ମାର୍ଚ୍ଚ ୩୧ ସୁଦ୍ଧା ଦେଶରୁ ସମୂଳେ ନାଶ ହେବ ମାଓବାଦୀ । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କ ଟାର୍ଗେଟ୍ କ୍ରମେ ଅଭିଯାନରେ ଲାଗିଛନ୍ତି ସୁରକ୍ଷା ବାହିନୀ । ଖୋଜି ଖୋଜି ମାଓବାଦୀଙ୍କୁ ଲକ୍ଷ୍ୟ ଭେଦ କରାଯାଉଛି । ଭୟରେ ବି ବହୁ ନକ୍ସଲ ଆତ୍ମସମର୍ପଣ କରୁଛନ୍ତି । କିନ୍ତୁ ୟା ଭିତରେ ଜଣେ ମାଓ କମାଣ୍ଡର ହିଁ ସାଜିଛନ୍ତି ନିଜ ସଂଗଠନର ଅନ୍ୟ ମାଓବାଦୀଙ୍କ ପାଇଁ ବଡ଼ ଶତ୍ରୁ । ସେ ହେଲା ମୋଷ୍ଟ ୱାଣ୍ଟେଡ୍ ନକ୍ସଲ କମାଣ୍ଡର ଶୁକ୍ରୁ । ଯାହା ମୁଣ୍ଡ ଉପରେ ରହିଛି ୬୫ ଲକ୍ଷ ଟଙ୍କାର ପୁରସ୍କାର । ଯେଉଁ ମାଓବାଦୀ ସୁରକ୍ଷା ବାହିନୀ ପାଖରେ ଆତ୍ମସମର୍ପଣ କରିବାକୁ ଆସୁଛି ତାଙ୍କୁ ହତ୍ୟା କରୁଛି ଶୁକ୍ରୁ ।

କନ୍ଧମାଳର ଘଞ୍ଚ ଜଙ୍ଗଲରେ ଜୋରଦାର ହୋଇଛି ସର୍ଚ୍ଚ ଅପରେସନ୍ । ଅତ୍ୟାଧୁନିକ ଡ୍ରୋନ୍‌ କ୍ୟାମେରା ସହ ଏସଓଜି, ବିଏସଏଫ, ସିଆରପିଏଫ ଓ କନ୍ଧମାଳ ପୋଲିସ ମିଳିତ ଭାବେ ଘଞ୍ଚ ଜଙ୍ଗଲରେ ତନ୍ନ ତନ୍ନ କରି ଖୋଜୁଛନ୍ତି ଶୁକ୍ରୁ ଓ ତା ଟିମକୁ । ଉପରୁ ନଜର ରଖିଛି ଡ୍ରୋନ୍‌ । ଦାରିଙ୍ଗିବାଡି, ରାଇକିଆ, କୋଟଗଡରେ ଲୁଚିଥାଇପାରେ ଟପ୍‌ ମାଓନେତା । ଶୁକ୍ରୁ ଯିଏ ସରେଣ୍ଡର ପାଇଁ ଆସୁଥିବା ମାଓନେତା ଅନ୍ବେଷକୁ ମାରି ପୋତିଦେଇଥିଲା । ତା ନାଁରେ ମାଓ କ୍ୟାମ୍ପରେ ଏବେ କୋକୁଆ ଭୟ । ମାଲକାନଗିରି ଜିଲ୍ଲାର ଶୁକ୍ରୁ ଏବେ ମୋଷ୍ଟ ୱାଣ୍ଟେଡ୍ ।

ସେପଟେ ମାଓବାଦୀଙ୍କୁ ଡିଜିପିଙ୍କ ଶେଷ ଚେତାବନୀ । ବନ୍ଧୁକ ଛାଡି ମୁଖ୍ୟ ସ୍ରୋତରେ ସାମିଲ ହୁଅ । ହିଂସା ଛାଡି ଅହିଂସାର ରାସ୍ତା ଆପଣାଅ । ନ ହେଲେ ଜେସାକୁ ତେସା ନୀତି ଆପଣାଇବ ଓଡ଼ିଶା ପୋଲିସ । ମାର୍ଚ୍ଚ ଶେଷ ସୁଦ୍ଧା ପୂରା ଦେଶକୁ ମାଓ ମୁକ୍ତ ପାଇଁ ଲକ୍ଷ୍ୟ ରଖିଛନ୍ତି । ମାଓ ମୁକାବିଲାରେ ଓଡ଼ିଶାକୁ ବଡ଼ ସଫଳତା ମିଳିଛି । ଏବେ ମାତ୍ର ଗୋଟିଏ ଜିଲ୍ଲା କନ୍ଧମାଳ ହିଁ ମାଓ ପ୍ରବଣ । ସାରା ରାଜ୍ୟରେ ମାତ୍ର ୪୦ ଜଣ ସକ୍ରିୟ ମାଓବାଦୀ ଅଛନ୍ତି ।

ଏଥିସହ ପଢ଼ନ୍ତୁ: ତେଲେଙ୍ଗାନା-ଛତିଶଗଡ଼ ସୀମାରେ ଏନକାଉଣ୍ଟର,୫ ମାଓବାଦୀ ନିହତ ସୂଚନା