ଅର୍ଗସ ବ୍ୟୁରୋ: ଆଜି ଦ୍ବିତୀୟ ଦିନରେ ପୁଣି ହେବ ରତ୍ନଭଣ୍ଡାର ବୈଷୟିକ ସର୍ଭେ । ଭିତର ଓ ବାହାର ରତ୍ନଭଣ୍ଡାର ବିଷୟରେ ଅଧିକ ଡାଟା ଜେନେରେଟ କରିବ NGRI ଟିମ୍ । ରତ୍ନଭଣ୍ଡାର ଚଟାଣ, କାନ୍ଥ ତଳେ କଣ ସବୁ ରହିଛି ସେନେଇ ତଥ୍ୟ ଦେବ GPR ସିଷ୍ଟମ୍ ।ଅସୁରକ୍ଷିତ ରତ୍ନଭଣ୍ଡାରର ମରାମତି ପୂର୍ବରୁ ପୂର୍ଣ୍ଣାଙ୍ଗ ବୈଷୟିକ ଯାଞ୍ଚ ଉପରେ ଗୁରୁତ୍ଵ । ଆସନ୍ତାକାଲି ତିନିଦିନିଆ ସର୍ଭେ ସରିବା ପରେ ୧୦ ଦିନ ମଧ୍ୟରେ ଆସିବ ଚୂଡାନ୍ତ ରିପୋର୍ଟ ଅର୍ଥାତ୍ ଅକ୍ଟୋବର ପ୍ରଥମ ସପ୍ତାହ ଶେଷ ସୁଦ୍ଧା ରତ୍ନଭଣ୍ଡାର ଗୁପ୍ତ କୋଠରୀ ଓ ଗୁପ୍ତ ସୁଡ଼ଙ୍ଗ ରହସ୍ୟରୁ ପରଦା ହଟିବ । ଗତକାଲି ପ୍ରଥମ ଦିନ ପେନିଟ୍ରେଟିଂ ସର୍ଭେରେ ପ୍ରାୟ ୩ ଘଣ୍ଟା ୫୦ ମିନିଟ୍ ଧରି ତନ୍ନ ତନ୍ନ କରି ଭିତର ଓ ବାହାର ରତ୍ନଭଣ୍ଡାରରେ ଯାଞ୍ଚ କରିଛନ୍ତି NGRI ବୈଜ୍ଞାନିକ । ୩ ଜଣିଆ NGRI ବୈଜ୍ଞାନିକ, ୩ ଜଣିଆ ଏଏସଆଇ ବୈଷୟିକ ବିଶେଷଜ୍ଞ ଟିମ୍ ରତ୍ନଭଣ୍ଡାର ଭିତର ଓ ବାହାର ସ୍ଥିତି ବିଷୟରେ ରେଡିଓ ଆକ୍ଟିଭ ୱେଭ୍ ମାଧ୍ୟମରେ ଅଧିକ ତଥ୍ୟ ଯୋଗାଡ଼ କରିପାରିଛି । ଏହି ଆଧାରରେ ହେବ ରତ୍ନଭଣ୍ଡାର ମରାମତି ।

ଅଧିକ ପଢ଼ନ୍ତୁ ଓଡିଶା ଖବର...