇଡ଼ୁ କମିଶନ ତଦନ୍ତ କରି ୨୦୧୬ରେ ରିପୋର୍ଟ ଦାଖଲ କରିଥିଲେ । ସେହିପରି ୨୦୧୮ ମସିହାରେ ସମ୍‌ ହସ୍ପିଟାଲ ଅଗ୍ନିକାଣ୍ଡ ଘଟଣାରେ ଆରଡିସି ତଦନ୍ତ କରି ରିପୋର୍ଟ ଦାଖଲ କରିଥିଲେ । ଦୁଇଟି ରିପୋର୍ଟ ଗାଏବ ହୋଇଥିବା ଅଭିଯୋଗ ହୋଇଛି ।