ଭୁବନେଶ୍ୱର:  ଛାଡ଼ି ଯାଇଛି ବର୍ଷା, ଦେଇଯାଇଛି ଦୁର୍ଦ୍ଦଶା । ଅଦିନିଆ ବର୍ଷା ଦେଇଗଲା ଦୁଃଖ । ଉଜୁଡ଼ି ଗଲା ଚାଷୀଙ୍କ ବର୍ଷକର ପରିଶ୍ରମ । ପରିବା ଚାଷ ଜମିରେ ଲହଡ଼ି ମାରୁଛି ବର୍ଷା ପାଣି । ଭାଙ୍ଗି ଯାଇଛି ଚାଷୀଙ୍କ ଆର୍ଥିକ ମେରୁଦଣ୍ଡ । ଉପକୂଳରୁ ଉପାନ୍ତ ସବୁଠି ବଢିଛି ଚାଷୀଙ୍କ ଚିନ୍ତା ।

ବାଇଗଣ, ଭେଣ୍ଡି, କଲରା, ପିଆଜ, ବାଦାମ, ମୁଗ, ସୁର୍ଯ୍ୟ ମୁଖୀ ଆଦି ଚାଷ ଛାରଖାର୍ ହୋଇଯାଇଛି । ପୁରୀ ଜିଲ୍ଲାର ସତ୍ୟବାଦୀ, କୃଷ୍ଣପ୍ରସାଦ ଓ କଣାସ ଅଞ୍ଚଳରେ ବ୍ୟାପକ ଫସଲ କ୍ଷୟକ୍ଷତି ହୋଇଛି । ସେହିପରି ବାଲେଶ୍ବରର ବି ବିଭିନ୍ନ ଅଞ୍ଚଳରେ ଚାଷ ନଷ୍ଟ ହୋଇଛି । ସୁବର୍ଣ୍ଣପୁର ଜିଲ୍ଲାରେ ବିଲରେ ପାଣି ପଶି ଲକ୍ଷାଧିକ ଟଙ୍କାର ତରଭୁଜ ପଚି ସଢି ନଷ୍ଟ ହୋଇଯାଇଛି । ଧାର କରଜ କରି ଚାଷ କରିଥିବା ଚାଷୀ ଫସଲ ନଷ୍ଟ ଦେଖି ଚିନ୍ତାରେ ପଡିଛି ।.

ଅଧିକ ପଢନ୍ତୁ  ଓଡ଼ିଶା ଖବର