ଅର୍ଗସ ବ୍ୟୁରୋ: ଜୋର ଧରିଛି ମନ୍ତ୍ରୀ ରାଜେନ୍ଦ୍ର ଢୋଲକିଆଙ୍କୁ ବିରୋଧ । ବିଜୁ ପରିବାର ଏବଂ ସ୍ବାଭିମାନ ମଞ୍ଚ ତରଫରୁ ବିରାଟ ବାଇକ ରାଲି କରି ମନ୍ତ୍ରୀଙ୍କୁ ବିରୋଧ କରିଛନ୍ତି । ବିଜେଡି ଜିଲ୍ଲା ସଭାପତି ମନୋଜ ମିଶ୍ରଙ୍କ ନେତୃତ୍ବରେ ନୂଆପଡ଼ା ସହରଠୁ ରାଲି ବାହାରି ଖରିଆର୍ ରୋଡ ସହରରେ ମନ୍ତ୍ରୀ ରାଜେନ୍ଦ୍ର ଢୋଲକିଆଙ୍କ କୁଶପୁତ୍ତଳିକା ଦାହ କରିଥିଲେ । ପରେ ନୂଆପଡ଼ା ଜିଲ୍ଲାପାଳଙ୍କ ଅଫିସରେ ବିଜୁ ପରିବାର ଏବଂ ନୂଆପଡ଼ା ସ୍ବାଭିମାନ ମଞ୍ଚ ପକ୍ଷରୁ ଏକ ଦାବିପତ୍ର ଦିଆଯାଇଛି ।

ନୂଆପଡ଼ା ବିଧାୟକ ତଥା ଯୋଜନା ଓ ସମନ୍ବୟ ମନ୍ତ୍ରୀ ରାଜେନ୍ଦ୍ର ଢୋଲକିଆଙ୍କ ନାଁରେ ଦୁର୍ନୀତିର ଅଭିଯୋଗ ରହିଛି । ଯାହାକୁ ନେଇ ଗତ କିଛି ଦିନ ତଳେ ମନ୍ତ୍ରୀଙ୍କ ବିରୋଧରେ ରାଜରାସ୍ତାକୁ ଓହ୍ଲାଇଥିଲେ ଦଳୀୟ ନେତା । ନିଜ ଦଳୀୟ ନେତା ବିଜୁ ପରିବାର ନାଁରେ ସାମ୍ବାଦିକ ସମ୍ମିଳନୀ କରି କରିଥିଲେ ବିଶୋଦଗାର । ପରେ ମନ୍ତ୍ରୀଙ୍କୁ କାର୍ଯ୍ୟାନୁଷ୍ଠାନ ଦାବି କରି ନୂଆପଡ଼ା ବନ୍ଦ କରିଥିଲେ ସ୍ବାଭିମାନ ମଞ୍ଚର ସଦସ୍ୟ ।

ଅଧିକ ପଢ଼ନ୍ତୁ ଓଡିଶା ଖବର: