OTET Result Out / ପ୍ରକାଶ ପାଇଲା ଓଟିଇଟି ପରୀକ୍ଷା ଫଳ; ଏମିତି ଡାଉନଲୋଡ୍ କରନ୍ତୁ ମାର୍କସିଟ୍

କଟକ: ମାଧ୍ୟମିକ ଶିକ୍ଷା ପରିଷଦ ଦ୍ଵାରା ପରିଚାଳିତ ଓଟିଇଟି ପରୀକ୍ଷା ଫଳ ପ୍ରକାଶ ପାଇଛି । ଚଳିତ ବର୍ଷ ମୋଟ ୯୭ ହଜାର ୧୫୧ ଜଣ ପ୍ରାର୍ଥୀ ପରୀକ୍ଷା ପାଇଁ ଫର୍ମ ପୂରଣ କରିଥିବା ବେଳେ, ୮୪ ହଜାର ୭୩୧ ଜଣ ପରୀକ୍ଷା ଦେଇଥିଲେ। ସେଥିରୁ ମୋଟ ୫୩ ହଜାର ୩୧୪ ଜଣ ପ୍ରାର୍ଥୀ OTETରେ କୃତକାର୍ଯ୍ୟ ହୋଇଛନ୍ତି । ମୋଟ ପାସ୍ ହାର ରହିଛି ୬୪.୪୮ ପ୍ରତିଶତ ।

ଗତ ଜୁଲାଇ ୫ ତାରିଖରେ ହୋଇଥିଲା ଏହି ପରୀକ୍ଷା । ପେପର-୧ ଓ ପେପର-୨କୁ ମିଶାଇ ମୋଟ ୯୭ ହଜାର ୧୫୧ ଜଣ ପ୍ରାର୍ଥୀ ପଞ୍ଜୀକରଣ କରିଥିଲେ । ୧୨ ହଜାର ୪୨୦ ଜଣ ଅନୁପସ୍ଥିତ ଥିଲେ । ମୋଟ ପାସ୍ ହାର ୬୪.୪୮ ପ୍ରତିଶତ ରହିଥିବା ବେଳେ ପେପର-୧ରେ ପାସ୍ ହାର ୬୮.୨୮ ଓ ପେପର-୨ରେ ୬୦.୬୮ ପ୍ରତିଶତ ରହିଛି ।

Paper-I ପାଇଁ ୨୪,୯୯୧ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ଅନୁପସ୍ଥିତ ଥିଲେ ୩,୮୩୦ ଜଣ ପରୀକ୍ଷାର୍ଥୀ । ତେବେ କୃତକାର୍ଯ୍ୟ ହୋଇଛନ୍ତି ୧୭,୦୬୫ ଜଣ ପରୀକ୍ଷାର୍ଥୀ । ପାସ୍ ହାର ରହିଛି ୬୮.୨୮% । ସେହିପରି Paper-II ପାଇଁ ୫୯,୭୪୦ ପରୀକ୍ଷାର୍ଥ ପଞ୍ଜୀକରଣ କରିଥିଲେ । ସେଥିରୁ ଅନୁପସ୍ଥିତ ଥିଲି ୮,୫୯୦ ଜଣ ପରୀକ୍ଷାର୍ଥୀ । ମୋଟ କୃତକାର୍ଯ୍ୟ ହୋଇଛନ୍ତି ୩୬,୨୪୯ ଜଣ ପରୀକ୍ଷାର୍ଥୀ। ପାସ୍ ହାର: ୬୦.୬୮% ରହିଛି ।

• ଏମିତି ଡାଉନଲୋଡ୍ କରନ୍ତୁ ମାର୍କସିଟ୍ ଓ ଆନ୍ସର ସିଟ୍

ସେହିପରି କୃତକାର୍ଯ୍ୟ ପ୍ରାର୍ଥୀମାନେ ଆସନ୍ତା ସେପ୍ଟେମ୍ବର ୭ ତାରିଖ ସକାଳ ୧୧ଟାରୁ ଡିଜିଟାଇଜ୍ଡ ସାର୍ଟିଫିକେଟ୍ ଡାଉନଲୋଡ୍ କରିପାରିବେ । ଅନ୍ୟପକ୍ଷରେ ଯେଉଁ ପ୍ରାର୍ଥୀମାନେ OTETରେ କୃତକାର୍ଯ୍ୟ ହୋଇନାହାନ୍ତି, ସେମାନେ ନିଜ OMR ଆନ୍ସର ସିଟ୍ ମଧ୍ୟ ଡାଉନଲୋଡ୍ କରିପାରିବେ । ସେପ୍ଟେମ୍ବର ୫ରୁ ୧୨ ତାରିଖ ମଧ୍ୟରେ ବୋର୍ଡ ୱେବସାଇଟରୁ OMR ଆନ୍ସର ସିଟ୍ ଉପଲବ୍ଧ ହେବ ।

ପଢନ୍ତୁ ଏହି ଖବର: ପେପର ଲିକ୍ ରୋକିବା ପାଇଁ ମୋଦି ସରକାରଙ୍କ ବଡ଼ ନିଷ୍ପତ୍ତି; ପରୀକ୍ଷା ସଂସ୍କାର ପାଇଁ ଟାସ୍କଫୋର୍ସ ଗଠିତ

• ଜୁଲାଇ ୫ରେ ହୋଇଥିଲା ପରୀକ୍ଷା

ଦୁଇଟି ସିଟିଂରେ ହୋଇଥିଲା ପରୀକ୍ଷା । ପରୀକ୍ଷାର ପ୍ରଥମ ସିଟିଂ ସକାଳ ୯ଟାରୁ ଦିନ ୧୧.୩୦ଟା ପର୍ଯ୍ୟନ୍ତ ଚାଲିଥିଲା । ଏହାପରେ ଅପରାହ୍ନ ୨ଟାରୁ ଅପରାହ୍ନ ୪ଟା ୩୦ ପର୍ଯ୍ୟନ୍ତ ଦ୍ୱିତୀୟ ସିଟିଂ ପରୀକ୍ଷା ଅନୁଷ୍ଠିତ ହୋଇଥିଲା । ପାଖାପାଖି ୯୭ ହଜାର ପରୀକ୍ଷାର୍ଥୀ ଏହି ପରୀକ୍ଷା ଦେଇଥିବାବେଳେ ଏଥିରେ ପ୍ରାୟ ୮୪ ହଜାର ଛାତ୍ରଛାତ୍ରୀ ଏବଂ ୧୩ହଜାରରୁ ଅଧିକ ଶିକ୍ଷକ ଶିକ୍ଷୟିତ୍ରୀ ଅଛନ୍ତି । ରାଜ୍ୟର ୩୦ ଜିଲ୍ଲାରେ ଥିବା ୩୧୧ଟି ପରୀକ୍ଷା କେନ୍ଦ୍ରରେ ଅନୁଷ୍ଠିତ ହୋଇଥିଲା ।