ସମ୍ବଲପୁର: ଗଞ୍ଜେଇ କାରାବାର କରି ବାପା-ପୁଅ ଗିରଫ । କୋଟ ପତି ହେବା ପାଇଁ ବାପ-ପୁଅ ଯୋଜନା ଚଲାଇଥିଲେ l ସମ୍ବଲପୁର ସହର କ୍ଷେତରାଜପୁରରେ ଉଭୟ ବାପ ପୁଅ ବୌଦ୍ଧ ଜିଲ୍ଲାରୁ ଗଞ୍ଜେଇ ଆଣି ଘରେ ଅଣ୍ତର ଗ୍ରାଉଣ୍ତରେ ରଖିଥିଲେ । ସହରରେ ଗଞ୍ଜେଇ ବିକ୍ରି କରିବା ନେଇ ଯୋଜନା ମଧ୍ୟ ଚଲାଇଥିଲେ । ହେଲେ ଗୁଇନ୍ଦା ଅବକାରୀ ବିଭାଗ ଖବର ପାଇ ଚଢାଉ କରି ୧ କୁଇଣ୍ଟାଲ ୭୭ କେଜି ଗଞ୍ଜେଇ ଜବତ କରି ଉଭୟ ବାପା ପୁଅକୁ ଗିରଫ କରିଛି । 

ନଗଦ ୫୭ ହଜାର ୩ ଶହ ଟଙ୍କା ମଧ୍ୟ ଜବତ ହୋଇଛି । ଗିରଫ ଦୁଇ ଅଭିଯୁକ୍ତ ହେଲେ କ୍ଷେତରାଜପୁର ବାପା ସୁରେଶ ଅଗ୍ରୱାଲ ଓ ପୁଅ ସୁମିତ ପୋଦାର । ତେବେ ଉଭୟ ଙ୍କୁ କୋଟ ଚାଲାଣ କରିଥିବା ନେଇ ଗୁଇନ୍ଦା ଅବକାରୀ ବିଭାଗର ଡେପୁଟି ସୁପ୍ରି୍ଟେଣ୍ଡ ବିପ୍ର ଚରଣ ମଣ୍ଡଳ ସୂଚନା ଦେଇଛନ୍ତି ।

ଆହୁରି ପଢନ୍ତୁ ଅପରାଧ ଖବର...