କଟକ: କିଶନନଗର ଥାନା ଅଞ୍ଚଳରୁ ଘନଘନ ଚୋରି । ଗତ କିଛି ଦିନତଳେ ଥାନା ସମ୍ନା ବଜାରରୁ ଚୋରମାନେ ଖୋଲା ଚ୍ୟାଲେଞ୍ଜ ଦେଇ ଦୋକାନରୁ ଚୋରି କରିଥିଲାବେଳେ ୪ ଜଣ ଚୋରକୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ । ହେଲେ କିଶନନଗର ଥାନା ଅଞ୍ଚଳର ମାହାଙ୍ଗା ରଘୁନାଥପୁର ଗ୍ରାମରୁ ଗତକାଲି ବିଳମ୍ବିତ ରାତ୍ରିରେ ନଗଦ ୬ ଲକ୍ଷ ଟଙ୍କା ସହ ସୁନା ଗହଣା ଚୋରୀ ହୋଇଛି । ଯାହାର ଆନୁମାନିକ ମୂଲ୍ୟ ୧୫ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡିଛି । ଗୃହକର୍ତ୍ତା ହରିଗୋଛୟାତ କିଶନନଗର ଥାନାରେ ଅଭିଯୋଗ  କରିଛନ୍ତି। 

ସୂଚନା ମୁତାବକ ଘରେ କେହି ନଥିବାବେଳେ ହରି ଗୋଛାୟତ ଏକୁଟିଆ ଘରେ ଥିଲେ । ଗତକାଲି ବିଳମ୍ବିତ ରାତ୍ରିରେ ପଦାକୁ ଉଠିଟିବାବେଳେ ଚୋରମାନେ ହରି ଗୋଛୟତଙ୍କ ମୁଣ୍ଡରେ ବନ୍ଧୁକ ଲଗାଇ ନଗଦ ୬ଲକ୍ଷଟଙ୍କା ଓ ସୁନା ଗହଣା ଚୋରି କରିନେଇଥିଲେ । ଏନେଇ ହରି ଗୋଚ୍ଛାୟତ କିଶନନଗର ଥାନାରେ ଅଭିଯୋଗ କରିବାପରେ ପୋଲିସ ତଦନ୍ତ ଆରମ୍ଭ କରିଥିଲେ ମଧ୍ୟ କାହାରିକୁ ଧରିବାରେ ସଫଳ ହୋଇନାହିଁ । ପୋଲିସ ବିଭାଗର ଉଚ୍ଚ କର୍ତ୍ତୃପକ୍ଷ ଏହାର ବିଧିବଦ୍ଧ ତଦନ୍ତ ସହ ଲୋକଙ୍କୁ ସୁରକ୍ଷା ଯୋଗାଇଦେବାକୁ ସାଧାରଣରେ ଦାବି ହୋଇଛି ।

ଆହୁରି ପଢନ୍ତୁ ଅପରାଧ ଖବର...